烤魚工房 (南天大厦) (Moved) New Location

想不到是日晚餐吃什麼，於是又到我們的飯堂—烤魚工房。到烤魚工房當然就是要吃烤魚，所以想都不用想就直接點了我們的例牌江團魚，今次吃的是不辣的蒜香酸菜味，加配吸味之選—豆卜及凍豆腐。另外還點了百香果多多及芒果沙冰，一邊吃熱騰騰的烤魚，一邊喝冰凍的飲品，不管冰冷的冬天或是炎熱的夏日，都是一大享受。百香果多多甜甜酸酸的，帶有很香的百香果味，而且吃到一粒一粒的百香果籽，很開胃。芒果沙冰每次都裝得滿滿的，充滿芒果味，冰凍消暑。烤魚保持一貫水準，江團魚少骨，肉質嫩滑，一邊煮一邊吃肉質也不會老，大量的蒜粒，炸蒜及酸菜，令烤魚越吃越入味，配上豆卜及凍豆腐，吸收湯汁味道的精華，實在令人回味無窮。

以前食烤魚都是返深圳食, 估唔到依家元朗都開了間, 某天路過見到, 好想試!! 即刻回家帶阿爸去試下!!我見菜單主要是烤魚, 香鍋同串燒, 烤魚是主角, 雖然都想食香鍋, 不過食唔到咁多, 下次再來試!!烤魚是預先炸過一會的, 我只點了少辣, 都幾多辣椒, 應該會越食越辣~ 一條魚我覺得可以2-3人share, 到底泡椒有幾辣? 我又不敢試下咬只食魚肉當然唔夠, 這一大盆牛肉先夠阿爸食唔會太肥太油膩, 有牛肉味, 唔好滾太耐, 不過炸爐比較淺, 直接放牛肉上去後唔怕走牛~蒜蓉燒扇貝好新鮮!!! 扇貝肉還有少少"痴"住個殼!! 粉絲又吸晒扇貝的精華串燒點可以少了烤韭菜同燒牛舌!!!烤韭菜仲好juicy, 厚燒牛舌爽口彈牙的, 串燒有驚喜~ 不比主角遜色!!百香果多多可以見到有不少百香果粒, 真材實料!阿爸要啤酒, 原來是杯裝, 不是罐裝老爸都很滿足, 大杯酒大塊肉, 以後近近地去元朗就可以食烤魚

平時我都鍾意朋友返大陸食探魚，貪佢啲魚大大條有冇骨，不過下下要返大陸又真係幾麻煩，知道元朗開咗一間類似探魚嘅烤魚工房，急不及待要去試！佢嘅烤魚食法真係同探魚差唔多，同樣係烤魚下面會有一啲材料，你可以再另外叫一啲材料加下去，類似打邊爐。口寡寡突然間好想食酸菜魚，聽姐姐講話江團魚比較少骨，於是我哋就點左蒜香酸菜味嘅江團魚（$288）。然之後可以揀啲配料我就揀咗凍豆腐同金針菇，再加多個出前一丁，每款配料都係$16，但係之後再加就要$20了。在等待烤魚的時間，我哋還點左一啲燒烤同埋飲品，烤茄子（$32）係我每次必食燒烤嘅首選，喺呢度都烤得幾好味！👍厚燒牛脷串$36有兩串四片都幾抵，而且加上孜然粉更有燒烤風味！燒墨魚仔($28)都幾新鮮，不過脆燒鰻魚（$36）就有少少失望，可能外面嘅味料太多唔係好食到鰻魚嘅味道。另外我哋嗌左兩杯飲品，一杯係荔枝特飲色彩非常鮮艷，令一杯係百香果多多，呢杯幾好飲喎！大概過咗15分鐘，我哋點的烤魚上枱了！條江團魚嘅size非常之大上面鋪滿左酸菜同埋蒜頭，聞到就非常之香，食落酸菜嘅味道唔係話十分之酸，不過味道都唔錯。而魚嘅肉質非常鮮嫩，真係啖啖肉，而且食得出條魚非常新鮮