勝面 (Closed)

之前行過朗豪坊已經見到呢間牛肉麵，看上去裝修簡潔，已經好想去試，難得今日出旺角行街，所以就同友人黎試試！週末的下午時間來到都是滿座的！餐牌有很多不同選擇，每款麵類都可以揀湯麵或拌麵或泡飯！招牌麻辣牛三寶拌麵，初初以為餸跟拌麵是分開的，但原來是一碗過的！餸菜包括牛頸脊肉、牛腱心、牛頰肉、鴨血、豆腐等，鴨血比較結實，牛腱心有點彈牙，牛頰肉夠入味!而麵底是刀削麵，拌上麻辣醬，特別刺激惹味!拌麵還附有蛋花湯，清清地，我沖去麻辣味!涼拌手撕無骨鹽水雞湯麵，初初以為是整碗一起上，但手撕雞是跟麵分開上的。鹽水雞味道較濃，夠入味!麵或可以揀刀削麵、新竹米粉或關廟麵。湯底是清湯，刀削麵爽口彈牙，把鹽水雞跟麵一齊食味道會較好!百香果透心涼愛玉，食完辣再食愛玉即時舒緩口腔燙熱的感覺。平時係香港點台式飲品入面有愛玉比較多，第一次成碗愛玉，都幾過癮!口感就像啫喱，加上百香果的酸，能稍稍減去油膩感。鴉片黑糖波波鮮奶，鮮奶順滑，珍珠煙韌，黑糖味濃，較為甜少少，但用黎解辣都不錯!南方小島，其實係鳳梨茶，茶底唔甜，好香鳳梨味，有一種透心涼的感覺!這間餐廳的食物幾有台灣風味，值得再黎!

放左工同朋友一齊行朗豪坊，我地打算食完野先行街，見到店面簡潔俐落嘅設計吸引左，入座時係6點幾，唔算好多人，但越食就越多人，好彩黎得早。我地叫左兩個主食，兩杯飲品，一個甜品；食左2百零蚊。1.人氣精燉牛腱心湯飯配莓好時光$58+$28好鐘意呢間餐廳嘅湯，真心清甜冇味精，真係有驚喜。另外d牛腱好淋！有入口即融嘅感覺，但d飯唔會太軟，一齊食岩岩好。我叫左洛神花莓（少糖）配合返清清淡淡的牛肉麵🤤食得好開心滿足2. 台灣鹽酥雞肉燥飯配果漾繽紛茶$62+$35以前都好鍾意食鹽酥雞，不過又會驚佢切得大粒或者好咸好多炸粉，但都幾真材實料，雞肉、炸粉同鹽既比例控制得岩岩好，令人想一舊一舊送飯啊。另外肉燥亦唔會太乾，證明係精心炮製而唔係隨便炒既。3.百香果透心涼愛玉$28每次去台灣夜市必食嘅，所以今次都會叫！百香果酸酸甜甜，加上愛玉的彈牙，夏日消暑聖品😌

上個月店舖未開業嘅時候，小編經過已經超級想試😳不過之後小編一直都未有時間🤫所以就一直拖到而家先去試😎勝面係一間喺2006年開業，賣牛肉麵、滷肉飯同台式小食為主嘅店舖😋而佢哋嘅牛肉麵更加曾經榮獲2018犇Fun嘉年華台北國際牛肉麵大奬😯絕對係大有來頭😏-🍴涼拌手撕無骨鹽水雞每一份嘅鹽水雞🐓都有¼隻全人手拆絲雞肉，再加入經過多次特調製成嘅秘製台式鹽水雞醬汁😳鹽水雞入口嘅肉質鮮嫩，而且入口食落會帶有淡淡嘅鹹香味😉當中嘅麻油同蒜香味都比較重，唔會淡茂茂🥰而且仍然可以食得出雞肉本身嘅香味。整體來講，雖然鹽水雞嘅份量比較少🤔但就勝在入口食落唔會太鹹，而且食完之後亦都唔會超級口渴，味道亦偏向比較清爽😝-🍴招牌麻辣·牛三寶［小辣］師傅會將手工刀削麵放底，再喺表面放上牛三寶🐂、鴨血同滷水豆腐，而牛三寶其實即係牛頸脊肉、牛頰肉同牛腱心，再放入以美國牛肉、牛骨文火慢燉72小時嘅湯底同以加入花椒、八角、辣椒🌶️等製作嘅秘製台灣麻辣醬料製成麻辣湯底🥵呢一碗招牌牛肉麵一上枱嘅時候都有少少嚇親小編，雖然係叫咗小辣，但表面嘅辣油都好似幾多下😂不過原來入口食落又唔係好辣喎，即使小編呢啲平時唔好辣嘅人都食到😊而且佢係辣得來

「勝面」是在朗豪坊新開的食店。小編起初沒有細心留意，還以為是日式拉麵店，直至接過餐牌一刻，才知悉餐廳原來是一間台食店，哈哈！餐廳的內部裝潢簡潔，以白色作主色調，略帶咖啡店的影子。食品方面，一般台式小吃、飯麵、甜品及飲品都有選擇。「涼拌豚白肉」及「麻辣滷豆腐」皆屬涼菜，香辣口味適合喚醒口中味蕾。因豆腐本身吸汁，辣意更為明顯。小編不嗜血製品，只好遠觀這客「麻辣滷鴨血」。「台式鹽酥雞」擁有不俗的酥脆感，只是味道略鹹，鹽份分佈不夠平均。「蒜香台式香腸 (原味拼墨魚)」簡而美，一向討得小編歡心。主食「台式甜不辣拼花枝丸滷肉飯」內含甜不辣、花枝丸、滷肉及滷水蛋四款餸料放滿飯面。甜不辣即炸魚餅，它與花枝丸同屬炸品，不論口感味道皆有點相像，外酥內彈。滷肉肉碎切得比一般肉碎大粒，肥瘦適中，亦夠入味。甜品「流心麻糬芋泥雞蛋手工手抓餅」放在飯餐末段品評確實予人一點點負擔。相反，來一客酸香清新的「百香果透心涼愛玉」，更覺怡人合心。台式飲品深得港人喜愛，尤其是一眾黑糖飲品。這杯「鴉片黑糖波波奶茶」口感細滑，甜度適中。黑糖波波擁有吸引的 Q 彈煙韌食感，整體評價佳。首次造訪「勝面」，淺嚐了多款台式小吃及滷肉飯，普