樂天皇朝 (雅蘭中心)

Open Now

Now Closed

今日太想食小籠包，即刻諗起樂天皇朝，決定同老公一齊去食Lunch ，Menu 好多選擇也有唔少無肉餐單啱食素的，以前同老公食過呢間都覺得好好食。🧡皇朝擔擔拉麵🍜🧡老公好鍾意個擔擔面，麻醬花生醬味濃郁又帶點少辣，越食越滋味。🧡招牌原味小籠包🧡佢哋嘅小籠包真係每次食都唔會失望，皮薄多汁餡靚，夾起上嚟又唔會穿👍🏻 好食到我可以一個人食曬成籠😂🧡花蔬蒸餃🧡呢個素餃特別叫比老公，皮薄裡面餡料也很足，點少少辣椒油好食。🧡竹炭流沙包🧡呢個包一咬落去中間就爆曬汁，好流沙好香。🧡聞香蔥油餅🧡個蔥油餅做得好好，個餅皮做到好鬆好酥脆。甜點：💜宮廷驢打滾💜之前食過一次我哋已經勁鍾意，今次來一定再叫，糯米皮黏黏的，包住豆沙餡，上面再放上滿滿的黃豆粉。P.s. 佢哋茶芥前菜嗰碟炆花生真係好好食🤭

上次係雅蘭見到樂天皇朝，已經好想食佢既小籠包。今日出開旺角行街，梗係要食番佢。餐廳係傳統中式佈置，座位闊落，用餐環境舒適，適合聚會，但係又唔會太嘈。- 特色皇朝小籠包 (八色)最想食既一定係皇朝小籠包，有齊 8 種口味。每種口味有各自顏色，色彩繽紛，好有特色，必定要試。可以由中間開始，跟住順時針食，就會由淡味食到濃味。每個小籠包都係皮薄餡多湯汁多，真係好正；個人覺得蒜香，蟹粉，黑松露味道最特出，配搭得最好。- 皇朝擔擔拉麵食上海菜，擔擔麵都係必叫。雖然係淨麵，不過湯汁好香濃，好重麻醬同花生味，不過就比較辣。- 上海生煎包生煎包即煎，底部香脆，而且肉汁多。- 蒜蓉炒菠菜超香蒜蓉味，好難得有餐廳炒到咁香咁好食，不過份量就比較少。- 香煎豆沙鍋餅 & 薑茶黑芝麻湯圓食飽咗，當然要食埋中式甜點 - 豆沙鍋餅，芝麻湯圓。豆沙鍋餅，外皮香脆，豆沙蓉綿滑，甜度適中。薑茶味道幾好，有少少辣，飲完個身會暖咗。- 檸檬菊花蜜試咗杯檸檬菊花蜜，少少檸檬既酸味，但係最後係有蜜糖既清甜，值得一試。

久仰咗呢間嚟自新加坡嘅過江龍嘅大名樂耐 呢晚終於嚟咗呢間旺角嘅分店 呢日平日大約七點入座 已經坐咗八成滿啦🙈餐前小食店員帶完位就會放低呢個小食 呢個小食有花生同栗子 兩樣都好軟腍 栗子更多有甜味 幾開胃😉特色皇朝小籠包嚟呢間餐廳嘅目的就係食呢款八色小籠包🥰 終於有機會食啦 八款口味分別係原味 糟溜絲瓜 鵝肝 黑松露 芝士 蟹粉 蒜香 川味 餐廳仲建議要順住呢個次序食😙 因為口味係由淡到重嘅 特別鍾意黑松露同川味 黑松露有好香嘅菇味 而川味唔會太辣 不過就比較重麻嘅感覺 如果偏好某一種口味 都可以選擇叫晒同一隻味㗎😛鮮蝦豬肉抄手拌麵呢個拌麵好惹味 面頭嘅金蒜 青蔥同辣椒粒 加埋底係有啲麻辣嘅汁😎 咁樣嘅拌麵真係好正 鮮蝦豬肉抄手嘅餡亦都好足料🐷皇朝擔擔拉麵擔擔麵幾重麻醬味 麵嘅份量都幾多 湯底有少少杰 所以麵條好掛汁🍜 八色小籠包真係好啱打卡 喺傳統之中帶嚟驚喜 真係非常有特色啊😌

下午三至五點係下午茶時段，全單六折🤩呢個下午茶只有平日做，星期六日冇㗎！平日下午三點去到餐廳都幾空，唔使等位！一坐低之後就自己剔點心紙！兩個人食，總共叫左七樣野！叫得有啲多所以最後食唔哂要拎走🤪每次嚟到一定要嗌呢個皇朝小籠包，佢總共有八隻唔同嘅味。我覺得做得最出色嘅都係原味，另外芝士同蟹粉都做得好好味🤤每個小籠包個皮都好薄又爆汁，超滿足！另外都嗌左三款前菜，涼拌黑木耳都好推介識落好清新好開胃🤩🤩🤩海蜇頭就比較un咗少少，但味道都算唔錯。醉雞不過不失👌🏻呢個炸饅頭有驚喜👏🏻🤩炸得勁脆仲要係即叫即炸點住煉奶食真係一流😋💯另外都叫咗擔擔麵同炸醬麵，擔擔麵做得唔錯個湯底辣辣地超濃花生味，啲麵亦軟硬適中👌🏻買單四百零蚊兩個人（已經折咗六折）如果原價食價錢真係偏貴🌝但下午茶食個人覺得都幾抵，環境同服務都唔錯，值得一試🤪

之前看到朋友發上社交網站的美食照，太吸引而果斷bookmark了。所說的就是這一間「樂天皇朝」，這晚和友人到訪其旺角分店來一個痛快暢吃。因為近月情況，客人量不算多。餐廳樓底高，座位寬闊，坐得舒適。網上多人推介的李白醉雞，份量蠻多。雞件入口有絲絲酒香，個人認為酒味可以再濃一點。雞肉略嫌有點鞋身，嫩滑度不夠高。加$10可轉為雞腿肉，可能情況會有所改善。酥餅外皮香脆，一層一層的酥皮感覺是很考手工之作，而裡面就是啖啖蘿蔔絲。這裡的招牌菜又怎能不試！八個顏色各代表一種口味，打卡度也很高。桌面上也有教學，建議由淡味至濃度吃起來。筆者和朋友happy share，各試4款，分別進食了原味、人蔘、蟹粉、川味。果然每一顆味道都好鮮明：入口就是滿滿蔘香、蟹粉鮮香，川味更有著微微麻辣感。而原味則突出了豬肉香味。但有點稍嫌小籠包皮做得有一點厚身。排骨感覺其實就是豬排，酥炸後入口香口惹味。肉質做得夠腍，配上甜香沙拉醬也是相當夾。不過，炸香後的排骨跟沙拉醬，多吃2塊會有點油膩感。菜肉雲吞大隻，餡量夠多，雲吞皮也做得薄身滑溜。配上豬骨湯頭，清淡中帶點豬肉香。正好消減一下前一道菜的膩感。擔擔麵頗大碗，幼白麵條質感有點

又係平日放工出街開飯🍚🍚 本身諗住去牛角 點知又係太多人排隊 就試吓呢間 見啲人入去都唔使排隊 好快就已經坐低左 周圍算係舒服 唔會同隔離太近 睇睇個Menu先樂天皇朝 曾經輕過一排嘅八色小籠包～ 除咗呢個Menu之外 佢仲有一本大menu可以睇吓啲相 呢個只係for落單用 我覺得有埋價錢會好啲撈拌海中寶 賣相我就覺得一般般 但係食落海蜇同蝦幾爽口嘅 加埋啲汁撈埋唔錯 但係就唔係好夾青瓜啲味皇朝小籠包 睇落都OK嘅 特別推薦蟹粉同埋原味 其他我就真係覺得一般般 例如食個鵝肝味小籠包嗰陣 覺得個肉仲搶咗個鵝肝味同埋小籠包唔夠熱擔擔面 一開始睇落好細碗 但係食落個份量都係足夠既 只係有少少辣 同埋嗰啲拉麵成日痴埋一齊 夾嗰陣有啲麻煩 比較難分開生煎包 正正常常冇乜驚喜 宮廷壚打滾 睇個名完全唔知食啲咩 睇落好似好”in銀” 食落裏面係紅豆蓉 同埋唔會癡牙 幾特別 埋單$4xx 我覺得試一試無妨 不過就未必可能會返兜了

友人生日想請佢食餐飯，朋友介紹咗呢度，就嚟試下。搭扶手電梯上2樓嗰陣已經隱約見到間餐廳名，但係上到去又見唔到，一擰轉頭心入面就嘩咗聲，因為呢個商場都係開揚café類 / 連鎖店多，唯獨佢呢間，睇門面已經feel到有霸氣！個裝修係幾靚，我特別欣賞佢店入面用瓷片 (打碎嘅碗？) 砌嘅服裝掛畫，乍看好似幅幅一樣，但細看就發覺每幅都有d唔同，幾有心思。食晏時間都幾多人，同隔離檯都幾近。一坐低先食個前菜，栗子同花生一齊醃，食栗子會食到少少花生味，反之亦然，而且醃得幾淋，唔使點咬，好啱做前菜。個茶都好飲，茶壺有格調。(我遲咗到，所以唔知係咩茶)先上「李白醉雞」($78)，我自己跟過師傅斬雞，知道一d都唔容易，所以好欣賞佢可以擺得咁靚！好香酒味，雞又滑，唔錯唔錯。好快就上埋「皇朝擔擔拉麵」($58)，餐牌上佢係有隻辣椒icon，而佢都真係幾辣，唔食辣嘅朋友可能要叫其他嘢喇 ~ 不過呢個好味！麵幾彈牙，而且湯入面仲有d醬料，令個味更豐富。「皇朝話梅骨」($88)，上碟嗰陣見d肉堆埋哂喺隻碟嘅角落 (係靚嘅)，以為份量唔係好多，點知食到我哋兩個飽哂都仲未食完 ...介紹我哋嚟嘅朋友話呢個好正，但d骨多，

一直都因為想試八色小籠包而來, 覺得影相靚, 又多口味. 但最後係竟然沒有嘗試到.因為有榴槤小籠包而改變了我! 本人非常愛吃榴槤, 幸好同行三位友人都是愛吃榴槤之人我們先吃了一籠原味小籠包, 好多湯, 好鮮甜, 已經覺得好好味!然後好期待榴槤小籠包, 究竟入面有沒有湯的呢?是沒有的! 但有一整舊榴槤肉在入面, 暖暖地的肉, 很軟綿綿.太好吃了! 我們直程想再叫多一籠, 但已經叫了太多食物了. 下次一定要再吃!!!!!其他小菜有:蒜香日本青瓜 -很爽口肉碎欖菜乾煸四季豆 -很正常的菜式, 普通但美味!皇朝擔擔拉麵 -非常之辣, 我們四人都是可以吃辣的, 但這個真的非常辣.還有抄拉排骨 -太大塊了, 切細些少會好一些最後有上海炒年糕很好吃的一間上海菜. 價錢合理.會再來的!

踏入三月 又係契媽的生日月當然要約老人家出來吃餐飯啦㨂左佢喜歡的小籠包 來一下8色又如何坐落旺區 真係黎遲少少都無位 全場爆滿超熱誠嘅服務 員工態度超好 香港·久違了重有懷舊的味道 花生同粟子 特色8色小籠包 不可不叫 有埋教學食邊款先上菜速度極快 不論冷盤還是熱食李白醉雞 微微嘅酒香 配上嫩滑雞肉主角來了 皮薄多湯肉嫩 芝士味真係可以拉絲麻辣味好有特色 少少辣。好正乾煸四季豆 我至愛 少許攬菜加肉碎 一流招牌擔擔拉麵 手工拉麵 口感彈牙湯底有啖啖花生嘅味道 紅油多 不過唔太辣最後來一客甜品冰涼一下 酸酸甜甜 蘆爽𡘙的 幫助減膩

今日同朋友食Farewell Dinner，決定去開張不久的<樂天皇朝>嚐嚐八色小籠包的滋味。 皇朝小籠包八色小籠包是必點推介， 可能慶祝新店開張，點一籠皇朝小籠包便送一籠原味小籠包，優惠真的非常吸引。近看小籠包精緻亮滑，七彩的顏色排列如藝術品。 為了吃到最新鮮熱辣的小籠包，我不理燙嘴，也要大口一咬再慢慢吸啜湯汁，湯汁充滿肉味的香甜。八色小籠包有鵝肝味、黑松露味、蟹粉味、人參味、蒜香味、芝士味和麻辣味。大家也你推我讓的選擇自己最愛的口味，看到烏溜溜的黑松露口味，非常好奇它的味道，所以一試。湯汁除了肉香，也帶有松露的清香，咬開後清楚見到肉餡有黑松露碎和蘑菇絲，味道濃而清甜。李白醉雞醉雞是肥美的雞腿肉，冷泡在紹興酒裡，啖啖肉的雞腿散發著迷人的酒香，肉質彈牙而且雞皮嫰滑。紹興酒香也不會太濃烈,恰到好處的不會蓋過雞香，非常滋味。如果能加入枸杞的淡甜點綴，就更加色香味俱全! 外婆紅燒肉紅燒肉總是滬菜中最讓人食指大動的菜式，肥瘦適中的五花腩，帶著一層軟腍的肥膏，入口鬆軟、肥而不膩。濃稠、重甜的老抽豉油，體現了上海菜「濃油赤醬」的特色，當夾起紅燒肉到自己碗內，再澆一匙重甜濃醬到紅