Will's Coffee (Closed)

平時真係好少黎深水埗，今日去開深水埗個頭，順便黎呢間Will's Coffee買外賣。呢間Will's Coffee係coffee house，唔係普通cafe，主要提供健康少甜既食物同飲品。而家只做外賣，無堂食。呢度餐牌有牛角包，意粉，貝果(Bagel)，貝果漢堡，輕盈早餐，同一款甜品。咖啡種類好多，亦有非咖啡飲品同沙冰。番茄大蝦海鮮意粉 $88 番茄大蝦海鮮意粉有3隻去殻蝦，魷魚，蜆肉，蝦仔，番茄，洋蔥，最後撒上香草。意粉係扁意粉。外賣意粉隔左成半個鐘先返到個位食，意外哋意粉質地仲係好有咬口，而個意粉汁嘅味道調較得好好。蝦都仲係爽脆，而魷魚都係好脆身。外賣都差唔多食到堂食質素，唔錯。益力多柚子沙冰 跟餐 +$6跟餐包$34以下飲品，其他飲品補差價。我加錢升級做沙冰。見到店員用益力多再加柚子醬整，沙冰大大杯，益力多味酸酸甜甜中帶柚子甜味，仲有柚子皮食。沙冰基本上全部都係碎冰，係間中有一兩粒大少少。未到午市繁忙時間，外賣等左5至10分鐘就有。外賣跟餐具飲管，用個膠袋裝得企企理理，飲品有用紙兜固定位置，冇咁易整瀉。如果經過開都不妨一試。

🌸深水埗美食🌸Will's Coffee House☕️💛💛良心外賣健康少油少甜小店💛💛深水埗一帶有各式各樣的林林種種的小店美食，適逢今天下午放假，知道深水埗有一間主打外賣健康少油少甜食品的Coffee House -「Will's Coffee」，因此今天到了小店購買外賣回家慢慢品嚐❗️小店由一對恩愛夫婦悉心經營❗小店主打健康少油少甜的外賣食品及飲品，所有食物製作認真，採用健康有營的材料及方式烹調，而且更是即叫即製❗店主的工作態度也十分友善，能夠向客人詳盡地介紹餐點❗我們一行2人共點了以下2份午餐：1️⃣🌟韓式辣醬泡菜豚肉貝果漢堡 $88這款西式與韓式合體的Bagel 漢堡配搭新穎，而小店更有四款不同口味的Bagel 供客人選擇，包括原味、罌粟籽芝麻、紅菜頭及竹炭黑芝麻口味，今次選了竹炭黑芝麻Bagel，呈灰黑色，而熱哄哄的Bagel 配搭帶微微酸辣的開胃韓式泡菜以及非常入味的豚肉，味道相當豐富有層次❗️美味指數：⭕⭕⭕⭕⭕️賣相指數：⭕⭕⭕⭕⭕️抵食指數：⭕⭕⭕⭕️❌2️⃣🌟傳統卡邦尼意粉 $82此款卡邦尼意粉配有香滑濃郁的忌廉汁及及蛋黃醬，捋用少油的方式烹調，不會油膩，意粉質地爽口彈牙，更有香口煙肉

深水埗啲咖啡廳周圍都是，今日同friend來到間新店，是coffee house，唔係普通咖啡廳，佢提供嘅食物是健康少甜。我哋嗌左2份套餐：韓式辣醬泡菜豚肉貝果漢堡搭配岩鹽焦糖拿鐵。罌粟籽芝麻貝果一點都唔乾身，烤得好軟熟，泡菜小小辣，夾埋韓式辣醬同豚肉同貝果，都好好吃。咖啡味好濃郁，雖然叫左焦糖，但甜度啱啱好，不會覺得甜，面層奶綿密細緻。滑蛋芝士牛角包搭配益力多柚子沙冰。牛角包係法國入口，外脆內軟，牛油味香，芝士味重，滑蛋好滑身，喜歡牛角包啲可以嘗試，一定不會失望。沙冰好解渴，而且柚子味濃郁，甜度適中，還有柚子皮吃。

今日Happy Friday！又到試新野既時候！好少黎深水埗，今日約左友人黎呢間coffee house食個快lunch。係呀，呢間係coffee house，唔係普通cafe，友人話呢度主要提供健康少甜既食物同飲品。第一次黎，發現原來呢度係一間小店，一共有四個位，好彩上一手啱啱食完我地先霸到最舒服既面壁位，裝飾擺設都幾靚，影相幾好睇。枱上仲有一支消毒搓手液。呢度餐牌有全日早餐，意粉，牛角包，貝果(Bagel)，貝果漢堡同一款甜品。咖啡種類好多，亦有非咖啡飲品同沙冰。我地一人叫左一個餐。餐包細杯咖啡或飲品，大杯加$2，沙冰加$4。日式鰻魚滑蛋貝果漢堡 $98我其實好怕嗰啲乾爭爭同硬掘掘既貝果，所以一直好少食。呢個日式鰻魚滑蛋貝果漢堡完全令我對貝果改觀。首先，居然貝果都有唔同味道揀，有原味，竹炭黑芝麻，罌粟籽芝麻，我揀左紅菜頭貝果。而且個包本身都軟熟，加上紅菜頭味道令佢呈甜甜地，另外鰻魚汁超多，所以成個貝果一啲都唔乾。餡料方面，有半塊鰻魚，係暖架，啖啖肉又彈牙，好味道，下面有多汁既炒滑蛋同好多塊新鮮青瓜片。以成個既size，我地只能逐層食。精選全日早餐 $98精選全日早餐擺盤骨子，材料豐