家上海 (形點 I)

Open Now

Now Closed

家上海開店至今每晚收工經過都會有人龍排隊食飯，可見質素有一定保證，今次由於唔想諗太多我哋就揀咗個晚市四人套餐。🥢蜜汁脆鱔十分香脆，加上陣陣香醋味，用嚟送酒一流。🥢手切蒜泥肉傳統菜式，本身冇咩味，靠蒜泥醬提味。🥢脆煎灌湯小籠包包底煎得脆之餘唔會一夾就爛，湯汁也多，美味👍🏻👍🏻🥢干扁四季豆四季豆炒得乾身而且有鑊氣，簡單的美味。🥢砂鍋雲吞雞鮮雞味濃郁，加上金華火腿等配料，十分滋味。🥢蘿蔔炆肉豬肉肥瘦均勻炆得剛剛好，又一道簡單美味嘅家鄉餸。🥢賽螃蟹本身又係冇咩味，主要食個口感，呢個就普普通通。🥢甜品湯圓最後上埋大大粒嘅薑汁湯圓作結。

繼曼谷之遊，上週清邁親子旅行也完成後，一家人回港首頓吃的，就是家上海。雖然上海非我家，但當日陰雨紛飛的天氣，真的令人很想吃熱暖上海菜！在泰國吃了很多糯米飯，也吃過軟叭叭的雞飯，怪想念有口感的炒飯，這天首先點了 揚州炒飯 ($78)。成品粒粒分明，一看而知是好東西，一家四口狂掃！連平日不喜吃米飯的妹妹也吃了不少，的確高質素。從來也愛這裡的 雪菜黃魚湯麵 ($78)，這天也點了一份，讓愛麵食的妹妹可以吃飽點。欣賞雪菜不會太鹹，拌在麵中吃正好；而鮮甜湯中又有超多黃魚粒，吃得很滿足。不過最回味的，還是半窩的 砂鍋雲吞雞 ($188)。一家四口吃半窩好像有點誇張，但真的太想念中式熱熨鮮美的雞湯，吸收了娃娃菜汁後更覺鮮甜；也愛極那巧手製作、菜肉比例理想的上海雲吞，加上湯中又有大量小棠菜及娃娃菜，內容高纖又健康，正好清理一下多日在外邊雜食的腸胃。喝完湯、吃完菜及雲吞，餘下半隻雞雖不是最嫩最滑，但肉質也不會柴，四口子合力也將它拆骨清了大部分，很飽足！埋單$400多，午餐來講不算便宜但很有質素，吃完肚子又暖又飽，正好回家補眠休息，因為翌日又有連場約會！明天再記了～

Yoho Mall開張咁耐一直都唔敢黎呢邊搵食，因為人真係好多，不過最近因為朋友生日，我地一班人見家上海有得book位就諗住試下啦。星期一，好多餐廳都唔滿座，到左家上海人未夠半數都可以照入，餐廳既傢俬以深色為主，裝修摩登，又帶點老上海既味道，再配合懷舊既餐具，感覺特別舒適。前黎我地一共試左十款菜式，其中一款菜飯唔記得影😝，十款菜式各有千秋，最推介一定係鍋塌豆腐，平平無奇既豆腐，沾上面粉同蛋汁煎香，沒有油膩感覺，仲可以保留到香濃既豆味，入口滑流。

Yoho Mall (形點)貴為元朗新浦點，當然唔少得一d新餐廳。不過講開又講，咁新時代廣場係邊度？新元朗中心個名仲用唔用？幾十個名搞到連的士大佬都亂亂地，睇黎同司機講 Yoho Mall/Midtown 最穩陣。家上海係香港暫時只此一間，走現代化路線，內裡暗沈色調用上彩色花窗作裝飾，不失一點舊味道。入口處可以見到師傅製作食物，有包點、麵類、糕點等，為等候中既食客提供現場娛樂，招數雖舊，但普遍見到都幾受落，不時聚了幾位好奇心重的朋友觀摩一番。茶具頗為精緻，不過容量稍細，3至4人都要成日加水。值得一睇當晚服務員態度友善而且都非常細心，不時留意我地既狀況。其實都唔係第一次黎，而有一樣點心次次都會食，就係脆煎小籠包！今晚就叫左砂鍋雲吞雞（半份），脆煎灌湯小籠包同埋煎小黃魚。初初以為半份砂鍋雲吞雞會少好多，點知都夠起碼4人食。色澤奶白，成個砂鍋都被雲吞佔據住，睇落都覺得足料。湯味道夠，但鮮甜味略有不足，唔知道係咪d菜唔夠甜而令到味道未能完全發揮，可惜可惜。話雖如似，縱使未係上品都足夠令我飲完又添，添完又飲，而且飲完之後一d口渴既感覺都無，相信味精方面大家可以放心。雲吞漲卜卜，餡料絕對唔欺場，屬