福川鐵板燒日本料理 (Closed)

今次同朋友去咗灣仔食日本料理，呢間餐廳門面超grand，一睇就知高檔。今次去係食omakase $1288/位，但呢到最出名其實係食鐵板燒，下次有機會再嚟試吓先。前菜 先食胡麻豆腐，豆腐滑溜，胡麻香味喺口入面久久未散。凍南瓜湯上配有愛知縣蕃茄，蕃茄嘅酸甜味點綴咗濃濃嘅南瓜甜味，飲落似食緊甜品，味道又唔會漏。最後食蘋果醋蕃茄，蕃茄上鋪上金箔感覺好精緻，一咬落去係爆汁，超正。刺身3點 平時omakase嘅刺身3點都係一碟過，呢到係逐樣上，感覺認真。第一樣係雪場蟹，大大一碗，上面配有蟹膏麵豉，先食蟹肉感受鮮甜，再混和蟹膏，綿密嘅口感，食得好享受。 第二樣係鯖魚刺身，平時醋鯖魚就食得多，刺身真係第一次，刺身上有少量薑蔥末、微辣嘅四季紅、wasabi豉油，提味之餘唔會蓋過魚嘅鮮。第三樣係磯煮鮑魚，以昆布湯煮，食落清香彈牙，點埋碟上嘅海膽乾醬味道就更香濃。煮物 蓮藕饅頭入面包有明太子，不過我都係覺得偏淡味，其他材料有茄子、芋頭、蝦、薑苗，呢幾樣都煮得帶有湯嘅鮮甜，好食。壽司9點 目張魚 屬味淡嘅白身魚，油份中等，肉質夠嫩。愛魚女 喺香港比較少見嘅魚，脂肪含量高，入口感覺到好肥美。胡麻醬醃油甘魚 超

.你哋鍾意Teppanyaki定Omakase多啲？今次食呢間「福川」就兩樣都有！佢係新開嘅日本料理餐廳，室內環境好大、好舒服。採用日本風設計，器皿更顯高貴。壽司師傅好健談，令哩一餐更完美。嚟緊會分開三節同你哋分享咁完美嘅一刻😍.前菜 • 有南瓜凍湯胡麻豆腐、甜蝦刺身，頭盤做得好精緻。.毛蟹沙律 • 師傅將毛蟹肉同毛蟹膏拆出嚟，再加醋帶出咗毛蟹嘅鮮味。.煙燻鰹魚 • 鰹魚係八月最時令嘅海產。哩道菜以蘋果木將鰹魚煙燻，極有鹹香。.磯煮鮑魚 • 超級大隻嘅澳洲鮑魚用蒸煮嘅方法做到淋身入味，再點埋鮑魚肝膽醬去食，味道完全被昇華。.煮物 • 用咗蘿蔔、芋頭、大蝦熬制而成嘅傳統料理，蘿蔔煮到接近融化，芋頭都好香。.金目鯛壽司 • 魚紋突出，顏色好鮮艷，帶有粉紅肉色。師傅用火槍燒金目鯛魚皮，口感嫩而且爽口，味道比較清淡。.立魚壽司 • 透白嘅肉身，配混合黑醋同赤醋嘅飯，令魚嘅鮮味有所提升，味道比金目鯛濃烈。.魷魚壽司 • 師傅以專業刀工將魷魚切成細小嘅魷魚丁。魷魚食落細密又好綿，每一口都有鮮味滲出。.燒物 • 用鮎魚去骨燒，燒到個皮有少少脆，魚肉唔會乾，配上醋汁就有助解膩。.白蝦壽司 • 有別於多

—裝潢以木為主 分隔開鐵板燒同壽司區域可以同師傅互動交流 知多d日本食材同整法亦備有private room包廂聚會^寿司omakase($1288)/*鐵板燒omakase($1280)味覺與視覺已經ready 急不及待下一道菜嘅來臨去咗茄皮咬落酸甜多汁 而醋啫喱嘅酸度讓人胃口大開 以金箔點綴提升賣相同造型豆腐滑溜水潤 以花入饌 多了清雅花香而不帶澀味黃澄澄南瓜凍湯細緻濃郁 鮮紅迷你車厘茄奪目突出 兩者酸甜得宜相得益彰^鮮嫩結實毛蟹蟹肉 加入甘香滑溜嘅蟹膏同海膽 味道更加豐富誘人*拖羅 牡丹蝦 油甘魚 厚潤肥美 香甜滑潤 爽口餘韻^用玻璃罩蓋住 點燃蘋果木 鰹魚頓時散發煙燻香味細看砌成一枝花嘅模樣 視覺 嗅覺 味覺嘅享受^磯煮澳洲鮑魚 煮咗6個鐘 軟腍有嚼性再沾上鮑魚肝膽醬 物盡其用原汁原味^日本傳統料理 糊狀嘅糯米包住明太子清淡黏糯 仲有茗荷 里芋*以半煎炸形式去炮製魚鱗 變得脆卜卜甘鯛魚肉軟嫩酥香配以甘筍魚湯*蝦肉厚爽彈牙帶微微焦香 已經切開方便享用大蝦蝦頭拆咗殼 輕輕一啜甘香蝦膏自家製荷蘭汁 酸酸甜甜 取代一般嘅cocktail sauce^金目鯛輕輕火炙過 脂香肉爽 魷魚切粒