味一番

Open Now

Now Closed

朋友係日本迷，季節限定秋刀魚刺身點都要來試下。季節限定真係好受歡迎，問過好多餐廳終於比我地book到呢間餐廳最後一條秋刀魚刺身...餐廳喺山林道，好易搵，店內裝修都有日本feel。雖然最後一條秋刀魚，但絕對冇另我地失望。魚肉好新鮮，冇乜腥味，肉質都好鮮嫩，唔會一舊舊粉咁。廚師刀功了得，咁細條魚都切得咁有水準，佩服。唔好以為食晒啲肉就算，啲骨仲有得繼續食噶！可以炸食可以湯食，但侍應話湯食會腥。全部食晒佢，唔浪費！（都對得起個價錢啦）三文魚刺身厚切，肉質鮮美，不錯。明太子釀雞翼，我真係第一次食，雞翼入邊有肉真係好特別！唔知大廚點塞落去呢？裝盤都好靚，檸檬汁的酸味中和返啲甜味，口感一流。雖然價錢唔算平，但食到季節限定都係開心的。

又到秋刀既季節,剛巧又係我生日月,所以好友就同我黎秋刀最靚既味一番食個生日飯!!今年食過幾次秋刀,始終都靚都係呢度既貨!! 睇吓皮下脂肪白色果層幾厚就知油脂幾豐富! 入口油香充滿整個口腔,久久不散!!食完刺身,魚骨就炸脆要黎送酒,一流!!我最愛既兩款壽司,左口魚邊同鵝肝. 左口魚邊又係魚油豐富,油香經火灸後更香. 鵝肝外面煎香,入面軟滑得緊要!! 兩種不同既油香,真係滿足得不能形容!!!之前食開都係煙肉蕃茄串,今次好友喜歡食鵪鶉蛋多啲,原來又真係唔錯喎! 煙肉燒得香口,鵪鶉蛋黃冇過熟,好食!!炸蠔一直都好有水準,蠔夠肥又夠甜,炸漿又冇過厚.最後要啲送酒小食. 呢個銀鱈魚骨又係食左好多年,十分香脆,最鍾意啜入邊既骨髓,好好好食呀!!味一番絕對係有水準既食店,而且用心經營,我已經幫襯多年每次都好滿意!!

忙死忙死人了﹗中秋過後地盤真係未停過，呢次出街食飯係追月日來的﹗追月日，又有假放，點會唔食餐好？入完長洲訓到下午三點先起身，問問老友有咩好介紹，佢推介左我來呢度﹗山林道既味一番﹗居酒屋又點可以無酒，即一人來一杯燒酌先，我點了閻魔，食家要了薩摩，個名好勁﹗個杯好可愛呢﹗又或者其實是我大鄉里，個底是圓的，方便0的冰溶左之後轉一轉又溝勻0的酒﹗睇下有咩刺身先﹗先來我的最愛，呢度必吃之選，叫螢光魷魚﹗入口超級鮮味，我俾一百一十分，從來無食過咁鮮既墨魚的，到底是生是熟我都唔太知了，應該生呱，加入0的醬油﹗總之食落軟腍腍充斥住墨魚既鮮甜味，太好味喇﹗嘩﹗工友至愛，秋刀魚刺身﹗工友話秋刀魚本身是便宜的魚，便宜的當然就係無其他魚類咁好味，所以要找到一間夠膽用秋刀魚做刺身而好味的地方很難很難﹗好新鮮，肉質好實﹗(除左呢類字眼之外我都唔知點形容)總之我只係食左呢一塊之後食家成條掃哂，大叫好食﹗之後條魚骨仲攞左去炸添，呢樣我就食到喇，脆脆的好味道﹗之後是燒飯團﹗第一次食呢家野﹗幾香口，中間仲有0的明太子添﹗嘩，又來了﹗燒日本紅衫魚﹗睇個口都驚，我試了一口之後食家又成條食哂﹗工友話肉好實淨之後就無講野了，因為