Deer Kitchen (The Wave) (Closed)

餐廳以鹿為主題，好多位置都放左鹿裝飾。座位與座位之間距離闊落，比客人有多啲私人度。點左一個dinner set，頭盤加$30要時令生蠔，有餐湯，主菜揀左慢煮紐西蘭牛柳伴香煎砵酒鵝肝。另外，再加左4隻$10生蠔。生蠔有海水味，幾新鮮。餐廳好貼心，用布將檸檬包住，咁擠檸檬時啲核就唔會跌落生蠔度。牛柳好腍，但有根位個度就好韌。佢用紫薯蓉比起一般食開既薯蓉有新鮮感，而且幾好食。呢個秘製大蝦天使麵值得推介。蕃茄汁辣辣地，而且好濃蝦味，最特別係佢加左蝦乾，好咸香又惹味。仲有佢份量幾大，兩個人都可以夾左幾次。唯一需要改善既就係隻大蝦，啲蝦肉唔爽。心太軟個朱古力漿好澎湃，一切開就湧出黎。朱古力味亦都好濃郁，食完好滿足。可改善係個雪糕，硬過頭好難𢳂黎同心太軟一齊食。整體而言，呢間餐廳唔錯，可以encore!

遲吓朋友要喺觀塘返工，所以特登同佢喺觀塘搵吓有咩好嘢食，發現原來The Wave入面幾多餐廳，今次揀左五樓既Deer Kitchen。餐廳以鹿為主題，鹿既擺設隨處可見，甚至掛畫都係鹿。餐廳閒日都滿晒人，裝修簡約，坐得幾舒服。首先有餐包，麵包非常鬆軟，帶有少少香草味。旁邊係黑醋，組合幾特別。黑松露意大利雲吞係我今餐最深刻既一道菜式。雲吞皮厚餡算多，上面鋪滿炸薯條絲，配上淡淡黑松露的忌廉汁，滋味無比。主菜首先有秘製大蝦天使麵。職員事先提醒我哋有少少辣，非常貼心。大蝦爽口彈牙，天使麵索曬番茄汁，味道特別清新。另一道主菜係慢煮紐西蘭牛柳伴香煎砵酒鵝肝。牛柳勁慢煮後肉汁更豐富，肉質更嫩。鵝肝外脆內軟，加左砵酒令鵝肝冇咁油膩。另外配料用咗紫薯，非常特別。最後飲埋呢杯芒果香橙沙冰就非常完美。下次再發掘觀塘區嘅美食！

都有一段時間冇黎觀塘食飯，今日就約了朋友在觀塘晚飯，地點也是壽星女選擇的，只要是未吃過的餐廳，我也沒有意見。＊＊＊＊＊＊＊＊＊＊＊＊＊＊＊Deer Kitchen位於新型工廈The Wave內，餐廳佔了整層樓面，所以空間感十足，座位也很闊落。餐牌內主要分為前菜、薄餅、飯麵、甜品和飲品，主菜全部百多元有交易，定價合理。點餐後侍者隨即奉上麵包，麵包微暖，口感軟熟。芝士薯條配黑松露醬($78)薯條以鐵板奉上，熱辣辣幾有咬口，只是略嫌份量偏少。芒果香橙沙冰($45)沙冰打得夠滑，芒果橙味酸酸甜甜幾解渴。特濃香蕉朱古力沙冰($45)朱古力沙冰奶味較重，朱古力味和香蕉味都不太突出，味道普通。西西里海鮮風情薄餅($148)薄餅呈長方形，上面有很多蝦、魷魚、三色椒和橄欖，餅底都幾脆口，如果多一點番茄醬相信更美味。秘製大蝦天使麵($140)餐牌內雖然有寫明天使麵內有辣椒，但辣度卻比想像中高，辣度約等於中辣程度，雖然嚐辣的我們吃得非常滋味，但相信不太多香港人能接受這個辣度。意粉軟硬適中，大蝦夠大隻，蝦肉亦結實。朱古力心太軟配雪糕($78)心太軟朱古味非常濃郁，蛋糕質地亦夠軟綿，朱古力控必試。總結，食物不俗

香港由2010年開始，容許15年以上舊工業大廈業主，免補地價將整幢工廈改裝活化。改裝作其它用途，例如改建為寫字樓、藝術工作室、服務式住宅等。觀塘的「The Wave」便是其中一座被活化的工業大廈，我是從不久前聽說的，被活化的工業大廈比起未經活化前的乾淨整齊，也帶點型格，進去的時候感覺當然也更好了。Deer Kitchen 就在「The Wave」這座工業大廈裡面，大廈就近地鐘站，算是方便，上去竟然完全是開放式的餐廳，一眼看到整間餐廳的環境。Deer即是鹿的意思，近門口牆壁有綠悠悠的牆壁，還有小鹿陪伴我們吃飯呢。環境較昏暗，但環境寬敞，舒適優閒的感覺還是有的。很多餐廳都有開放式的bar範圍。海膽的數量不是很多，對不偏好海膽的我來說是剛好，不會腥。另外蟹肉也覆蓋了整個意大利飯，有很香的蟹肉味，意大利飯也夠稠身，不會過份creamy，還有點黏牙，是正宗意大利飯的做法。點了一個秘製大蝦天使麵，事先並不知道秘製的醬汁原來是辣醬，不太能吃辣的人真的會頂不住呢但辣辣的也蠻好吃！除了辣味，還有一點番茄醬的味道，很是開胃。大蝦新鮮、熱熱的，帶點彈牙的質感。男朋友想吃薄餅，猶豫了一會，到底哪款好呢？正當我

自觀塘區好多工廈被活化後，都開左好多好有特色既餐廳，如觀塘 The Wave 主打年青人路線，所以呢度既餐廳都比較新派d, 今次我地一行四人黎到呢間小鹿西餐廳試下先點餐後先送上鬆軟既餐包芝士薯條配黑松露醬 HK$78呢碟芝士薯條配黑松露醬簡直係超級邪惡呀！又芝士又黑松露醬！不過就係甘先夠滋味！食左先算啦！黑松露意大利雲吞 HK$128又係黑松露了！呢款黑松露意大利雲吞賣相比較特別，係一片片的，食落好Creamy 同有好香濃既黑松露味，皮又夠煙韌和風鰻魚牛油果薄餅 HK$150呢個薄餅超好食呀！因為配料有鰻魚及牛油果，全是我喜歡食的！仲要係薄批，食落好香脆！正呀秘製大蝦天使麵 HK$140全晚最正係呢個秘製大蝦天使麵，個汁真係正到飛起，少少辣甘，個麵又夠滑身，仲加入左好多蝦乾，食落鹹鹹香香，非常若味！大蝦肉質爽口彈牙，不錯呀野菌蘆筍帶子意大利飯 HK$158個飯雖然冇個天使麵甘出色，但都可以一試的火焰西班牙黑毛豬肋骨 HK$248帶火焰既食物一定比較吸引的，總是令人目不轉睛！而呢份黑毛豬肋骨肉汁豐富，肉質又夠嫩滑，好想食多幾件呀估唔到

Deer kitchen 係我地食開的 lunch 地點之一，久不久都會去一次，質素有保證。前排再去食了閉門羹，原來搬左位置，今晚OT 完，約同事去探吓新場，位於 附近the wave 的六樓。一上lift 便是開門見山的佈局，場地比舊店「四正」，全店仍舊以小鹿為主題佈置，柔和dim燈夠氣氛。晚市最令人感動的，係happy hour 酒水 buy one get one free ！ 乜都唔好講住，來一round 先啦 ！Erdinger $68House wine $58呢個價，係買一送一架，即係共兩杯德國啤 + 兩杯紅酒 ，抵到呢 ～～ 不醉無歸 🍻叫左個 dinner set, 有餐湯+餐包+頭盤+茶，餐包 - common 野，附上欖橄醋，包略為涷左D，要新鮮暖笠笠先夠吸引。南瓜湯 - 暖暖地，甜甜地，飮到有南瓜蓉蓮霧青菜沙律- 黑醋沙律，集合不同配料每款少少，健康好味。慢煮紐西蘭牛柳伴香煎砵酒鵝肝$308 （with set)層層疊的菜式，「了」開之後原來都幾多野。上層是鵝肝，外皮煎得薄脆，內𥚃是啖啖濃味的鵝肝，少少已經好滋味 中層是牛柳，有牛味但略為熟左D，可能慢煮便會熟