米走雞 (昭德大廈) (Closed)

秋冬又到咗圍爐嘆雞煲嘅時候米走雞嘅黃金芝士雞煲令人食過番尋味🤭每一件雞夾起都帶住邪惡嘅拉絲雞肉啖啖細緻鮮嫩😋佢地採用咗車打芝士、巴馬臣芝士、大孔芝士等等合共五種唔同嘅芝士打造濃郁嘅芝士汁搭配咗洋蔥、中芹同埋芫茜做香料超加分☺食過一次真係返唔到轉頭～食完雞店員會埋嚟幫手加湯怕芝士味太濃太搶可以選擇加雞湯但我作為一個芝士迷就梗係揀埋濃厚嘅芝士湯底🤭佢搭配其他火鍋配料都一樣咁夾咁好味而且口味夠曬香濃完全唔需要點其他醬汁霜降牛頸脊雪花分佈均勻細緻油香豐腴 口感軟嫩又唔會掩蓋過牛味佢地多款火鍋配料都非常有特色好似壽司咁大件嘅哈哈蝦中寶🦐上面有原粒蝦仁 質感鮮爽彈牙滿滿蟹子更添一重爽脆口感 更加錦上添花火鍋必點嘅手打五寶拼盤有墨魚丸、蝦丸、牛肉丸、豬肉丸同埋鯪魚丸 一次過試曬唔同款式🤗我最鐘意豬肉丸充滿肉汁香味牛肉丸亦都富有濃郁嘅牛香 墨丸彈牙有嚼勁👍🏻講到呢個手打墨丸 延伸到佢地嘅竹笙墨魚滑喺爽嫩脆口嘅竹笙裡面釀入飽滿扎實 口感超爽彈嘅墨魚滑加上竹笙落鍋後吸滿濃濃嘅芝士湯汁 層次分明豐富❣最後嘅稻庭烏冬簡直係邪惡嘅靈魂😈每條煙韌烏冬都掛滿芝士汁 帶嚟極致嘅味蕾享受😋芝士迷一定要快啲去試下啊🥰

今晚朋友約左我食久違了的雞煲😋呢度主打芝士同麻辣，我同朋友都覺得雞煲要配麻辣先夠惹味刺激🤣我地叫左個細既火焰麻辣雞煲(一隻辣椒)，細份手切新鮮牛頸脊，半份竹笙墨魚滑，鵝腸，一個白飯同一杯咸檸七～落完單店員好快就送左個雞煲黎😍 然後幫我地點火，好吸睛，影相厄like一流🤣雞肉件件都好滑😋個雞煲一開始食對我哋嚟講都幾辣，不過加咗湯黎煮其他材料就啱啱好😁手切新鮮牛頸脊雪花分佈好靚😍 牛味濃郁，肉質嫰滑，用料果然靚👍平時好似比較少見到有竹笙墨魚滑，原來都幾夾😯外層既竹笙爽口兼索晒個湯底，裏面嘅墨魚滑係呢度自己手打，非常彈牙！咬落去爆汁口感豐富🤤🤤鵝腸份量都幾多，洗得乾淨👍一開始果幾條烚得太耐好韌😂 之後識得控制時間就好食好多，配埋個惹味麻辣湯底一流🤣我地7點黎到果陣無乜人，估唔到平日夜晚坐坐下都full晒😯 難怪朋友指定要黎呢間食雞煲，果然好介紹😊

雖然天氣熱，但阻唔到我食雞煲嘅！我仲要食火焰麻辣雞煲，夠哂刺激！地方光猛整潔服務仲幾好，撈醬攪拌一一有店員代勞，我坐喺旁邊欣賞，「逢」一聲點起火，慢慢聞到香味撲鼻。超級惹味，雞件量多，靚洋蔥同蒜炒半熟勁好食。食飽加雞湯，打埋邊爐認真爽！新鮮靚脆鯇片，大大塊蝴蝶形，份量多口感幾爽脆抵食。必叫手切新鮮牛頸脊同竹笙墨魚滑，牛頸脊牛味濃郁纖維口感較幼細，咬落有少少肉汁。原來墨魚滑釀入竹笙好好味，食到竹笙吸到湯汁又食到墨魚滑嘅爽，好高滿足度。食埋打邊爐唔少得嘅生菜、粉絲、稻庭烏冬，雞煲邊爐一tick過滿足哂！

麻辣雞煲成日都會食😌芝士雞煲唔知你地食過未🤭米走雞嘅黃金芝士雞煲入面用咗五種唔同嘅芝士再配以洋蔥、中芹同埋芫茜帶出甜味同香氣口味濃郁 回味悠深一夾上嚟嘅拉絲先至係最邪惡啊🤤雞煲入面嘅雞肉嫩滑多汁加上濃郁嘅芝士 非常惹味😋如果你都係芝士迷一定唔可以錯過！到食完雞件之後開始叫配料食火鍋我一開始以為芝士加湯打邊爐會怪怪😂又一直苦惱邊款配料同芝士味夾得嚟原來完全冇呢個問題🙈芝士變咗湯底之後仲非常香濃不過我就建議鮮炸響鈴可以喺加湯之前點芝士汁食佢地將響鈴炸得好香脆 但食落感覺唔油膩點芝士汁完全perfect match！而且又可以保留住香脆嘅口感之後講下令我印象最深刻嘅係竹笙墨魚滑將爽彈嘅墨魚滑釀入竹笙裡面講真外表無乜驚喜 但確實禾稈冚珍珠首先一食落口 係竹笙吸滿咗芝士湯嘅湯汁溢出😳裡面嘅墨魚滑口感厚實彈牙 肥仔仲話似食緊墨魚多啲🤣另一款必食嘅係呢度出名嘅哈哈蝦中寶佢本身外表已經好吸引🥰我本來以為就係一件好食又華麗又大舊嘅蝦丸咁一咬落去原來都內有乾坤😳佢入面仲包含咗好多原粒蝦仁 加埋上面舖滿嘅蟹子喺蝦丸嘅彈滑口感中又加添啖啖爽脆🤭雪花肥牛係三款牛肉中最低級數但完全唔差 佢嘅油脂雖然唔算多 但分佈

今日約左舊同事交收, 地點就返佢公司附近, 我地兩個都中意食雞煲, 所以就揀左呢間喇~我地兩個人, 胃容量有限~~ 為左食多D野, 我地唔敢叫芝士雞煲呀! 想食多D嘛~原來餐紙有介紹食法同埋主打食物, 但我地已落左單喇. HAHHA 下次先試多D~.火焰麻辣雞煲(小) $168, 寫住2-3人份量, 對我地2個女仔黎講好大份~一放低個煲店員就點火喇. WOW WOW~有表演睇既.XDDD 好勁呀下~食完雞煲就可加湯打邊爐喇, 有清湯同辣湯揀, 我地揀左清湯~呢度打邊爐冇哂水都係加湯畀你, 唔會加滾水溝淡左~加分~叫左小辣, 好惹味~ 雞件好大件, 唔會細細只搵唔到雞脾~咁就睇好似全部都係雞脾肉黎!!! 好足料!!新鮮牛頸脊(小) $208個牛好靚!!! 雪花分佈明顯, 睇得出中間個排係肥D既, 食落都真係滑好多~朋友唔敢食咁肥, 去哂我個肚到~咪就係豁 豁出去咯~~ 肥?咩黎家?! 食左先講啦~第一啖食真係好有牛味既, 係原味!!! 重口味人士都係中意打邊爐要點醬料, 可以問阿姐羅辣椒醬油~竹笙墨魚滑 $88 有6條~呢個菜好新穎, 見佢咁得意就點黎睇下咩黎, 原來係將墨魚滑塞入竹笙度

米走雞已光顧過太子, 銅鑼灣. 這天約了住荃灣的朋友, 長沙灣理所當然成為最就腳選擇. 長沙灣的米走雞較其他分店小, 裝修保持整潔, 以4人/6人卡座為主. 這裡有芝士及麻辣雞煲兩款, 只有2人的情況, 點芝士會怕稍為膩口, 點個小麻辣的雞煲較為合適. 麻辣雞煲的雞件已預先煮至半熟才上桌, 麻辣汁則待上桌後在客人面前即時處理. 芫茜, 洋蔥及辣椒的香氣撲臉而來. 裡頭的雞肉件件大塊肉厚, 肉質嫩又入味, 小麻辣的程度又香又麻. 每次光顧米走雞, 牛頸脊變成了我的必然選擇. 牛頸脊的肉質腍滑, 牛味比一般肥牛來得突出. 即使用上麻辣湯底牛味仍然十分突出. 這個是我最愛吃的必然選擇, 亦正好今天的朋友是海鮮愛好者. 哈哈哈中寶的大小, 差不多有一件雞扎的大小. 上頭放的是蟹籽, 外層則是蝦滑, 裡頭則包有原隻蝦肉. 超級彈牙的口感. 彈牙的墨魚滑包在軟腍的竹笙內, 雙重口味, 吃起來充滿湯汁的味道. 翡翠苗較不常見, 鮮嫩爽口. 油麥菜則較為常見但亦新鮮. 最大的好處是每樣均可以點半份, 適合人少時點菜. 蜂巢豆腐其實從來未吃過, 是朋友要求點的. 上桌一看原來是冷過的豆腐, 表層像是有蜂

媽媽生日想食特別啲嘅嘢，尾尾就提議去食芝士雞煲(其實係自己想食)。因為訂左6PM，所以去到唔駛等就入得，不過當日星期六去到7PM其實都仲有空枱，可能係有人訂左位呱。我地三個人叫左個黃金芝士雞煲(小)、牛頸脊(小)、蒙古羊肉、竹笙墨魚滑、生菜(全份)、出前一丁同稻庭烏冬。落單後好快就上左黃金芝士雞煲($148)同配料，有個架放配料唔駛怕成枱都係嘢，都幾貼心。芝士雞煲大火滾左就可以食啦，放左好多芝士喺面，夾起時有牽絲，好正呀！因為芝士始終係膩啲，所以細嘅芝士雞煲(2-3人份量)就啱啱好。雞煲用左雞脾肉，醃得入味，肉質好滑同埋有肉食，唔係淨係得骨。連唔太鍾意芝士嘅爸爸都食左好多塊見好多人推介牛頸脊($188)，所以都叫左黎試下。脂肪分佈都算均勻，肉質好腍，有香香嘅牛肉味。雖然係好食嘅，不過咁嘅價錢同質量(唔好以為有好多下面鋪左一左蘿蔔絲小山)，都係覺得有啲小貴蒙古羊肉($98)肉質好腍，都幾膻。不過因為我地一家都好鍾意食羊肉，所以覺得都幾好味。怕膻嘅朋友就唔好叫啦~ 雖然唔差，但係未算係好好食嘅蒙古羊肉。竹笙墨魚滑($88)有新意！唔記得左影未煮之前個樣...爽口竹笙包住彈牙墨魚滑，口感唔錯

趁著天氣轉冷，是時候相約朋友吃火鍋啦！鍋品之中，我最愛的是雞煲，加上芝士，真是令人難以抗拒！這家是芝士雞煲的始祖，要食當然要食始祖啦，於是趁著早放工，便來試試！因為今日是平日，到達時只是6時多，所以幸運地等了十多分鐘便被安排入座了。這裏的雞煲有2款，黃金芝士雞煲或火焰麻辣，而我們選擇了馳名的芝士雞煲！因為我地只有3人，所以選擇了2-3人份的細煲$148. 很快地，侍應已遞上芝士雞煲，置於爐上加熱，面前的雞煲份量十足，每舊都是烙得金黃，淋上濃稠的特製芝士茨汁，上面再撒上大量未融的芝士粒及鮮紅蔥和洋蔥，令人食指大動！不消一會，雞煲已滾起，濃烈的芝士味香撲鼻，忍不住夾起一塊試試。雞塊多選取的雞脾肉，外面微焦，內裏嫩滑，每塊雞塊都裹著芝士汁，每一口都是味覺的享受！當雞塊被消滅得七七八八，便開始加湯享用其他火鍋配料了！而湯不是普通清湯，而是特製芝士湯，確保不會溝淡芝士味！這兒的火鍋配料選擇亦不少，而且選料認真、新鮮，亦不缺創意！響鈴吸收了芝士汁，正！要說說的是新鮮牛頸脊（$188小份），非常有牛味，是爽口的質感，不會韌！配合芝士湯底亦很美味！竹笙墨魚滑（$88）亦不錯，竹笙吸收了滿滿的芝士汁，墨

今次終於可以一嚐米走雞的招牌芝士雞煲，真係非常期待，已經心思思想食好耐。其實之前都食過呢度的麻辣雞煲，那時我都已經大呼好食，可以選擇不同辣度，而且份量十足，剩係雞煲都食到飽，配料選擇又多。呢度有啲配料仲可以選全份或半份，比啲人數唔多，但又想食多幾樣配料可以多啲選擇。而今次就點左黃金芝士(小)一落單個芝士雞煲就好快黎到，煲緊的時候，見到好多芝士係入面熔緊，睇見就好想快啲食。終於都等到芝士煮熔晒，一打開蓋，芝味撲鼻。啖啖都係雞肉，雞肉嫩滑，而且每件雞肉都沾滿了芝士，就好似食緊瑞士芝士火鍋一樣。大讚！當食完雞後，就加湯打其他配料，唔好以為係普通清湯，而係芝士湯，所以芝味有增沒減。感覺即時又變成食中式火鍋了，一個雞煲兩種不同感覺的食法。其實食完雞煲都開始覺得有少少飽，但依然想繼續食，所以都點了幾樣半份配料黎滿足我的食慾。極力推薦蜂巢冰豆腐、蟹柳，真係好食，又滑又甜，吸埋啲芝士湯好正。竹笙墨魚滑又鮮又爽口彈牙，外面包住竹笙都幾特別。仲有新鮮牛頸脊，煮完好滑好爽一啲都唔韌，而且牛肉味沒比芝士搶走。其他配料都非常好吃。鮮炸響鈴，煮10-15秒就剛剛好，外軟內脆，吸埋芝士湯簡直一級棒。炸魚皮非常香口，

溫度開始有點轉涼,打邊爐和雞煲是少不了的事,最喜歡就是打邊爐因為可以一班朋友聚在一起,談天說地吃喝一番,渡過一個愉快晚上!前排就跟男友兩個去吃雞煲,男友知道我不吃辣,就帶我去了長沙灣試一試芝士雞煲!!這個芝士雞煲是較為中式的口味,可以點不同的配菜加入一起吃,選擇不算多,但也足夠,因為本身煲內就有雞件在內!點了一些配菜後,店員很快就把芝士雞煲帶到我們面前.慢慢地芝士溶化在雞件上,吃起來上相當滋味,雞件很滑身,和芝士巧妙地合拍,也許是中式芝士口味,吃起來不會像芝士火窩般膩口!由於兩個人的關係,我倆只點了一客小的.牛頸脊雖說還未好好解凍得來,可是牛味也很算不錯,不過價錢上就有點貴啦!一碟有六隻肥美的桶蠔,即使熟了後也很肥大,吃起來相當新鮮,一點沙也沒有!如果桶蠔可以有半份選擇便更好了,因為二人實在難吃下六隻.珊瑚蚌 (HK$78)這客珊瑚蚌令我有一點失望,因為不算太新鮮,亦也許是和芝士不算太夾吧!吃起來帶點腥味,我們也只吃上幾件便放下...推薦你們來這裡要點這個呢,入口爽滑又特別,加上淡淡芝士更加惹味~~~內裡的墨魚滑彈牙又有口感,我也忍不住吃上二大條!埋單大約hk$750,平均一人三百多,

已經聽過好多人介紹這間食芝士雞煲，上次來大排長龍，所以放棄了等，這次早一點來，人比較少但都要等一會，實在太受歡迎了。 終於食到馳名的香濃芝士雞煲，當然叫個大size （$188），一開火香味撲鼻，上面放了紫洋蔥，必少看它，當吃到最後便知道這是精華所在。講返個芝士雞，肉質勁軟又入味，雞肉容易撕開，連我不太愛吃肉也舉手大讚，太棒了。芝士雞吃得七七八八，便開始放配菜，先吃點素類，我們點了響鈴（$38）、芋絲（$28）、三菇拼盤（$38），這些都正正常常，沒有太大驚喜，但吸收了芝士湯，味道很夾，特別是芋絲無敵吸味，我吃了一大半，哈哈！另外當然不少得食肉獸的朋友們最愛的蒙古羊肉片（$98）和豬頸肉（$68），羊肉片色澤很新鮮，肥的比例很好，配埋芝士好好味。豬頸肉肉質爽口，味濃可口。丸丸類也是我吃火鍋很愛吃的，有手打牛丸（$58）和手打墨丸（$58），牛丸彈牙又鮮味，仲加入粟米粒好有口感。而墨丸非常特別，裡面放有wasabi 味道出奇地夾很好味。另外仲有竹笙墨魚滑（$88），竹笙爽脆配彈牙墨魚滑，特別的口感，不錯。其實已經食到超飽，但朋友說不能少得出前一丁加芝士（$12+$10），我心諗已經芝士湯

跟朋友食過這裡的雞煲，覺得很值得推介，所以一直很讓家人來試一次。可惜上次來到的時候大排長龍，所以這次懂得預先訂，輕輕鬆鬆八點半便能享受我們的雞煲。其實這裏的芝士雞煲和麻辣雞煲我同樣喜愛，但由於媽媽不能食辣，於是我們便點了芝士雞煲。先來一個香濃芝士雞煲(大)($188)，雞塊分量超多，加上大量芝士和洋蔥，已經令人食指大動。雞件原本已經熟了，但還是先煮一會讓其更入味。雞件都是多肉少骨的，而且每件都是雞脾肉似的，十分嫩滑。就算在鍋裏多煮一會兒，也不會變老。雞味濃郁，全無雪味。雞件食得七七八八時，店員便為我們加上芝士濃湯以作打邊爐之用。由於爸爸不食牛，於是我們便點了蒙古羊肉片($98)。羊肉顏色鮮紅，十分新鮮，而且稍為厚切讓羊味更為濃郁。豬頸肉($68)亦同樣新鮮，十分爽口。手打墨魚丸($58)和手打牛丸($58)。很喜歡這個手打墨魚丸，十分特別，咬開裏面竟然是Wasabi醬，但一點也不會刺鼻，反而淡淡的Wasabi香味更能刺激食慾。手打牛丸內加了粟米粒，增加了口感層次，而且食得出新鮮牛味。竹笙墨魚滑($88)。把墨魚滑釀在竹笙內，有趣的配搭。煮熟後的墨魚滑十分彈牙，同時竹笙吸收了芝士湯汁的

同兩位芝士愛好者黎呢到見識下呢個黃金雞煲，之前在其他餐廳都是吃辣的，所以今次呢個芝士版夠哂特別！我地三個女仔食得唔多，所以叫咗細黃金雞煲。份量剛好，每舊雞都係啖啖肉，唔多骨，同芝士原來咁夾。D芝士仲可以拉起！之後加湯變火鍋，芝士味依然突出。牛頸脊，牛味濃，如果用新鮮手切嘅就更加完美。蒙古羊肉片竹笙墨魚滑- 好有創意！用手打墨魚滑釀入竹笙內，竹笙咬落脆囗，墨魚滑非常彈牙，呢個配撘一定要試！手打粟米牛丸- 好彈牙，包住好多粟米粒，甜甜地，同牛丸好夾，呢到D手打丸食得出係用好質量嘅食材。手打wasabi墨丸- 我好怕wasabi所以留返俾D朋友食啦，又一樣創意食品。響鈴- 浸1，2秒就食得，正常味道菜類- 全部都係半份，但都好多！其實我地仲想試其他食物： 魚歡喜、芝士出前一丁、蠔，但今次已經食得好飽。

在香港食雞煲大十居其九都是以麻辣形式為主，貪佢可以一來可以食到麻辣雞，二來加湯變成麻辣湯底用來打邊爐，由於這個方式的方便已變成了香港食雞煲的主流，而今日介紹的就是有另類雞煲食法的地方，在長沙灣的「米走雞」。「米走雞」位於長沙灣的青山道，地點上近興華街和青山道口，在元洲邨的附近行去也十分之近，地點上也是在舊區之中，想必是租金的原因而選擇這一類地方。這食店大約開了不足半年，開店的故事在很多的報章上也有報導，就是四個年輕人想創業和喜歡美食，就放棄了自己的工作而建立這食店，而這食店的招牌食物也是這些年輕人喜歡食芝士和火煱而想出來的，在現今的社會想突圍而出就不能缺少了這一些的特性。來之前已經訂了位，所以不用擔心沒有有位的情況，不過我們都早了一些就到了這店，六時多一些時晚餐的客人還未到，店內還是空空如也，店的裝潢沒有什麼的特別，說真如果說這一間是食火煱的店子不如說它是一間茶餐廳。兩旁的枱都是一些四人的枱，而中間只有一張比較大可以坐到十人左右的枱，而每一張椅的空間都十分之窄，如果拿一些手袋來也沒有空間放多一張椅來放下。真是空間感十分不足。餐牌方面有主力的打邊爐，配料方面的數量不是太多，而且除了芝士雞