羲和雅苑

Open Now

Now Closed

我同老公平時都鍾意飲茶食點心，今次去咗呢間有維港靚海景 的京菜中菜館吃午餐，環境優美，天氣好望住個View更加享受，食嘢都特別開心😚。這裡除了點心，仲好出名食片皮鴨，下次要同朋友來試試。🔶點心拼盤🔶▪️黑松露煙燻鵝肝伴脆炸饅頭▪️磯煮鮑魚▪️撈汁海蜇花▪️山楂汁淮山▪️酸汁黑白耳▪️芥末墩兒▪️羲和蝦餃皇▪️鮮蝦燒賣▪️小籠包▪️一口鹹水角▪️仙桃布丁這個拼盤賣相很好打卡，一次過可以食到好11 款的精美點心甜品，全部都好精緻好味。有幾款特別喜歡：✨磯煮鮑魚✨- 醬汁鮮甜香濃，肉質鮮嫩。✨芥末墩兒✨- 第一次食呢個北京傳統小食，爽口質地配芥末醬很開胃解膩。✨ 仙桃布丁✨- 外型好靚，外面係脆皮朱古力，裏面係牛奶布甸滑嘟嘟。🔶籠仔櫻花蝦海味蒸飯🔶用荷葉包住蒸，材料好多有櫻花蝦、蝦乾、魷魚，海味香味滲入蒸飯裡面，食落仲帶有少許荷葉香味道好香好好味。🔶蟹子鮮蝦燒賣🔶燒賣係我去飲茶都會叫的點心，有蟹籽提鮮，豬肉同蝦的比例合適，不過如果size可以大粒啲更好。🔶一口鹹水角🔶老公好鍾意的飲茶必點小吃，炸到黃金色的外型，外面脆裡面軟糯，咸甜交集一口一個令人回味。🔶香滑流沙包🔶包的質地鬆軟，內餡是香滑流沙奶黃，鹹香細膩食落滋

今日一家人來這裡吃飯，一坐下來侍應就sell 6 人套餐，我們4大2小，最後我們點了一個4人餐。可選2款前菜，4款主菜，4碗湯，1款飯，4樣甜品和4杯飲品。其實食物都十分豐富多樣化，但味道個人應為只屬一般。記得多年前曾來這裡吃烤鴨，只記得味道不怎麼樣，今天再試，感覺沒變。烤鴨配八寶盒，最特別就是有2 包爆炸糖，小朋友十分喜歡，但大人就不會嘗試。不知道是不是冷氣太大還是我手腳慢，薄餅皮一拿到碟上，夾一片鴨加些青瓜再塗一些醬，餅皮已經變得又乾又硬我吃了一塊便停手了。 另外加錢的烤鴨二食，薑蔥炒鴨殼，味道可以，賣相一般。黑松露鵝肝，我覺得太乾了水煮魚，這個不錯，只是粉皮略為太少金沙大蝦，味道尚可相信下次應該不會再來了，這個價錢外面很多選擇。

今天天氣非常好☀️☀️ 加上平日商場人流也比較少, 我選擇去羲和雅苑食一個悠閒午餐, 環境裝修優雅配落地玻璃有自然光滲入令人格外醒神😚😚 員工服務良好, 入座後, 隨即奉上桂花烏龍茶由於用海港城優惠券是不能叫午市套餐, 所以選擇以下食物, 本人極力推介黃燜湯雞煲翅😋👍👍張氏獅子頭 $48/位網球size的獅子頭配兵乓波size白飯, 獅子頭味道不錯, 肉質不是實實的. 籠仔櫻花蝦海味蒸飯 $158當服務員送蒸飯上枱時已聞到荷葉香 海味味. 籠底有荷葉墊底, 有魷魚, 細蝦&櫻花蝦, 蒸飯濕度適中, 味道不錯. 黃燜湯雞煲翅 $288這個真的極力推介👍👍濃濃的雞湯味, 內有兩両細翅, 有隻雞髀, 足料, 分量共可分四碗. 見主餐牌另有例牌size售價$788乾鍋菜花 $138菜花即是椰菜花, 味道有少少辣, 惹味的. 不過內裏有少許豬肉比較鞋身

之前打嚟訂枱已滿，職員叫我哋試試walkin 睇下有無機會， 嚟到都係無位 職員見我咁想食， 叫我留電話俾佢去行一陣，睇下有冇無人放飛機唔嚟畀我後補， 等咗一陣間職員就打畀我有得食喇 未入座服務都覺得100分呀先來個開胃小菜，芥末再加沙律醬酸酸地非常開胃 ，蝦的亦炸得爽口終於都等到烤鴨喇， 職員亦會向顧客說明不同的食法此店的烤鴨同一般嘅北京烤鴨食法有少少特別唔同，可謂一鴨三食~首先鴨皮配上藍莓醬及爆炸糖，食法非常新鮮，令鴨皮不覺得油膩。接着鴨胸配芥末醬，此食法散發出濃烈的鴨油味， 非常惹味。最後鴨腿肉用番傳統嘅食法， 除咗正常會有嘅北京烤鴨醬京蔥青瓜外，還提供山楂條藍莓醬。一開蒸籠已聞到濃濃的油香味捲狀的肉餅， 有啲飽肚，食一嚿已覺得很飽

和友人相約係尖沙咀食野已經係慣例大家都喜歡食中菜訂位時已經預先訂左一隻北京填鴨 環境係靚既朋友發辦 每樣嘅價錢唔係好清楚桂花蜜山藥 好細碟 似送既前菜既份量 清清地 味道幾好 可惜好少蜜汁脆芋絲 幾香口 就係炸芋絲加扭麻花上面既蜜糖 蒜蓉粉絲娃娃菜 似乎係sell樣多d 實質菜唔係好多 但靚又唔係好靚金磚豆腐塊 都香口豆腐好滑 幾好食青梅一字骨 濃味左少少 還可北京填鴨 要全隻 $5百幾但係切出嚟嘅片都唔係太多 仲幾肥反而朋友喜歡吃肉 但係就乜肉可以食 想食 又要加錢 就無要喇佢哋搵咗一個盒 放咗暖包係下面 唔知加咗什麼 但係製造左煙霧效果維持短短一陣子 但又未上曬 得一碟放好曬已經無煙 好似好唔實際 一個大大八寶盒 只可以話用嚟影相 說真的 味道的配搭比較牽強原本佢哋嘅鴨已經冇咩鴨肉味道用藍莓醬就冚晒鴨味道 就係甜甜地芥末漿又唔係好襯都係傳統嘅配搭比較正常爆炸糖係幾特別可惜第一二個人點完之後其他爆炸糖都醬埋一舊塊皮亦都太厚太乾 都幾差籠仔櫻花蝦海味蒸飯 係點心籠尺寸 大概二人份量 無咩特別加左炒烏冬 好似好小家 得xo醬、蔥同洋蔥蔥油雞 唔熱 只係暖暖地 食個份量正常少少不過就一般囉

哩間位於海港城嘅中菜餐廳裝修高雅，餐廳旁邊就有個無敵大海景，望住海景品嚐佳餚簡直係賞心樂事，適合同朋友過嚟聚餐，慢慢地渡過悠閒嘅下午！同朋友叫左以下料理：蝦乾冰草（$78），之前到北京旅遊嘅時候已經品嚐過冰草嘅美味，終於俾我喺香港搵返佢！冰草嘅特點係表面似有露珠凝結，食落去口感非常之清新爽口，簡單地用糖、醋、蝦乾作為調味已經非常之好食，品嚐落去酸酸甜甜，推薦作為開胃前菜！馳名烤鴨（半隻）（$328），配有薄餅、大蔥絲、黃瓜絲、洋蔥絲、山楂條、甜麵醬、秘製芥末醬、藍莓醬同爆炸糖，讓大家隨意配搭。師傅會到餐桌旁邊片切鴨肉，分別切左三類唔同嘅鴨肉，而侍應會亦都會講解佢哋嘅分別同埋點樣食法最好味，服務非常之貼心！鴨肉會放在一個保溫箱上面，讓食客可以慢慢品嚐之餘亦都唔會怕溫度流失而影響食物嘅味道。呢間餐廳特別嘅食法就係將鴨皮沾上藍莓醬、爆炸糖，將鴨皮放入口中停留幾秒，鴨皮嘅油脂同藍莓醬充分融合，入口即溶，而且仲會有爆炸糖在舌上跳動嘅感覺，非常特別！自己最喜歡嘅就係個秘製芥末醬（我估係將芝麻醬混合芥末醬），食落冇一般芥末醬咁嗆鼻之餘，但稍帶點甜味，同鴨肉配搭上嚟可解油膩感！P.S 薄餅薄到透光！特

朋友介紹話好食，地方又好坐返工攰到死要食返d comfort food前菜叫咗拍青瓜汁嘅味道啱啱好，唔會過濃十分清新再叫咗個蜜汁脆芋絲好好味！！絕對會因爲呢一道菜而回頭芋絲夠幼，夠脆，而且沾滿蜜汁，甜而不膩仲叫咗椒鹽粟米，避風塘味道，夠香口黎到當然要食片皮鴨啦有師傅出黎表演，功架十足羲和雅苑嘅片皮鴨配上呢個八寶盆未等得切大合照已經偷食咗d皮店員姐姐教可以配爆炸糖一齊食亦係呢度嘅特色上：鴨胸皮中：鴨胸肉下：鴨腿肉鴨皮香脆，中間鴨胸肉都唔會un, 配上肥美嘅鴨皮，一流！鴨腿肉滑，配上薄餅加京葱青瓜，一絕呢度嘅餅皮薄身，熱辣辣，唔會食滯主菜叫咗海鮮毛血旺份量好大！佔半張枱！有蠔，帶子，蝦，青口，魷魚，豬皮，牛肚，大腸，鴨血，薯粉海鮮用料認真蠔同帶子都煮得啱啱好，鮮嫰味美蝦就爽甜大隻！另外叫咗水煮魚一黎到已經覺得好香，口水分泌急劇上升魚肉份量多，肉質爽嫩，越食越辣，但又忍唔住一口接一口2碟大菜同呢2碟細碗，勁大對比😂獅子頭配一口飯，好味松茸素湯都好飲，菇味濃郁！但略嫌份量太少雖然佢有寫明一人份大魚大肉之後，叫咗個菜估唔到可以當埋湯飲！非常之清甜！好有驚喜！！最後朋友好想食個籠仔飯，侍應哥哥好好

好多人都以為海景餐廳是西餐的專利，原來中餐廳都一樣做到，甚至可以做得更出色﹗餐廳裝飾豪華高貴，又帶有古北京的韻味。餐牌食物選擇極多，有選擇困難症的人真的頭大了，一次基本上不能試勻餐廳主打特色小菜，所以已預了下次再來，哈哈﹗乾隆白菜這道菜令人眼前一亮，賣相一流，菜爽脆，吃下去竟然是酸酸甜甜，再配些花生醬，有種煥然一新的感覺。宮保大蝦球大蝦球用石盤器皿送上，拿上手超重手。蝦球超大隻，而且很新鮮彈牙。除了蝦球外，還有很多配料，有花生、腰果，花椒八角等，味道有層次，帶點小麻辣的刺激。馳名烤鴨招牌烤鴨提供三種食法，分別是鴨胸皮配藍莓醬及爆炸糖、鴨胸肉配芥末醬及鴨腿肉配饃皮京蔥等配料的傳統醬汁，另一種是配山楂條及紫洋蔥，兩種感覺很不同，但都一致地令人回味無窮。最欣賞饃皮皮薄煙韌，包起上來不會蓋過肉裡餡料味道，亦不會弄穿，而且數量多得可以包起全部鴨肉。金磚豆腐塊炸得金黃的豆腐外脆內軟，而且每塊豆腐都滑溜溜。金沙鮮魷魚鹹蛋黃配什麼都好吃，當然配魷魚心不例外。鹹蛋黃醬香口惹味，魷魚大大條，外邊炸粉不會過厚，內裡魷魚彈牙，想不到炸過後仍吃得出很鮮。孜然羊架羊架配上一款蛋黃醬，其實不點可以吃到更重的孜然粉味

我地一行五個人為左食皮片鴨而來, 充滿期待果然冇令我地失望! 呢度既食物賣相都好吸引, 唔止片皮鴨, 好多食物都好出色。夜晚黎到除左可以品嚐美食, 仲有靚夜景睇, 真係冇得彈。呢度既片皮鴨真係必食! 唔單止鴨皮脆鴨肉嫩, 平時一般片皮鴨只有一種食法, 但呢度就將鴨肉同皮分左三類配合番三種食法。第一種藍莓醬配爆炸糖; 第二種係傳統食法; 第三種配芥末。個人都係最鍾意傳統食法, 但另外兩種其實都幾好食而且係幾有趣既配搭!山藥亦係一個驚喜! 完全滲入左桂花既香甜, 好清新。近期好多野食都會加入咸蛋黃, 呢個魷魚就配搭得幾好。外皮好脆亦好香咸蛋黃味, 魷魚又彈牙。D湯好好味, 食咁多肉呢個白菜正好可以解下渴同油膩。黑松露好香, 幾好食。呢個都唔錯, 賣相好吸引。呢個都算唔錯, 但相比其他好似冇咁吸引。我地都唔太鐘意呢個肉餅, 雖然幾創新, 但好油膩好濟, 真係唔太好食。

近期OTE區域較熱鬧，所以今次同朋友慶生黎到呢到．首先點左個．張氏獅子頭(一位用)．$48舊肉望落去似實既感覺 但一食係較軟 一般的感覺吧！主打出場． 馳名烤鴨(半隻)．$328隻鴨係熱辣辣咁攞出黎你旁邊切架 仲要有分左3個食法(其中一個食法係有爆炸糖)我地都係最中意傳統食法 隻鴨唔太肥 感覺不錯吧令我出乎意料既．青梅一字骨．$138個汁很好 肉質剛好 好值得一試最後．籠仔櫻花蝦海味蒸飯．$128嗯‥呢個感覺上冇乜特別 味道都普通 份量3個人食剛好每人一碗3個人食又覺得飽，可能肉類都比較多。加埋茶芥每人$20再加一，總數$772。坐得幾舒適，服務又不錯，值得去試一試。

一直以來，於中菜的菜式中，最喜歡的就是片皮鴨！今次光顧的餐廳是位於尖沙咀的過江龍羲和雅苑！門面裝飾得古色古香又帶點新潮！餐廳是坐擁維港景色，讓你可以一邊欣賞夜景一邊吃美食！先來一個前菜山藥一向都不是我喜愛的食物，但此道菜令我對山藥改觀！桂花蜜拌於山藥上，令山藥表面帶有清甜，山藥十分爽口，令人沉迷。大家見到這個八寶盒都嘩了出來！食片皮鴨都有這麼多配料？！平時只有3款而已，但這裡卻有多款！值得一提的是有爆炸糖、黃色的芥末醬及山楂條。這三款可以說是衝擊的們日常吃片皮鴨的觀念！包著爆炸糖來吃，令人感覺新鮮，黃色芥末有提鮮作用，山楂條則作清膩之用。鴨會分三部分上，而這個盒有一個個 小孔，下面有蒸氣，暖著鴨肉，不會太快涼了！有師傅即席於客人桌側片鴨！首先上的是鴨片最蘇脆的部分，點藍莓醬或山楂條食，十分好，不油膩。接著到鴨脾部分，油脂分佈平均，十分美味。最後到鴨背！肉質鮮嫩！讚！片皮鴨吃完就到其他小菜，雖則片皮鴨一流但其小菜亦相當精緻！值得一試蝦球肉質爽口彈牙，下墊有米通，與蝦及芥末醬同食，十分不錯！一字骨十分好味，值得推介，青梅醬不會太酸，開胃易入口！籠仔飯份量十足亦十分足料，原籠蒸的飯帶有海鮮的