豪隍點心工房 (Closed)

佢個位置唔算好方便，喺地鐵站行過去要10分鐘左右我假日12點前去到已經排晒長龍，好彩拎咗飛喺附近兜咗一陣，等咗大半個鐘到就入得😆墨西哥叉燒包(中點$25)送上嚟嘅時候暖笠笠，一啖咬落去，外層好香好鬆軟，麵包嘅甜味加埋叉燒餡嘅味道好豐富🤤嚟到一定要嗌呢個！蜜汁叉燒腸(大點$28)腸粉幾足料，包滿晒叉燒，個皮厚薄適中，好滑👍🏻推薦～蝦仁燒賣皇(中點$25)一籠得兩粒有少少貴，不過👦🏻鍾意食燒賣，就一次過嗌足兩份，四粒一齊上☺️食落啖啖肉，冬菇味幾香，每粒燒賣都有三隻完整嘅蝦🦐夠晒足料籠仔馬拉糕(中點$25)馬拉糕嚟講，以呢個價錢有啲連鎖酒樓得四分一個，但呢度係原籠上😍雖然攤凍咗少少先食，但都keep到好鬆軟，係童年回憶嘅味道😏另外仲叫咗：鳳爪排骨飯(特點$34)個飯唔會死咸好重味精，飯粒粒分明，都不錯😉高湯鮮竹卷(小點$23)呢個我反而覺得普通，無乜特別驚喜，下次可以試吓其他🤣茶芥$6位，食咗咁多嘢，賣單每人都唔使一舊水😌主要係覺得佢夠足料，性價比高，食得好滿足環境﹕7/10抵食﹕8/10味道﹕7.5/10

武漢肺炎搞到我呢兩年都冇去酒樓飲茶，想食點心嘅話，只可以叫外賣~ 咁叫外賣都想叫間好食嘅~ 豪隍真係不二之選， 呢間真係好食~ 我地叫咗蝦餃，燒賣，鳳爪，排骨， 呢d基本嘢~ 蝦腸， 叉燒腸， 牛肉， 雞扎，金錢肚， 墨西哥叉燒包， 鵝肝醬咸水角， 沙律什果鮮蝦雲吞， 全部都好好食~ 佢個炸雲吞真係世界級，送到過嚟都仲係好脆，一咬落去勁大聲， 正到爆~ 佢嘅招牌蝦餃同燒賣緊係冇得頂啦，大大粒，大大隻蝦，真係好堅~ 其實佢全部點心都好好食，冇得挑剔。 我地仲叫咗甜品， 養顏紅棗糕同蜂蜜黑糖糕， 又係高質好食~一個字~ 正呀喂！！！

又有一間黃色點心係觀塘叫做豪隍點心我成日將佢同旺角另一間黃店喜隍搞亂位置係觀塘工業區敬運工業大廈基本上就係無門面唔係出左名應該都幾難有人幫襯要行一層樓梯門口好簡單貼左d師傅得獎既相出黎當日係父親節我就特登帶左屋企藍屍廢老黎食但估唔到十一點半左右黎到一等就等左一個鐘九個字工廠後樓梯又熱又焗落街等又曬等到老母都吊晒鬼反而入左去見到餐廳都唔細檯都大張雖然排得密密麻麻但唔會坐得辛苦價錢由小點既23蚊到皇點既50蚊茶錢6蚊位燒賣蝦餃都係一籠兩件叫4粒要成50蚊好多年無去過街坊酒樓我就覺得呢d點心小店價錢真係偏貴既不過手工野都有佢既價值只係細細個食開習以為常覺得點心係好普通好cheap既野反而蒸飯都係三十零蚊仲有張新品推介都唔洗等好耐就有食物上首先係蘿蔔糕咸水角墨西哥叉燒包全部都靚仔好過老馮好多就算係父親節日子都唔會好參差不過豪隍師傅應該都係好傳統既人點心紙入面唔會有乜新潮野全部都係以前去茶樓點得到既野溫泉蛋牛肉飯金錢肚同鳳瓜然後上既係蝦餃皇見到既時間嚇左一嚇因為係好大粒入面勁多蝦終於明白點解要賣到咁貴燒賣皇都係差唔多玩法雖然五十蚊又唔係酒店黎講真心貴不過見到咁足料都叫做舒服老母話呢舊馬拉糕太空氣

今次要介紹CP值超級高既點心店，真係超抵食，系觀塘蒲開既朋友仔一定聽過既！餐廳講明係自設點心工場，香港🇭🇰製造，一叫野食，好快就有點心送上，而且每樣點心都熱辣辣🔥既，份量超多、超充料呀，所以每次去幫襯都係座無虛席嫁。🥧 蝦仁燒賣皇 (每盅2粒) (中點)評分： 4/5每籠燒皇都係一盅兩件，每粒size係平時食既2️⃣倍，每粒燒賣面頭都有大大粒蝦仁，仲有彈牙豬肉餡，真係唔野少呀🤩，鍾意食燒賣既朋友仔必試！🦐 豪隍蝦餃皇 (每盅2粒) (中點)評分： 3/5蝦餃皇同燒賣皇一樣係一盅兩件，同樣都係好似用左放大鏡🔍放大左咁大大粒，每粒都包著滿滿既蝦肉，超正，唯皮料較厚，有D遜色。🥩 山竹牛肉球 (每盅3粒) (小點）評分： 3/5唔使講牛肉球都一樣係大粒、充料嫁啦，不過味道就中規中矩。🥯 墨西哥叉燒包 （中點）評分： 4/5食開傳統叉燒包覺得悶，不妨試下依個墨西哥叉燒包啦！ 外皮非常香脆，甜度剛好，加上豐富既叉燒餡，正呀☺️👍🏻。🧁 籠仔馬拉糕 （中點）評分： 3/5馬拉糕成個籠咁大🤣，又香又軟熟😋。🫔 爽口滑蝦腸 （特點）評分： 3.5/5同菜名一樣，腸粉好滑之餘，餡料好足，包你每舊腸粉都有爽口彈

觀塘區工作的朋友推介的點心店，放假慕名而來，在毫不起眼的工廈後門，看到裡面很多人在後樓梯等位才知道自己找對了。現場除了年青人，還有一家大細以及不少上了年紀的茶客，要行樓梯上豪隍都唔去大酒樓飲茶，食物水準應該真係唔錯。攞籌後大概等了45分鐘便能入座，不過看到現場有唔少吉枱，但可能翻唔切枱，所以安排入座偏慢。看落單紙上的價錢，假日沒有分早午茶市，全日點心價錢由$23-$50不等。豪隍蝦餃皇拼粉果（特）$34 蝦餃好大隻，入面好多蝦，不過水晶皮就略嫌少少厚。粉果都好食，唔似平時食果種煙韌痴牙。蝦仁燒賣皇（中）$25 非常足料，面頭隻蝦仁都好大粒墨西哥叉燒包（中）$25有點似雪山叉燒包，外面少少脆，包質軟綿綿，叉燒餡適中，少少甜。鮑魚雞絲腸（特）$34得獎腸粉好多料，幾滑，不過食唔出鮑魚...但係好食既。生煎蘿蔔糕（小）$23幾厚身，煎得香口，口感唔錯，食得出有蘿蔔絲。足料珍珠雞（頂）$30相對糯米雞，珍珠雞其實無咩料，不過都幾大隻，除在肉仲有一小粒蛋黃。籠仔馬拉糕（中）$25呢個漏左單，落左單差不多成個鐘，食晒其他點心都未上，諗住同職員講話取消，佢就即刻拎過黎。馬拉糕唔係最傳統果種感覺，食落

呢間點心之前已經想食，但係唔送我嗰邊， 所以一路都冇得食 但係今次竟然， 機會嚟喇，飛雲！！今日唔知咩promotion, 仲有7折， 真係超抵食！！！ 我地4 個人， 叫咗12 個點心， 食到好飽呀我地叫咗四寶雞扎，蜜汁叉燒腸，流沙奶皇包，鮮蝦菜苗餃，鵝肝醬咸水角，籠仔馬拉糕，山竹牛肉，墨西哥叉燒包，沙律什果鮮蝦雲吞，五香金錢肚，生煎蘿蔔糕，點心拼盤(有兩粒蝦餃， 兩粒粉果，一個流沙包，一個叉燒包). 佢全部都好好食， 又大粒， 叉燒腸勁多叉燒， 好香芫茜味， 超級好食 流沙包都好勁，我遲咗食， 凍咗都仲流， 熱食咪爆晒出嚟 鮮蝦菜苗餃又好正， 同蝦餃一樣， 勁大隻蝦，又新鮮， 勁彈牙 個雲吞脆到一咬， 全部人都望住晒， 佢勁就勁在外賣送到過嚟都仲咁脆， 佢地仲好細心咁響個膠盒剪咗隻角，等佢唔會局到淋晒， 所以先可以keep到咁脆~ 總之佢全部都好好食啦~ 下次如果可以叫外賣，我地會再叫架