第一郡 (Closed)

第一次在香港吃到正宗越南菜，而且分量十足及真材實料。店鋪位置近地鐵站，十分方便。店舖裝修雅致，隱若帶有越南風味，且設有四人卡位，非常舒適。食物價錢十分實惠，質素高，是越南菜店鋪首選！最難忘的是這店舖內的牛油果沙冰及他們自家秘製甜醬。身為牛油果控的我第一次飲到非常濃郁的牛油果沙冰，而且質感幼滑如同奶昔般，另人難以抗拒。在詢問下發現，店舖的甜醬原來是自家製作，每天新鮮製造，在其他越南店鋪吃不到的。自家秘製甜醬撘配米紙蝦卷，簡直是天衣無縫。

平時我每次到越南餐廳，總是只會吃牛肉湯河這般的大路菜式，但今次來到這間越式小店，我則嘗試其他我平常較少吃的食物，當中的法包更加是帶給我驚喜。餐廳主要提供越式法包、湯粉、越式小點、小量飯類和飲品，價錢實惠，份量也十足。牛油果法包（$40）👍👍👍👍👍今次我選擇這款法包的饀料以蔬果為主，材料包括：牛油果、生菜、酸菜、青瓜、莞茜和葱，所以十分適合吃素或追求健康人仕享用。我先從法包說起，法包入口香脆又鬆軟，一口咬下去，便聽到清脆的卜卜聲，接著大量麵包碎跌到枱上，麵包很輕很脆又不會過硬，用內脆外軟來形容，真的沒有過份。饀料方面以牛油果加上幾款蔬菜，由於青瓜、酸菜和生菜都比較爽口，跟軟綿綿的牛油果成了強烈的對比，莞茜和蔥則令味道増添香氣。蟹膏蕃茄湯河（$50）👍👍👍👍這碗膏蕃茄湯河材料十分豐富，有蟹膏餅、蕃茄、扎肉、豆卜、豬紅、香菜、芽菜、生菜等，可以選擇湯河或湯檬。我原本以為蟹膏只有小小份量，沒想到這塊貌似多士的蟹膏餅這麼大塊，我把蟹糕餅一分為二，一半弄碎跟湯底拌勻，一半則留作淨吃，甘香的蟹膏令到湯底的味道更添惹味，淨吃的味道就更加之濃郁，令到這碗湯河的味道提升至另一層次。米紙蝦卷（$20）👍👍👍

有時口淡淡都好想食啲東南亞菜，為味蕾帶來一點衝擊，朋友話知道炮台山有一間地道嘅越南菜，我二話不說就話要去🤤🤤呢間越南菜地點唔算好易搵，係炮台山過去會近啲，不過為咗食好嘢我都覺得係值得付出🤤入面嘅裝修簡簡單單，以卡位為主，不過前面就是粉麵檔，後面係水吧，所有出品都一目了然。朋友點左一個蟹膏番茄湯檬粉($50), 呢個絕對大推啊！佢個番茄湯底咁濃濃嘅海鮮味，上面配料有香菜芽菜扎肉豬紅，仲有大大塊勁厚身嘅蟹膏，佢嘅蟹膏係成舊磚上，啖啖蟹粉蟹膏食落超滿足！以佢嘅檬粉亦唔會好碎而且非常掛湯，下次我一定要點呢一個！而我就因為病咗所以清清淡淡點左個扎肉湯河($55),入面大概有八，九片厚身扎肉，分別兩款唔同嘅扎肉不同嘅口感，一款較有咬口有肉粒，另一款比較順滑，令普普通通嘅一碗扎肉河粉變得不平凡。湯底清得來味濃，不會淡茂茂。我哋重點左一份米紙蝦卷($35),煙煙韌韌的米紙中間包住米粉鮮蝦青瓜同埋生菜，配上佢特製嘅花生醬，別有一番風味。仲有佢呢度人人必點嘅越式法包($40), 咪類型嘅越式法包我之前響佐敦食過一次，嗰間已經好好食，我覺得呢度整得有過之而無不及！首先佢入面係超足料，用咗好多唔同嘅扎肉，肉鬆

之前曾經到過第一郡在深水埗總店，那時候要在門外等候了差不多一個鐘，知道係港島區開了分店，我就帶著男友來到。地點也找了好一會才找到，七點前到來還未見人龍，快手就進店。牛油果沙冰 $30必點的牛油果沙冰，味道濃郁，證明十分足料。椰皇 $25而男友的椰皇，清甜解渴，給他下火就最岩蟹膏蕃茄湯檬粉 $50蕃茄湯底濃郁，而重點的蟹餅卻令人驚喜，滿滿蟹肉，鮮味無比，絕對對得起呢個價錢，排隊也值得去食雞絲湯河 $55看似簡單的湯河，但論湯底的味道看似清淡，但卻味道濃郁，而雞絲也不錯米紙蝦卷 $35/2皮很簿，建議配醬汁一起食，米卷十分足料大大隻蝦有米粉還有香葉，很清新，而且好像有限，之後有食客想點也沽清了。吃著吃著很快門外已開始有人龍，我們用餐完畢也趕快交抬，免得食客等太耐。

朋友介紹這間在天后的＂第一郡Q1＂開餐🥢在他公司附近，價格親民，細細間鋪空間感十足，坐得很舒服👍🏻牛展米線內還有豬手雙重味道，牛展嫩腍完全唔嚡👏🏻豬手夠腍，還有很多芫茜和香葉味道一流豬肉撈檬來到發現冇撈檬汁，詢問服務員原來已放好在檬粉底下，起初有點擔心，因為我是一個汁魔冇多汁點過癮，點知撈好味道剛好，濕濕滋潤下的檬粉，不但味道夠好多香葉增添口感，烤豬肉又很入味👍🏻越式法包$40厚厚的越式法包，法包一開二份量足，不會太乾一口咬落豐富的材料充滿在口腔米紙蝦卷$35米紙蝦卷用葉包著，一路食一路慢慢滅落去不但不會整污糟隻手而且很方便聰明的做法，蝦卷大大條材料豐富非常飽肚😛咸檸汽水$15牛油果沙冰$30牛油果沙冰味道濃郁👍🏻鹹檸七清新

友人係呢頭返工, 話我知呢間越南食店相當抵食夾大件, 叫我去試下!  店內環境平實, 設有兩邊卡位, 格局似係主打區內客望下餐牌有咩食先, 食物選擇相對於其他越南餐廳確係少, 主打湯檬/撈檬/飯, 法包/軟包, 飲品及少量甜品友人介紹我食以下食物 :米紙蝦卷 ($35/2條)唯一一款頭盤, 用蕉葉包住米紙蝦卷打開就見到肥嘟嘟嘅米紙蝦卷, 未食已經見到蝦另有用花生碎, 酸蘿蔔絲及特色醬汁伴食, 撈均後就可加埋入蝦卷度咬一啖就見到裏面有檬粉, 蝦, 豬肉加埋香葉及生菜, 加埋甜甜酸酸又惹味嘅醬汁, 為呢客米紙蝦卷增加唔少分數!蟹膏蕃茄湯檬 ($50)一碗有齊蟹膏餅, 豬紅, 蕃茄, 扎肉, 豆腐卜及香菜, 賣相顏色吸引, 又係勁大碗湯底以蕃茄味為主, 酸甜味幾開胃, 豆腐卜索湯, 一咬湯汁係口腔內咇出黎亮點蟹膏餅外型似海綿, 咬落有係有湯汁咇出黎, 繼而食到濃香蟹味, "好"蟹人士應該會好歡喜!雞絲湯檬 ($55)一碗份量唔少, 食材差唔多舖滿碗面, 湯底有洋蔥及香葉, 用熱湯浸一浸, 香味仲再出D未食前先試啖湯, 入口幾鮮甜 ;  有唔少鷄絲, 醃得幾入味檬粉白滑, 食晒都幾飽肚牛油果軟

之前一直知道有呢間富有越南🇻🇳特色嘅小店—「第一郡」係深水埗， 聽聞老闆娘係越南華僑，所以煮得一手正宗越南風味～ 不過個時並無分店， 但而家港島區有分店啦！👏🏻 逢星期五都要係天后上堂嘅小編， 梗係要黎拜會下啦！😏 和深水埗店一樣， 主打越南檬粉、三文治和糕點。 之前去越南餐廳只懂吃生牛肉河， 但原來越南粉嘅款式仲有好多～ 就好似呢個Q1麵（$65）咁！ 湯底以鮮蟹🦀熬製，味道鮮甜味美～ 越南拉麵爽口帶嚼勁， 配上魚肚、蘿蔔吸晒湯嘅精華，😌 帶子鮮甜，冬菇軟腍入味，必試呀！😋 米紙蝦卷（$20/卷） 是這裏嘅招牌菜之一， 這個幾乎是每枱都係必點！😎 丄枱時蝦卷係用大塊蕉葉包着， 除左可令米紙更軟熟煙韌， 更可撕一圈才咬一口，成條拎住食超方便。😂 餡料好豐富，有鮮蝦、豬肉、檬粉、金不換和薄荷葉， 蘸上炒香嘅花生碎秘製海鮮醬，味道更香更惹味～👍🏾 呈淡綠色嘅牛油果沙冰（$30） 沙冰打得超滑身，整杯都沒有碎冰或冰粒， 每一口都好creamy， 牛油果味都幾突出， 可以說是小編飲過最好飲嘅牛油果沙冰～😎

好少黎天后搵食，黎左間好傳統既越南餐廳，草帽既燈罩、黑白格仔地磚；好簡潔但好有特色既裝潢食物價錢唔算太貴，平均50蚊左右一碗檬粉，最貴招牌Q1麵都係$65，價錢好親民Q1麵$65緊係要試下個招牌，湯底係用上鮮蟹淆制，湯清味甜，有冬菇、魚肚、帶子、白蘿蔔，全部餸都係吸味吸盡湯既精華，麵係自家製拉麵 ，勁爽口蟹膏蕃茄湯檬$50蟹膏係一片咁咬開裡面有半熟既蛋，仲有豆腐卜、豬紅、仲有塊好厚既扎肉…好特別食落湯底酸酸甜甜好開胃，每抬都有一枝 是拉差辣椒醬米紙蝦卷$35 (1份2條)食到個到才撕開蕉葉，把醬拌勻，可以因應個人口味加醬，醬裡面有濃濃花生香，我好鐘意食依種醬所以問佢拎多左１個，我地叫左１份米紙蝦卷，一共有２條；亦都可以１條咁叫加上米紙卷本身有既香草味，上面有蝦、菜、粉絲口感好豐富越式法包$40餐廳直接幫我們切開一半，法包非常香脆，配料有札肉、肉鬆、生菜、青瓜、香葉和酸菜; 鐘意食辣椒可以自己加，但我覺得味道好足夠，因為餡料很多很有咬感青檸梳打$15好鐘意飲青檸梳打，除左有檸檬酸，青檸仲有陣清香鹹檸汽水$15一大杯冰夠哂凍，鹹檸檬同汽水分開上，想飲幾多倒幾多👍🏻

男友早在數月前在網上看見推介第一郡的文章后，便一直想和小丫頭結伴一試。但深水埗對作為港島人的小丫頭來說實在有點遙遠，偶然得知它們最近在天后亦開了分店，於是與男友在太古城拍拖欣賞完Snoopy的pop-up store后，決定坐電車前來醫肚。電車站木星街下車，走了6 分鐘左右便來到這間位於內街的小店。店面不算大，僅十張枱左右，卡位一字排開、位置闊落。餐廳食客絡繹不絕，但基本都是一批前腳離開、另一批後腳就到。我們星期六晚上七時半來到，剛好有人離開我們就跟著入座。抬頭還有一塊電視熒幕，滾動播放著溫柔的越南民謠。餐牌上的食物選擇未算太多，無須多猶豫，小丫頭選了它們的「名物」蟹膏蕃茄湯檬及牛油果沙冰，而找不見生牛河的男友則點了雞絲湯河及米紙蝦卷。最先上桌的是牛油果沙冰（$30），沙冰質感濃稠幼滑，味道是純粹的濃郁牛油果香，嚐得出無添加的味道，甚至連糖應該也沒有放，味道淡淡但果香濃濃，適合口味清淡又或者戒糖的人群，例如我們。沙冰因太濃稠一開始有點難吸，隨著冰粒逐漸融化，沙冰依然濃稠但變得較為易吸且更幼滑，看著飲管外因沙冰而慢慢凝結出的小水珠也甚是有趣。米紙蝦卷（$20）， 原塊班蘭葉緊緊包著紮實的