軟橋米苔目餐廳 (Moved) New Location

尋晚見人介紹呢間係深水埗嘅米苔目好似好好味咁於是今日lunch決定親身試下！我同朋友兩個人去食分別叫咗酸辣同豬骨湯底米苔目另外仲叫咗個蒜蓉白肉我食嘅係粟米餃、鴨肉、酸辣湯底米苔目首先講下酸辣湯底，唔算特別一般米線一樣，而呢度今次我叫小辣辣度以我口味可以多少少就更惹味粟米餃包得夠穩陣，味道係一般餃子味鴨肉比粟米餃好食，食得出有醃過到米苔目啦！食落比銀針粉細同滑比狗仔粉無咁碎唔錯唔錯另外叫嘅白肉，口感幾爽肉下面係粉絲，呢個我好加分粉絲吸哂啲汁，好味！本身朋友想要唔辣，但姐姐話少少辣會好食啲所以我地就叫咗少少辣不過我食落都係唔夠惹味總結係 如果我想食銀針粉類，先會再黎

雖然一直喜歡周圍去搵食，但一直都好少行進深水埗區。深水埗，大型高級商場不多，相反有趣的小店卻不少。剛好有需要去深水址電腦城，購買一些攝影的工具，因為緣食魔宮在不久的將來可能會營運一個youtube channel，到時會再公佈，仍有不少技術問題未解決。晚飯，決定在深水埗食。在鴨寮街的角落，有一間不起眼的小店，我也是偶然發現，店名叫軟橋米苔目餐廳，坦白說一進去就有一股味，不太友好，應該是某食材的氣味。店主打台式傅統米食，米苔目。店的牆上亦貼有一些介紹，介紹米苔目的來源，以及如何和店主結緣，並標名是人手製，不含任何防腐劑。店中除了米苔目，還有其他台灣小食，台式飲品，意外發現還有日式飲品，例如櫻花可樂，以及綠茶可樂。我叫了一碗米苔目，以及一碗台式客家板條，每碗都可以自由配撘不同餸菜，就像車仔麵。當然，還叫了數款台式小食。米苔目，外表有點似銀針粉，但更短更幼，入口更十淋，有點似米通粉。女朋友不愛銀針粉，卻愛這個。配以豬骨湯，配料則選了豬脾肉，豬腩肉，及絲瓜，很有台灣街邊小食的風味。另一碗台式客家板條，外形似河粉，質感則有點以刀削麵，湯底則選了方魚湯（大地魚），魚味十足，配料則選了鴨肉，墨魚丸及

放食Lunch，周圍都好多人，之前聽人講話深水埗有間台式野好好食，之後就二話不說衝左去試。初初以為台式野一定離唔開滷肉飯，香酥排骨，珍珠奶茶。。。但係呢間以上幾樣都無，只不過內有乾坤，食既係台灣出名既米苔目，呢間就係♥軟橋米苔目米線♥啦。門面唔大，有啲難搵，不過只要搵岩條路，就一定搵到😉坐低左冇耐，老闆娘會好主動同你推介呢到既野食，佢就極力推介呢一度嘅米苔目啦。老闆娘聲稱呢一度既米苔目冇任何防腐劑同埋添加劑，而且係全人手用米漿製成，聽落去好似好吸引，食落就一定安心👍🏻蕃茄湯底 墨魚丸 韭菜餃 米苔目落咗單五分鐘到，碗麵就送到過嚟啦，真係好快手，如果大家食嘢嘅時間唔係好多，呢度包你一定唔會等太耐。未食已經聞到佢嘅番茄味，碗麵望落去相當豐富😳其實我都係第一次食米苔目，佢係咩樣我本身係唔知。原來佢個樣好似銀針粉/狗仔粉咁樣，比較短身，口感方面佢真係有米將嗰種黏黏口嘅感覺，食落去帶有少少米既味，配埋湯一齊食就最岩🤤韭菜餃包滿左餡料係入面，唔會淨係食到個皮，韭菜味十分之好食。反而墨魚丸嘅口感同我想像中有啲唔同，呢度嘅墨魚丸個口感比較似魚蛋，係幾彈牙爽口！湯底落足重料，有濃濃蕃茄既鮮味，令到成碗粉

一直都知道深水埗有好多美食，同朋友係荔枝角行完街之後打算搵野食，係openrice睇左一輪決定試下米苔目，好似頗新鮮，於是出發慢慢行去深水埗。店員好熱情地向我地介紹左特色食物，最後我地叫左兩碗米苔目，兩杯台灣夏日特飲同兩個小食（Q彈豆腐同肉餅）麻小辣（加3蚊），鴨肉，腩肉米苔目比較鹹，食得辣的人呢個辣度可以接受，米苔目分量都唔少，口感其實似銀針粉不過就再粉D喇沙湯底（+10蚊，包豆卜金菇），鴨肉，墨魚丸米苔目墨魚丸同出面食的口感不太一樣，呢度墨魚丸似係白魚蛋加少少墨魚，喇沙湯底椰汁頗香但唔係好有蝦味，所以覺得一般。台灣夏日特飲（單叫20，跟餐15）左邊係芭樂愛玉，右邊係百香果愛玉佢的組成係（醬+清水+愛玉），呢個價錢黎講我覺得唔係好抵飲，同埋其實食米苔目難免會飲湯，再加飲品其實相當飽肉餅同Q彈豆腐。味道OK不過都係偏鹹

經開深水埗, 可以試一試這間專吃米苔目的小店。坐下來看餐牌時, 老闆娘招呼周到, 她會走過來簡單介紹一下食物, 並會建議客人嘗試他們自己製造的米苔目。米苔目是他們自己新鮮製造的, 沒有添加防腐劑. 比普通麵類更健康。老闆娘亦說這些米苔目在香港其他地方是沒有機會吃到的喔～我們每人點了一碗麵。配菜方面, 我選擇了豬潤、生菜、木耳和冬菇。另外, 湯底方面, 我選擇了蕃茄湯底 。麵類方面, 我點了米粉, 我朋友則點了米苔目, 我們點了兩款麵, 打算一起分享。這碗麵的分量比我想像中還要多, 米粉的分量好像吃極也吃不完。豬潤挺厚身, 咬落幾爽口彈牙。米苔目是碎碎的, 所以要用匙羹來吃 。米苔目的質感挺得意, 少少彈牙 。

一個人食晏食咩好？行過鴨寮街就見到行仔入邊有間寫住軟橋米苔目嘅餐廳，其實咩叫米苔目呢？就真係唔係好知道。見到門口餐牌上面嘅價錢都唔貴，一個lunch大約30幾蚊左右，就入黎試下啦！樓面主要係有位姐姐負責，佢介紹咗呢度出名嘅食物，都幾Nice，好有禮貌。餐廳既牆上面貼滿左唔同食物嘅相，食物好吸引。而且咁就可以知道啲食物係乜嘢，唔會估估下，好清晰。我最後叫咗一碗海帶加鴨肉嘅米苔目。成碗麵好多，唔會剩係得湯，好足材料。嗰啲海帶舖滿成碗麵，好爽口。而個湯底清甜，有少少蔥花嘅香味。呢個就係呢間鋪頭嘅鎮店之寶一手作米苔目！米苔目嘅外形有啲似銀針粉，細細條細細條咁樣。食落好爽口、好彈牙、仲好滑溜添！我相信鴨肉都係呢度嘅招牌菜，因為做得好好，肉葉左有少少嘅味道，食落好爽口唔會梅晒。正！呢一碟係蒜蓉白肉，落單嘅時候職員話可以選擇係大中小辣，因為本身唔係好食得辣，有得選擇真係好啦！所以最後我揀咗小辣。麻麻地、辣辣地，有啲花生碎同蔥花係面，好惹味！正！肉薄薄地，有肥肉，但係好爽口，一啲都唔肥膩！個底有啲粉絲墊住，吸晒啲精華！熱蘆薈，冬天飲好滋潤米苔目真係唔錯！價格又抵，午餐首選！

以依去到鴨寮街通常都係為左買啲電腦配件或者電話卡，又或者去食豬腸粉，估唔到呢度有一間幾隱蔽嘅食店，主打嘅麵食都非常特別，可能我孤漏寡聞啦，之前真係未食過。食店位於鴨寮街街頭，近西九龍中心方向，門面都幾隱蔽，如果唔係門口一黃一橙嘅手寫餐牌，真係未必留意到，但原來小店有咁多好評，真係後悔咁遲先認識佢地呢粉麵份量足，價錢又抵食。餐牌主打【米苔目】，店主見我地第一次黎，都她親切介紹佢地嘅招牌菜，米苔目係小店每日人手製作，工序都唔簡單，參照車仔麵嘅形式配搭，基本款以豬骨湯底加兩款配料定價$35，配料超過20款，例如豬牛雞、豬潤、鴨肉、菇、丸類等，加餸每款$7。再自選湯底，湯底選擇多，除左基本嘅豬骨湯底，可以加$3配上特製湯底，例如冬蔭公、沙嗲、鮮茄、方魚肉碎等接近10款。各款湯底都配有椰菜、韭菜。除左選配料，亦有固定款式嘅米粉，一律$28，認真街坊價，至少喺我住嘅地方已經好少見呢個價錢嘅麵食。另外亦有多款小食，價錢公道，例如新(?)出嘅碗仔翅、涼拌、豬大腸、藥膳雞腳、蒜蓉白肉/鴨肉等，定價$16-38。蟹肉碗仔翅 $19因為話係新推出，都即管一試。而且見有幾個客一入黎都有點，我諗都唔差。港式碗仔

尋晚專登黎左深水埗試台灣特色麵線「米苔目」。「米苔目」呢個名好得意，上網search完先知佢喺台灣既受歡迎程度同肉燥飯差唔多，究竟點解我去左咁多次台灣都未試過？😂 行入去之前，見到門口有個牌寫住「持長者咭人士可享用$9/碗米線」，果然係好有人情味既地區良心小店啊😍一坐低個老闆娘就好親切咁介紹個餐牌比我地聽, 仲話啲麵線係尋日下晝5pm先整，一定要試下! $35既麵餐可自選兩款餸配米苔目/米粉/烏冬等，同區黎講價錢唔係特別平，但試埋先知抵唔抵得老闆娘介紹，我叫左韮菜雲吞貢丸米苔目，而我啲朋友就揀左其他餸。米苔目食落無論外觀定口感都同狗仔粉好相似，而且切到好短而且軟淋淋🤓 雲吞都算皮薄餡靚，但啲丸同豬潤就冇乜香味，唔多洗試。總括而言，去開深水埗都可以試下既，但就唔需要專登搭車去試啦

之前係介紹美食的facebook page見到這家主打台灣風味小吃米苔目—「軟橋米苔目餐廳」（下稱「軟橋米苔目」）好評甚多，便一直想試試看，😏 咁啱去深水埗鴨寮街買sim卡，機會黎啦！😎 「軟橋米苔目」裝修簡潔樸素， 店內貼滿雜誌嘅介紹， 原來老闆曾到過台灣拜師學藝， 明顯是走實力派路線呢！😏 米苔目是一種台式粉麵， 在台灣食米苔目的配搭主要是用清湯配內臟。 而「軟橋米苔目」為迎合大眾口味，將車仔麵元素融入米苔目中， 餸菜和湯底可自由配搭，選擇都算多， 有20多款餸， 湯底有9款之多：豬骨、酸辣/麻辣、沙嗲、冬陰公、泡菜、鮮茄、方魚肉碎和喇沙。😲 見不少網上評論都推介喇沙湯底， 我當然不可錯過啦！☺️ 喇沙湯底微辣惹味， 沒有泛起任何油脂，味道相當不錯， 而且湯底本身已附上豆卜和金菇菜， 兩款都是最吸湯的配料， 吸了湯的豆卜最好味，值得一試！😋 米苔目雪白晶瑩， 短小條狀的模樣跟銀針粉有點相似， 但比銀針粉幼長點， 口感煙韌Q嫩，很新鮮有趣的口感。 至於餸菜方面， 我選擇了招牌菜豬潤和韭菜餃， 豬潤爽得黎又夠嫩滑， 完全沒有多餘的腥味， 愛吃豬潤的不可錯過！😏

太耐冇去台灣，係要搵d台灣野食黎止下癮！熱辣辣好想飲汽水，見到有咁特別既櫻花汽水，即刻要叫一枝，由外表粉紅色到味道麵好櫻花，唔好櫻花既我，都覺得佢好飲又特別！另外仲有抹茶版，下次試埋佢！先黎個鴨記冬粉湯，鴨肉好滑又有鴨香同爽口，咪睇個湯好似好清咁，但好香鴨肉味道！再黎個喇沙湯底既米苔目，好成功fusion口味！食完呢兩碗野令我更加掛住台灣！黎兩個小食，豆腐爽口，煙un有口感，加上少少調味，令人唔想停口呀！脆皮肉餅，肉感有d似扎肉，不過外皮煙un!

星期四的中午，我剛在荔枝角見完工，諗住順便去深水埗鴨寮街買手機配件，但當我去到深水埗又突然肚餓，於是便四圍搵下，睇下有無好嘢食。在一堆街邊檔後面，我被呢塊餐牌吸引到我入去，驟眼看看照片，呢度唔似賣平常看到的魚蛋麵或過橋米線啊！原來這裡提供台灣著名風味美食 - 米苔目，是一種用粘米粉搓成的麵食，成份和米粉差不多，外形如銀針粉般，口感 Q 彈。 中午時份，客人意外地不多，也許是因為附近的商舖，都是剛剛營業的關係？然而這裡裝潢很平實，光線充足明亮，桌椅擺放得很整齊，環境都相當乾淨。筷子亦整齊地放在膠盒裡，倍添衛生。呢度的食物價錢都幾實惠，如果能和幾個朋友一起，更可以嚐到多些小食呢。這裡的店員都相當親切有禮，效率都不錯，聽到他們和街坊客人有傾有講，感覺相當有人情味。這餐我叫了一碗米苔目、軟橋招牌 Q 彈豆腐，及一支綠茶可樂，食到相當飽足，價錢只是 $74，感覺相當抵食。這裡的米苔目套餐包括 2 款餸菜 ($35)，而我選了蕃茄湯底 (另加$3)，雲吞及木耳。這碗米苔目份量相當豐富，女生的食量已經相當夠飽。今次係我第一次食到米苔目，外型真係好似銀針粉，但比我之前食過的銀針粉較為稔身，咬落去軟綿綿

臨做運動前肚空空，心想鴨寮街只好走到食腸粉，恰巧看到牆上的大大黑色招牌” 軟橋米苔目餐廳”心想一定又是米線之類食店。原來是另一特色食品。店內光線充足，環境清潔。由於價格大眾化，因此並沒有考究是甚麼特色粉麵，只是他的名字”米苔目”令我想試試究竟。或許是傳統港式食法所影響，相信”軟橋米苔目餐廳”因應香港人口味引進了香港車仔麵的自選形式，一個價錢自選湯底及菜色。由於希望試試甚麼是”米苔目”，因此選了清湯配米苔目配以韮菜餃及香菇貢丸。不到五分鐘，新鮮即制的米苔目上到，色彩配合鮮美，原來”米苔目”就好像一小段一小段米線似的小粉，言而吃下口感卻遠比想像很有分別。小段的念念口感，軟軟的容易入口，相信老友記及小朋友都絕對合適。而韮菜餃及香菇貢丸是極值得加分的地方，全因兩者都是自家制作。韮菜餃餡料十足，菜與肉比例剛好，韮菜餃外皮薄而富有口感。另一方面，香菇貢丸香味十足，而且口感彈牙非常，這絕對可說是食過香菇貢丸中差不多最好之列，絕對值得是必食之選。飲品方面選了”蜂蜜生薑茶”， 相對而言蜂蜜生薑茶屬水準之作，真材實料的薑絲在茶水中混和在一起，甜度與辣度剛好，天冷暖身極為不二選擇。

常逛深水步的我，隨口都說得出好幾間必食的小食和麵店，大多是屹立在這區不下數十年的老字號。橫掃蛋牛治、豬膶麵、糕品、豆腐花成了指定動作，但好像了無新意。幾個月前看過報導，得知鴨寮街開了一家賣「米苔目」的小店，這種客家傳統麵食是香港從沒出現過的。雖開在平實不已的舊區內，裝潢不怎麼亮麗，一碗的價錢和本地的米線店相若，裡裡外外都看不出光環，卻是香港第一家有米苔目吃的店。看似銀針粉的幼身，但米粉條的軟糯煙韌卻是非同凡響，且不要被它普通的外表騙到。愛煙韌口感的食饕，絕對不能錯過，齒頰間的癮有著落了。「口感相投」的友人給我拉來嚐新，可只是我的「新」而已，他在台東吃過這地道小吃。好奇一找，米苔目其實是源自中國的客家人，再把這農家美食傳到台灣去；不算是始於台灣的食品，卻成了有名的台灣小吃之一。我到過台灣，卻與這趣緻的粉條緣慳一面，幸得這家小店讓我見識一下。經過光管炫目的鴨寮街，來到較靜、近西九龍中心的一隅，小店正正在賣電器的鐵皮檔後。大大的「米」字甚為耀目，即使不知米苔目是什麼，驟眼看是粉麵店的裝潢，憑這米字都可以猜到是吃米製品的吧。不是開放式廚房，看不了米苔目的製作過程，只能靠抬頭便看到的圖片略知一二