媽咪隨意屋 (Closed)

套餐B鮮肉船粉可選牛/豬/雞（$49），我選了豬，並加$6轉泰式特飲-粉紅西柚。朋友選了套餐C泰式黃咖喱牛腩飯（ $52 ），飲藍色多瑙河。我們仲叫咗椒鹽一口豆腐（ $25 ）和炸雞軟骨（ $29 ）。鮮豬肉船粉（$49）份量十足，有鮮豬肉、豬肉丸、炸豬皮、蘿蔔以及各種香料，每口金邊粉掛上船湯啖啖泰式風味，味道濃郁鮮味十足。粉紅西柚梳打酸酸甜甜，西柚味突出，正合我心意。泰式黃咖喱牛腩飯（ $52 ）賣相吸引，黃咖喱唔會太辣，牛腩煮得夠淋，配上太陽蛋，味佳。藍色多瑙河其實是雜果梳打，飲落偏甜，待冰慢慢溶化後味道變得剛剛好。椒鹽一口豆腐（$25）和炸雞軟骨（$29）都是新鮮炸起的，熱辣辣脆卜卜，正。仲有多種調味粉，自助加配，提升惹味程度。每消費$50就可得印仔一個，好快就儲夠可以換食物了。

行過見到呢到D野食又唔算話好貴，經濟實惠，所以同朋友黎呢到食餐飯。今次我地叫左鮮肉船粉(豬肉)($49)、泰式咖哩牛腩($52)、雞軟骨($29)、椒鹽一口豆腐($25)、同埋加錢升級做泰式梳打特飲，揀左粉紅西柚(+$6)、藍色多瑙河(+$6)半開放式廚房，可以睇到職員處理食物，咁就唔駛驚會唔會廚房內部環境好污糟另外有自助調味吧，呢到D調味料味道都幾特別下，一定要試下鮮肉船粉(豬肉)：佢有豬/牛/雞可以揀，今次我朋友就揀左豬肉。睇船麵個湯底顏色幾濃，先試飲一啖，的確幾夠味，而且唔會係味精湯咁一飲完就會好口渴，似乎真係落足料黎熬製，湯麵同配料嗰D都亦都入晒味粉紅西柚：酸酸甜甜中帶出到少少西柚嗰隻苦澀味，幾好飲泰式咖哩牛腩：見佢寫係泰式咖哩，諗住會有D椰香味同埋會辣少少，但食落去反而比較似港式咖哩多D，比較簡單，不過咖哩味道都還OK。牛腩就肉質唔錯，唔會太UN咬唔開配埋半熟蛋、紅椒青椒令個咖哩飯唔會太寡藍色多瑙河：見個名咁特別當然要試下係乜黎賣相討好，睇同飲落去都透心涼，味道飲落甜甜地幾好飲但又唔係太肯定係咩味，問返職員先知原來係雜果味椒鹽一口豆腐：本身佢細細粒，同朋友SHARE食就最方便

清明節冇山拜，兒童節胃弟又大個咗，不過都照出去循例慶祝吓啦，去長沙灣咁街坊嘅地方應該冇咁多人啦，快閃食個飯先通常個街坊生意都會有印花儲吓顏色同味道都好泰式呀跟餐加$11就有特飲一口豆腐確實好脆口，仲要幾香椒鹽味仲有唔同嘅調味試吓呢個天氣飲熱檸水就最啱大胃之母唔使$50，就有個高質炒肉飯個蛋仲有流流地心湯粉可以揀湯底，冬陰公湯去吓濕都幾好，難得佢地熬到幾入味幾地道另外大胃就揀豬骨湯，味道豐富又唔鹹口，飲落舒服，應該冇加味精麵底絕冇渣流灘，實淨又入味，配料又豐富，$43真係好化算老細服務態度又殷勤，其實做長沙灣嘅街坊都幾幸福吖