媽咪隨意屋 (Closed)

套餐B鮮肉船粉可選牛/豬/雞（$49），我選了豬，並加$6轉泰式特飲-粉紅西柚。朋友選了套餐C泰式黃咖喱牛腩飯（ $52 ），飲藍色多瑙河。我們仲叫咗椒鹽一口豆腐（ $25 ）和炸雞軟骨（ $29 ）。鮮豬肉船粉（$49）份量十足，有鮮豬肉、豬肉丸、炸豬皮、蘿蔔以及各種香料，每口金邊粉掛上船湯啖啖泰式風味，味道濃郁鮮味十足。粉紅西柚梳打酸酸甜甜，西柚味突出，正合我心意。泰式黃咖喱牛腩飯（ $52 ）賣相吸引，黃咖喱唔會太辣，牛腩煮得夠淋，配上太陽蛋，味佳。藍色多瑙河其實是雜果梳打，飲落偏甜，待冰慢慢溶化後味道變得剛剛好。椒鹽一口豆腐（$25）和炸雞軟骨（$29）都是新鮮炸起的，熱辣辣脆卜卜，正。仲有多種調味粉，自助加配，提升惹味程度。每消費$50就可得印仔一個，好快就儲夠可以換食物了。