海安咖啡室 (Closed)

大家會唔會對冰室有一種情意結同執著？如果有既大家，今次介紹呢間已經有69年歷史、家族式經營既海安咖啡室就好岩你。呢間冰室係1952年開業時附近已經係碼頭，所以冰室叫海安，希望出海嘅人都可以平安，開業時仲未填海，而家碼頭已經變成馬路。當日去係星期六既下午，去到時已經係滿人，不過等左一兩鐘就咁岩有人離座可以入去。呢度環境比較狹窄，無論係卡位定係圓枱，但裝修都係充滿歷史既痕跡，有返到六十年代既感覺。-1️⃣ 粒粒西多士 💰49 （👅: 7.5/10）粒粒西多士就係將普通既西多士切成四份再羅去炸，打卡度非常高，四個西多士分別有四塊小牛油喺上面，加上糖漿外觀令人呑口水。咁靚既西多士，食落蛋味幾濃，同埋因為切開小份，西多士會多啲邊位炸到脆口啲，食落西多外表軟腍，內裡鬆軟，外邊未到脆口，不過除咗依幾樣之外，味道就比較普通，同區嘅瑞記西多士玩有特色啲，同埋更加好食。另外一題呢個粒粒西多士唔一定要嗌四件，如果想淺嘗西多士佢有一件份量，啱晒大家可以試佢嘅招牌，順便再試西多士。-2️⃣⃣ 鮮奶紅豆冰 💰32 （👅: 7.5/10）紅豆冰特別係個冰底係牛奶雪到變冰，所以就算啲冰融左都唔會變水而淡左，而且店舖堅持用冰球而

好不容易捱到了星期六, 不過每個週末的中午總是好像覓食困難似的.銅鑼灣, 灣仔區已去得有點泛濫.今次不如去遠少少走進上環. 本來想去信德的華星冰室, 但友人想試一些新食點, 遠遠望見海安的招牌, 好的, 就試這間.到了門口, 看見堂內每張檯都坐滿了人, 都要排隊等位. 看來光顧的大部份都是遊客.等了10分鐘左右, 終於有位, 當然茶餐廳搭檯是常識吧.坐位及整體的裝修的確是讓人有回到60年代的感覺. 可能這是吸引遊客的主要原因. 馬上點餐, 見到餐牌上推介的招牌鍋仔公司麵, 點了一個. 友人則點了一個叉燒蔥油麵.鍋仔公司麵用了一個大鍋上菜, 鍋內的配料的確豐富, 有腸仔, 太陽蛋, 五香肉丁, 椰菜等.配上公仔麵, 份量充足. 但腸仔是用水灼熟似的, 淡而沒甚味道, 整鍋湯就只充斥了五香肉丁味,  友人的叉燒蔥油麵則賣相及味道俱不俗, 叉燒加上蔥油香味, 增添食慾. 而且叉燒的份量不少, 食完都有飽肚感覺.正進食間, 見到隔鄰多檯食客都點了西多士. 雖然吃完麵後已有飽肚感覺, 但一碟碟的西多士不斷在眼前川流不息的出現, 一場到來, 又豈可不試?見到餐牌上原來有迷你的粒粒西多士供應, 即點

星期六陪家人喺西營盤嗰頭買完海味，無意發現呢間老冰室，原本諗住飲杯嘢抖抖，但眼見餐牌相內啲多士同西多幾吸引，就忍唔住一試。結果食咗：1) 撈麵餐(因义燒賣哂，揀咗司華力腸)：偏細碟，似係普通大光麵，撈碎蔥及煎香切片司華力腸，味道實屬一般，個人覺得唔值$42。2) 蔥蛋牛厚多士：賣相唔錯，店員千叮萬囑要落黑椒粉食，多士較為濕濕淋，蔥花雖然好多，但唔香，蛋偏濕滑，牛肉粒食唔出係牛肉，整體味道一般而已，但應該幾啱好鍾意食蔥嘅人。3) 粒粒西多士：$10一粒，$30四粒。厚西多有3層，正中外脆內軟，因為內層蛋汁未完全熟透，所以食到幾重蛋香。備有糖漿或練奶。味道都唔錯。4) 咖啡紅豆冰：$30一杯，凍咖啡味道其實唔算差，但加咗奶製碎冰同紅豆，味道就變得麻麻，結果飲剩咗一半。5) 普通紅豆冰：跟撈麵餐仲要另外加錢，賣相唔錯，但其實除咗面頭嚿碎冰稍為有啲特色之外，冇乜特別，而且味道偏淡，尤幸紅豆都算唔太細粒，且幾夠溶。可能因為呢類老冰室買少見少，所以環境上先吸引到多啲人唻，但整體食物飲品雖然都略有特色，但質素實屬一般，而且價錢中上，故除非經開，否則未必會再唻一試。

男朋友專登帶我去，原本想食奶油朱，但賣晒 >___<最後叫左鴨胸炒公仔麵，碎牛炒蛋多士，粒粒西多士。老闆伙計們都好好人，非常親切，仲額外派糖請食添！雖然遠，但一定再去！

旅遊書介紹嘅好多時都係大型連鎖茶餐廳, 若然搞下呢傳統冰室, 可能更有特色, 因為無論食物定裝飾設計上, 都應該可以更吸引唔同類型嘅客人, 呢間餐廳係上環港澳碼頭附近, 過條天橋就到, 不過係天橋無電梯上落, 手持大型行李嘅旅客可能要注意吓, 另外記得留意開放時間呀  ↓↓海安奶茶加紅豆 $14+5 (3.5/5)紅豆唔算煲得好碎, 有一粒粒嘅口感, 店員話奶茶係好男仔嘅野, 紅豆係好女仔嘅嘢, 兩樣加埋一齊就叫初戀haha, 奶茶都好香, 配紅豆食好似食緊甜品咁 如果嗌凍飲, 冰係刨冰球咁, 而唔係平時一粒粒嘅碎冰, 記得啜一淡先飲呀! 如果唔係就好易漏瀉哂喇香蔥碎牛炒蛋厚多士$25 (3/5)平時嘅都係配火腿咸牛肉餐肉, 咸得黎脂肪又多, 而呢度就用蔥花, 始終天然嘅調味料至好, 用嘅都係蔥嘅末端, 份量比我想像嘅多, 配搭非常中式, 食落又爽口都唔錯 煲仔公司麵$39 (3/5)望住個餐牌嘅時候, 仲係度煩惱緊係要揀一個定兩個餸, 原來係都全部都有, 好豐富! 有叉燒, 五香肉丁, 雞蛋, 腸仔, 芝士腸, 午餐肉, 鴨胸, 係屋都唔會加咁多 , 係呢到就可以同時食到晒喇ha