Made in HK Restaurant (Closed)

喺Apm有間西餐叫Made in HK，餐廳內𥚃都幾大，就座後睇吓Menu就Order嘢食。今晚唔知做乜事咁肚餓，我見Menu影出嚟個什扒餐大大份，咁就決定叫呢個啦！另外加多一個黑松露大蝦野菌意粉。個什扒嚟到時真係同張相差唔多，先試試條德國腸，冇乜味同冇乜特別，再食佢哋個牛扒（叫咗3成熟），點知一切落去猶如Well Done咁，可能喺鐵板上呱，咁快由3成熟到去10成。之後試豬扒啦，無諗過會咁靭，反而最後食嘅雞扒係全個什扒最好嘅，肥肥地兼腍腍地。個什扒除份量大份之外都冇乜嘢值得讚。另外個意粉中規中矩啦，意粉係幾腍同好多汁但唔太食到黑松露，食食下有啲漏，隻蝦就係一般雪藏蝦咁啦！Made in HK收費個人覺得比較偏昂貴，價格下調一下比較好啲~

以黑白色為主調的簡約裝潢，溫馨的沙發和高身椅，分明就是一間走悠閒路線的cafe。看真一點，餐廳原來混合了很多香港特式元素在內，類似街市的照明燈，學校式懷舊天花吊扇，一排排的鷹嘜煉奶，咸豐年代的支裝汽水作裝飾，很有心思。食物同樣“港西合璧”，餐單上全是港式西餐or西式港餐，例如羅宋湯麵，港式排餐等，算是在觀塘區難得一見的特色餐廳。看過食友的食評後，我也急不及待想來試一試其龍與鳳。 店內環境開揚，大部分的檯與檯之間相隔寬闊，偏偏我被編排的坐位就像是一張四人檯分拆出來的二人檯，特別擠迫, 連鄰座客人之說話內客也聽得清清楚楚！因為姐姐未到，一個人獨自在店內坐了十五分鐘，其間也沒有侍應奉上清水，是餐廳的習慣嗎？(因為現在有不少餐廳都是待客人點餐後才奉上清水)，不理會這是不是餐廳的恆常做法，但此舉卻真的會影響客人對餐廳的第一印象。不過我的坐位是梳化位，軟綿綿的，又真的很舒服，怪不得很多下午茶食客也舒服得捨不得離開！兩個人點了三款東西，下單後數分鐘，食物也差不多全部上桌了，速度可媲美茶餐廳！姐姐點了最實惠的晚餐A($98)，主菜是蕃茄牛舌意粉，並奉上餐包，餐湯，餐飲，活脫脫就像是茶餐廳的晚餐ABC。