餃子屋

Open Now

Now Closed

餃子屋的位置在荃昌商場，雖然商場比較舊，人流不算旺，但這間舖無論什麼時候都非常多人排隊，很多專程來堂食或買外賣食客。這小店的舖位比較小，座位較迫，通常都要搭枱坐，環境不算舒服。但是，它最吸引食客的一定是食物的質素，這家店是專門賣餃子，它的餃子不但種類多，而且全部都很足料，份量很大，令人一試難忘。餃子屋的餃子有不同餡料可供選擇，而且價錢相宜，$42-$56，可選6/8隻，如果選擇雙拼就可試多幾隻味，不用加錢。食客可以選擇湯餃或煎餃，如果不夠飽，可加$8加上海麵/米線/淮山麵。餃子的湯底是魚膠淮山煲豬骨湯，味道濃郁，不會有味精的味道，清甜好飲。這次我們選了的湯餃有雲耳白菜豬肉餃、菠菜馬蹄豬肉餃、韭菜豬肉餃。煎餃就選了粟米香菇豬肉餃、京蔥羊肉餃、芝士豬肉餃，加上海麵和淮山麵。配上特製香辣菜脯，十分美味。如果喜歡吃餃子的朋友一定要來試試餃子屋的餃子，包你一試回味！😋

荃灣發現呢間餃子店，雖然店舖驟眼睇有d似街坊嘅舖頭，但食過之後覺得絕對係一間值得一試嘅舖頭。咖喱薯仔豬肉餃 (煎餃)一上檯見到係好!大!舊! 本身仲嫌有d少貴，但見到個樣就知道點解🤣煎餃又咖哩出奇地同店舖特製嘅香辣菜脯超夾，可以試試粟米香菇豬肉餃 (湯餃)除左主角係餃之外，其實個湯都好好味架！又係超大粒，好好食！餃子屋除左堂食外賣之外，都可以就咁買d未煮嘅餃返屋企自己煮，價錢方面見到平好多，都好多人買，但就唔知係咪都係咁大粒🙈🙈

見網上面有人推介呢間餃子好抵食又平 所以個日就同女朋友去食下啦～ 一去到真係好多人等緊 店舖唔算好大 但坐滿曬人 睇黎真係好受歡迎👏🏼！芝士豬肉煎餃 $46 8隻就咁睇個價錢會覺得係正常價 但餃子一上枱就發現啲餃子好大粒而且非常足料！👍🏻外皮煎得好脆 芝士味都好濃 芝士控應該會好中意食🤭🤭粟米香菇豬肉餃 $50 8隻 +米線 $8呢個叫左湯餃 每隻餃子都好大隻 我女朋友佢話佢食四隻就已經飽到傻左😂 所以我唯有幫佢食埋🤦🏻‍♂️ 呢餐真係飽到我傻左 因為我地第一次食 一去到我好肚餓 所以加埋米線 點知啲餃子咁大隻足料！真係食到捧住個肚走！仲有，佢地係魚湯黎 好好飲 飲唔出有味精☺️涼拌窩笋 $26 我地一開始真係太睇小佢地既份量🙇🏻‍♀️ 仲叫埋涼拌窩笋！ 佢地既汁係麻辣汁黎既 夠麻唔算太辣！🥰不過好似唔係成日有 我之後就無見過了😢重點一提，佢地既自製蘿蔔乾好好味 好惹味 一定要試下🥰

食過幾次餃子屋，都要排隊等位堂食。今日想快啲翻到屋企，決定買外賣同生餃。我叫左6隻芝士豬肉湯餃外賣，要魚膠淮山煲豬骨湯，半打粟米香菇豬肉生餃同半打紫菜豬肉生餃。6隻芝士豬肉湯餃$40+$1外賣盒芝士餃係我嘅最愛，第一次食嘅時候覺得芝士味好出，每粒水餃都好足料，比起一般出邊食嘅餃子再大粒好多，加埋香辣嘅菜脯一齊食更加惹味，不過食食吓都幾辣！個湯底好好飲，不過比起堂食個份量就少啲，同埋食完之後都有啲口乾。粟米香菇豬肉生餃，芝士豬肉生餃各半打$48晚餐喺屋企煮幾隻水餃食，點知煮完到食落先知原來佢賣錯餃子比我，明明我叫半打紫菜豬肉餃，點知比錯左芝士豬肉餃我！雖然我係中意食芝士，不過一日食兩餐芝士豬肉餃點都會滯咗少少。粟米香菇豬肉餃就正常水準啦。冇得食紫菜餃有少少失望！希望下次可以做得好啲。

餃子屋長期排隊，一直都冇試過，今晚早左出黎，雖然都好多人排隊，但係有時間等下位，五點幾去等啲人枱都等左三個字。但係個老火湯真係不過我等左咁耐。同朋友share叫咗兩款餃子，粟米香菇豬肉餃同韭菜豬肉餃。兩款餃子皮入面包住除咗餡料，仲有好濃味嘅肉汁。但最值得推介都係個老火湯底，真係食到冇味精，個個都會飲晒成個湯！仲真係有花膠 🤤粟米餃有大大粒冬菇，全部都醃得好好，其實有小重口味，啲汁多到我怕流落個奶白色既湯會沾污佢😂

本來對餃子沒有太大興趣 但是看到別人在餃子屋吃的照片 就好想吃呀！一開始是注意到他們的煎餃很特別， 然後發現內餡是芝士豬肉呀！ 而且湯底是魚膠准山煲豬骨！ 所以立刻去試試吧！一坐下就會有小菜：香辣菜脯 香辣可口，很開胃這次一共點了四種餃子 第一款：當然是芝士豬肉煎餃呀！  $44/8隻 濃濃芝士味！ 半煎炸得脆脆的很香口， 很大一個，餡料滿滿的！ 一口接一口吃掉他吧！第二款：咖哩薯仔豬肉煎餃  $48/8隻外皮脆脆的很香口 咖喱味也很濃郁，微微辣 餡料依舊滿滿的， 薯仔和豬肉比例很好 吃起來不會膩煎餃會有附贈一碗湯 他們的魚湯也是另一個重點， 奶白色的湯很好喝， 喝得出湯料很足！ 再來是湯餃！ 一大碗魚膠准山煲豬骨！ 感覺喝下去這碗湯已經回本啦！第三款是：雲耳椰菜豬肉餃   $40/8隻 雲耳爽爽的，搭配椰菜 水餃真的很大一個， 一口吃不完！要分兩三口呀！ 搭配這個湯真的清淡中又夠味道第四款：粟米香菇豬肉餃    $48/8隻 粟米香甜搭配香菇的香味 清爽的口感 晚上吃其實蠻剛好的   最後喝完湯， 真的很滿足！ 重點又不

泡泡小子以前係附近做facial 時發現依間小店， 一直都覺得好味， 佢個湯係小子好鐘意， 但無黎一排， 今日突然掛住依間小店， 二話不說拉埋泡泡姐一早黎。小店開10:30，小子10:25到小店未開門外經有10多人排隊， 幸好佢準時入去有位了， 小店擴大左裝修過比以靚同乾淨餐牌簡單易明仲可雙拼，單雙拼價錢一樣👍餃子係即叫即整， 要比d耐性等候等候等左陣，店員送上辣菜甫， 枱上有辣椒醬、醋自行調配韭菜豬肉餃拼雲耳白菜豬肉餃韭菜豬肉餃好味， 小子一向都鐘意食韭菜餃加依個湯底好滿足， 雲耳白菜豬肉餃小子食到好似有d薑味個人喜好問題， 小子麻麻粟米香菇豬肉餃拼香菇木耳雞肉餃粟米香菇豬肉餃內有好粟米，但食唔到冬菇而香菇木耳雞肉餃比較濃味三色煎餃（芝士/紫菜/香辣）依3款餃都各有特色， 每隻餃子都好足料3款餃都較濃味加上做剪餃係好味但不能食太多， 始終煎餃比較膩

今天和姐姐一心一意地想要吃餃子, 就決定去嘗試之前朋友說很好吃的餃子屋, 就位於荃灣荃昌中心, 離地鐵站很近的很方便, 但平日去吃這家餃子屋, 排隊也要排半個小時, 所以我還未試過假日去吃, 我怕要排很久很久…我是超級餓的, 看到MENU就立馬想叫8隻餃子,然後姐姐就叫我冷靜一下,說我每次都眼闊肚窄,最後我點了6隻粟米香菇豬肉餃 配魚膠淮山煲豬骨, 而姐姐就叫了6隻雲耳白菜豬肉餃 配重慶湯底 <因為她超級不喜歡魚的味道>。等待餃子的時候,他們會先送上菜脯,我覺得在配上餃子來吃的話, 真的也很不錯。大概15分鐘後,餃子就來了,熱呼呼的,餃子皮很光滑,厚度適中,每一隻看上去都超級飽滿的。我的這碗湯底感覺真的像他們所說的沒有味精,很鮮甜,不過我個人是比較喜歡姐姐選的重慶辣湯,配著餃子來吃更惹味,這個味道好熟悉卻不知道怎麼說,但如果喜歡吃辣的,我覺得真的可以試試這個湯底,暖暖的。餃子的餡就更不用說了,跟名字一樣,你叫什麼裡面就會有什麼, 餡根本多到你會吃不完,超值!!!幸好我只叫了6隻,一個女人根本沒法完成一碗的, 我就只吃了4.5隻, 姐姐就吃了5隻, 兩個人都飽到不行了…唯