香港寧波同鄉會

Open Now

Now Closed

20190109⛅Wednesday 🌹好同學在1月中生日，因本人有私人事務🤗所以要提早慶祝🎂唔知食西餐還是中餐好🤔既然人多，我提意食中餐🥢大大碟，我就想起「香港寧波同鄉會」，先Order 小食，燻魚，無錫脆鱔，醉雞＝無另外失望，美味煙燻蛋＝今次欠缺煙燻味，到主菜砂鍋雲吞雞，掛住飲湯，忘記了影相，我地女人多，所以傾計傾到唔知時間，所以伙記行埋我地張檯，細細聲同我講，你地仲有生日🎂，伙記都算有禮貌，如果要彈既地方，枱與枱之間太近，樓底矮， 整體合格👍

有朋自遠方來，話想食上海菜，所以就帶左佢地去間佢地聽都未聽過既寧波同鄉會，食Ｄ喺外國食唔倒既正宗寧波風味。雖然寧波會係私人會所，不過未係會員既朋友唔洗驚，因為唔需要任何人介紹，只要填張好簡短既表格，同埋交$100年費就可以立刻成為會員，即時就有張臨時會員卡，效率好高。如果同桌已有會員，嗰$100可以入埋會員張單到添。環境衛生：酒樓式裝修，好簡單，絕對冇多餘既擺設或花巧既設計，非常符合經濟原則。地方打理得乾淨企理：雖然談不上潔亮如新，不過一定唔會見到一dat dat既舊污積，穿左隆既枱布同餐巾，或者係崩左既碗筷。小弟幫襯嗰晚大廳好爆好逼人，枱同枱中間唔係好多位，尤其係大枱附近，可以話係動彈不得；睇得出佢想用盡所有實用面積黎做生意。個人覺得最大嗰張枱頂哂籠只可以坐十二個人。隔暗設備可以話係零，所以除非好少人幫襯，唔係真係好嘈。個會其實係有間＂會長房＂既：如果擺一席（最多十四人），最低消費為 $6,000；如果擺兩席，最低消費為每席 $4,500。接電話嗰位姐姐仔好細心咁解釋話客人可以訂嗰間房，不過因為係＂會長房＂，所以就算訂左房，如果當日會長突然有要求，客人係要讓返間房出黎比會長既，而工作