洪師父牛肉麵

Open Now

Now Closed

今次外賣叫左洪師父，好有驚喜，冇冧過食到甘正宗甘酥脆嘅雞排，好似去左台灣咁？ 🤩🤩1️⃣滷肉香酥雞扒飯（外賣app$71）超推介！！ 好好食好似去左台灣咁，超酥脆，雖然外賣但都唔影響佢有幾脆，外脆內軟，炸衣薄雞扒厚，perfect match雞扒好juicy。飯份量偏小，相見到啲配菜滷肉遮住晒啲飯😂好足料，但白飯可以多啲，多多都食得落，好好食😋2️⃣紅燒半筋半肉麵（外賣app$90)呢個都好食但冇雞扒甘出色😗牛筋好淋，一咬即化，但調味方面可以重多少少，牛肉都係。但麵好有咬口，煙韌，粗度剛好，好似刀削麵😂湯底都係可以濃啲整體嚟講，水準台式菜，出色嘅雞扒，推薦！價格一般，冇set，但好食😋

一行三人放假去貝澳玩, 玩完出番東涌順便食埋個晚飯先走. 東涌站附近無咩小店, 只有大商場, 換句話即係只有連鎖式食肆選擇. 我哋唔想食大牌子果啲食肆, 於是揀咗呢間唔算太多分店感覺有質素嘅台灣野.我地點咗三個餐, 再加多一個餸. 先黎飲品 - 唔知係咪疫情關係想衛生啲, 飲品用外賣杯上, 但視覺上同份MENU出入好大, 即時感覺成間店底級咗.  QQ鮮奶綠, 飲品係跟餐送, 味道偏甜易入口. 香芋鮮奶綠  - 夠香芋味台南鹽酥雞球炸得金黃色好夠脆, 入口夠香,  雖然唔識分台南台北鹽酥雞有咩分別, 但同台灣食過果啲分別不大. 紅燒半筋半肉麵, 筋肉分佈平均亦好入味.  麵條夠彈牙,軟硬度適中,  呢個的確係有水準.啲湯都好重牛味, 咸淡適中. 啲辣油夠香, 辣度中, 睇黎係佢地自家制作. 另外一碗係紅燒牛肉麵, 牛肉一樣好入味, 不過個人都係鐘意食筋肉另外, 呢間都算收得夜, 我哋喺貝澳出番嚟其實都八九點, 初時都驚啲舖收哂, 有都要勁快食LAST ORDER唔好阻人收工...最後係我地食完野出黎其他店真係CLOSE咗佢都未收仲要有人入黎食, 所以放心哂