洪師父牛肉麵

Open Now

Now Closed

裝修雅緻，光猛清潔餐牌選擇不多--- 滷肉鹽酥雞飯 --- $69套餐目測食物份量超多，非常抵食飯面佈滿台式醃酸菜，雜菜(椰菜，红蘿蔔絲),半隻鹵蛋，肉粒，菜脯，營養均衡，配搭多源化鹽酥味道中規中矩，不濃郁，外皮不夠香脆，味道走稳陣路線，肉質合格，份量勝過預期。 --- 凍珍珠奶茶--- 加$7 升级奶味不足，茶香未達標，加咗冰，味道更顯得清淡

洪師父牛肉麵有一個全日提供嘅二人套餐，$265有兩個主食➕兩個小食➕兩杯飲品，價錢合理主食方面，Zaza揀咗紅燒半肚半肉麵➕紅燒半筋半肉麵，兩個麵嘅湯底一樣，濃郁偏甜，有牛肉味；粗身麵條口感好好👍🏻；牛肉、牛肚、牛筋都鹵得入味，煮得夠腍，質感軟嫩😋小食都唔錯，香炸花枝丸嘅味道鮮甜，彈牙爽口；黃金芋泥球用料充足，炸得香脆🥰但飲品真係要扣好多分，檸檬紅茶原來係冇真檸檬🍋，而且得個酸字，係真係真係好酸🤢；冬瓜茶就甜得太過火😵‍💫洪師父牛肉麵另一個大缺點就係職員態度好差，所有員工對住客人都係黑口黑面，令人感覺唔係太舒服😵洪師父牛肉麵📍東涌達東路20號東薈城名店倉7樓702號舖☎️39746872⏰11:00 - 21:30

洪師父牛肉麵是台灣5屆冠軍牛肉麵的店來，剛好在東涌的東薈城名店倉見到。價錢相對同層的其他餐廳稍為便宜一點，那就乾脆試試這裡的牛肉麵是否真的那麼獨特。座位偏窄一點，桌子也不算很大張，但放了筷子盒和調味料，所以感覺更細張。這裡會是QR Code下單，下單後超快速就可以上桌。牛三寶麵 - 紅燒的湯底，香濃得來是帶甜味，會讓人在吃麵時多喝幾口。「三寶」就是牛筋、牛肚和牛肉。牛筋就是滿滿的骨膠原，口感Q彈滑嫩也很入味。牛肉也是一樣，質感軟嫩，吃落不會覺得是乾柴的。蜂巢牛肚很軟嫩細緻，是唯獨麵條應該算粗身麵吧!?不吃牛肉麵也有台式飯類可以吃，滷肉鹽酥雞飯看起來也不錯。另外亦有台式飲品可以點。

今日同個朋友去睇完wild wild show 😍 所以喺亞博搭返車出去東涌出嚟搵嘢食，我哋行咗好多間舖頭，最後我哋揀咗呢一間牛肉麵。原先諗住都冇乜期望，求其食個麵或者飯，所以我哋就嗌咗兩個套餐，兩個便當。我就嗌咗一個豬軟骨便當，我個朋友就嗌咗一個炸雞排便當，個豬軟骨好好味😋係估唔到咁好味，嗰個炸雞排亦都好大份，亦都好香脆，兩個套餐都好大份，我哋經已叫小飯，但係都係食唔晒。我哋仲叫咗一個花枝丸小食，個花枝丸好好食，特別推介👍🏻佢有茶提供，飲晒都會有人同你refill，職員態度都好好，係比想像中好嘅一間小店。人均$100都唔使，有咁嘅質素， 值得一試wow 😜

有超過三年無入東涌東薈城行街，今日和朋友相約入黎 shopping, 原來開咗好多新商店，仲多咗好多嘢食，好多選擇。行到差不多食晚飯時間，就揀咗食台灣牛肉麵，地方唔係好大，距晚飯時間尚早，唔太多人。✨牛三寶麵✨牛三寶有牛肚、牛腩、 牛筋，煮得好入味， 腍滑有口感，湯底味道濃郁但偏甜，因有少許麻辣味，用嘅係粗麵條，好好食，味道尚算唔錯！✨紅燒牛肉麵✨牛肉鹵得夠腍好味，有咬口，加埋配菜（酸菜）香蔥和辣椒油，味道啱啱好✌️✨玉米鮮肉水餃✨一口炸豆腐✨水餃餡肉都有肉汁，但原來水餃係蒸餃😅；豆腐外脆內嫩滑，兩個小吃不過不失啦。

今日叫咗兩款牛肉麵，兩款小食，兩杯嘢飲。聽朋友講，以前包嘢飲，依家一杯都要20幾蚊，仲要收加一。都算啦，邊個叫人掛住台灣嘢食呀～ 紅燒牛肉麵湯底ok夠濃味。但紅曲蕃茄湯底就相對好淡，唔太吸引。個一口豆腐幾嫩滑，啱我口味。朋友鍾意有啲酒味嘅腸仔。同朋友邊食邊傾，飲到最後兩三啖珠奶，個女侍應黑口黑面走嚟串人坐咗夠一個鐘，佢哋有其他客人等緊入嚟。佢客氣啲，俾多幾分鐘人哋飲完最後幾啖，其實係好小事。但佢一副得理不饒人嘅嘴臉，大曬咁嘅款，真係好難頂…… 做咩俾服務費仲要受呢啲氣？

我食左個紅燒牛肉麵和珍珠奶茶。牛肉麵湯底非常之淡，牛肉細細粒，沒有牛味，個麵唔掛湯。係我食過最難食嘅台灣牛肉麵。完全唔值呢個價。珍珠奶茶完全冇茶味，唯一好是珍珠份量足夠。

店名：洪師傅台灣牛肉麵地址：東東涌達東路18-20號東薈城2期7樓702號鋪自己就比較鍾意食台灣嘢食物，聽朋友講話呢一間雄師傅台灣牛肉麵，味道好正宗！今日終於有機會試吓！餐廳嘅環境好寬敞，坐得好舒適！職員態度好好，會主動過嚟推介食物，同埋會主動過嚟加水！喺香港實屬少見😏😏講返啲食物，今次就嗌咗鹽酥雞麵，鹽酥雞炸得好香脆！啲面就大大碗！食落好彈牙！配埋嘢飲都係$74，都好抵食㗎😝下次都可以再過嚟試吓其他嘅麵😍

隨便路過入去食嘅台灣麵 🚶🏼‍♀️🚶🏼‍♀️今次揀呢間台式麵店都好 random。見佢個門面幾得意，有個筷子拉下拉下嘅大碗麵。入座之後，有隻烏蠅飛嚟飛去。衛生狀況一般。。。見到咁，我哋就快食算。椒麻拌麵（配香酥雞扒）香酥雞扒都算香脆，但麵就唔夠醬。可能係醬唔夠，椒麻唔夠濃～牛三寶麵湯比較清，建議湯可以濃啲。整碗麵中規中矩，有牛肚，牛筋，牛展。3樣嘢最好食係牛肚，唔韌，都算爽口。凍仙草包心芋圓呢碗嘢除咗仙草正常，最難食係芋圓。啲芋圓食落成舊粉，我咬咗一啖就吐返出嚟🤢結果連相都無影🙈

-東薈城自從起左新翼之後多左不少餐廳的選擇。洪師父位於高層food court 對面，主打食台灣牛肉麵，另外都有其他台式便當，滷肉飯之類。-食物：晚餐同午餐差唔多，都係同一個餐牌。個人食開佢個台灣牛肉麵，因為佢用左粗麵條，食落口感好好，好有咬口！牛肉份量比樓下的春水堂多，質素就不相伯仲。湯底都清甜有牛肉味。 環境：座位同一般快餐店差唔多，但我去的時候係星期日晚上，人客唔多，所以可以兩個人都可以坐四人檯。 總結：埋單計大約$100左右，因為唔多餐廳有粗麵底的牛肉麵，我已經encore左幾次。洪師父牛肉麵地址: 東涌達東路20號東薈城名店倉7樓702號舖電話: 39746872

通關後嘅東薈城幾時都係人頭湧湧，行街血拼到飢腸轆轆想搵食都唔容易。間間食肆排長龍，唯有一路向上闖。差唔多筋疲力竭之時，俾我哋遇到洪師父。見佢哋唔駛點排隊就一於試吓，其實都有啲擔心有伏味架！😅店舖唔算好大，但大部份嘅座位都好舒適。行到嚟鬼咁餓，每樣點啲試吓。紅燒半肚半肉麵（$78）湯底味濃偏甜口，牛肚好腍，牛肉鹵得入味，入口即化，麵底係正宗嘅扁粗麵，但個人覺得幼麵比較合適。川味牛肉麵（$72）牛肉鹵得入味軟腍，湯底偏甜口帶少少麻辣味。比紅燒更濃更惹味。台南鹽酥雞（$38）粉漿唔係好厚，皮脆肉嫰，仲有九層塔，感覺正宗。綜合鮮肉水餃（$42）有白菜豬肉餡韮菜豬肉餡。手工水餃，麵皮偏厚，個人比較喜歡。整體黎講，洪師父未必俾到你驚喜，但價格實惠，响商場入面係個唔錯嘅選擇。

生日去吃號稱得獎的紅燒湯麵。我在三寶和豪華版之中猶豫良久，幸好只挑了三寶，沒虧得那麼大。粗麵條有嚼勁，是我喜歡的硬度，牛根最好吃，十分柔軟，而牛肚和牛肉的味道普普，切得小小的，不太吸引，這就差不多上百元。最大問題是湯底，可能因為是午市剛開門的關係，顏色淺如魚蛋粉清湯的顏色，將美好的麵條毀得一乾二淨，這回還真是清湯掛麵。心感不秒，一喝之下，應該是這幾十年人生中有史以來喝過最劣最淡的湯底，缺乏肉類的清甜味，失望至極。是隨便找一間台式牛肉麵店的湯底都不可能輸給這家店的地步，我錯信了餐單上的「得獎」二字，萬分後悔沒有回市區吃飯。正常發揮的OREO飲品成了唯一的安慰。冇下次。

東涌食嘢都幾貴下，如果食得有質素價錢又抵， 建議大家食洪師父牛肉麵！珍珠鮮奶茶： 大大杯，多珍珠，用鮮奶，完全足料！紅燒牛肉麵： 牛肉多同軟，湯足味，但麵就相對來說較少！滷水香酥雞排飯： 配料多過飯， 醬汁已入口，有台式風味， 塊雞排大塊又炸得脆， 簡直一絕！

點左個二人餐，兩小食，兩碗麵，兩杯飲品。二人位張檯連野食都唔夠位放，坐到迫一迫，環境先扣分。炸物拼盤，鹽酥雞脆唔夠味，花枝丸同台灣腸就as expected 啦。豬耳冇滷水味得d辣油。碗麵個湯淡如水，麵同牛肉都少。仲有杯檸紅菜，得個酸字，隔離枱都話酸到媽都唔認得。sosad auntie

其實去迪士尼樂園都幾黎計，已經放棄了不在樂園內吃東西的念頭，因為你午餐或下午茶入去，到了傍晚都會肚餓，結果近幾次都在三至五時不等，在不同的餐廳用膳。不過如果你在煙花前就想離開，而有沒有帶備野餐食品的話，如果七時許，到底應該返大埔才吃東西，定還是近近地去東涌吃個晚餐先呢。結果這次就來了東薈城的洪師傅牛肉麵。和往常一樣，洪師傅亦都是比較細間，這間的座位可能比起沙田更加少。行李又多，地方又狹窄，於是快快的點了個麵，這個藤椒的，味道帶點麻辣香氣，不算很強勁的死辣，還帶點麻的香氣，不過後尾才想起，原來這牛肉不是台灣牛肉麵那種半筋半肉，而是肥牛肉，好像有點蝕底，不過回頭想起，那個湯底的味道也相當不錯不錯