紅磡冰室 (Closed)

炮台山好似冇咩cafe可以食個afternoon tea，慢慢吹下水，食件cake。見到呢間有下午茶就入左去。下午茶個menu都幾多野揀既...我就叫左個懷舊西多士。佢係配煉奶既，我問佢有冇糖漿，佢話冇... 個西多士中間夾住係類似奶皇唔係花生醬，而且得中間位置有。可能食唔慣啦，覺得一般般。另外仲試食左朋友個炸魚薯條，當然冇外國個啲咁好食啦。呢到個魚柳薄左啲，就黎層粉仲厚過佢。不過黎既時候熱辣辣，都唔錯。呢啲野食係餐黎既，我知好多人都下午茶配紅豆冰，呢到係加5蚊既，但我冇試唔知好冇飲。

印象中紅磡冰室係炮台山開左唔係好耐, 今次第一次試其實而家好左咁多所謂懷舊冰室, 賣到貴一貴, 最慘d野又難食....今次都驚會唔好食拎起個午餐牌, 冰室黎講唔算貴我就揀左個瑞士雞翼撈公仔麵, 公仔麵夠晒味! 如果可以淋少少仲好, 個雞翼非常入味!! 好耐冇試過係出面食到個咁入味既瑞士雞翼!! 嫩滑炒蛋, 牛油多士, 個炒蛋好好味!! 好多都話自己d炒蛋好滑, 呢間真係唔錯, 真係滑! 牛油多宜就冇咩特別同事就揀左個生滾牛肉鮮茄湯通心粉, 我試完覺得幾好! 第1, 個蕃茄湯唔會太酸, 第2, d牛肉係新鮮牛肉, 食落勁香! 唔錯! 另外朋友叫既紅豆冰, 我就冇試喇, 不過望落好似好多奶咁唔錯, 好過天后果間冰室好多! 又唔貴, 食得過(不過男仔應該唔夠飽喇) 

前日(28-6-2015 Sun)同男友送糉去北角探佢媽媽,之後食個晏,想去搭車時經過o既瑞士咖啡室,但適值食飯時間,所以有好多人等,於是退而求其次o黎呢間,o係我o地前面只有一枱客等,而且入面都有枱喇,所以我o地唔使等好耐就有位.我o地坐到去後門o個邊o既四人枱.我要$52.00o既午餐C,生炒排骨配飯,男友要$40.00o既常餐,加$5.00要紅豆冰.好快,男友餐裡面o既生滾牛肉鮮茄湯通心粉到o黎,然後係紅豆冰, 紅豆冰雖然唔算好大杯,但見到有好多紅豆,食吓先.紅豆夠腍,甜度足,幾好飲. 然後西煎雙蛋配牛油多士都到o黎,我食吓件牛油多士先,牛油多士係厚多士,我o個半件烘得好夠,牛油都o岩o岩,又脆又好味. 西煎雙蛋煎得好靚,正常呢.生滾牛肉鮮茄湯通心粉呢,牛肉好滑,有幾粒薯仔,但我睇見我隔離位女仔o個碗,有兩舊大大舊o既番茄o架,點解男友o個碗冇o架? 之後我o既生炒排骨配飯到o黎, 生炒排骨外脆內腍,正常,而個汁,開頭食都冇乜問題,不過食到最後,覺得酸味偏多,差o左少少.最後我o既餐飲係要熱奶茶,口感夠滑,但茶味係偏淡.衛生:大致上冇問題,但見到我杯熱奶茶o既杯邊有啲驚,崩