吉祥冰室 (Closed)

國慶節， 好開心又有兩日假期，約了人去這間元朗特色餐廳 ，又有意頭［ 吉祥冰室］ 晚餐，間冰室好近屯馬線朗屏站，沿B2出口天橋幾分鐘就到，好方便，大大個招牌， 門口已見到如意吉祥🧧🧧，入內裝修帶有懷舊嘅味道🥳🥳🤩🤩，我們點了二個小菜， 半隻雞，轉套餐，每個菜配白飯和飲品，又好招呼， 真係好飽， 最難得嘅係門口有兩張枱， 專門比帶寵物的人仕來光顧，好貼心， 元朗真係好多人養寵物。👍👍

🐱🐷吉祥冰室🐱🐷好耐冇嚟過元朗！咁啱嚟朗屏探朋友 到咗西鐵站諗住食啲野先🤗行落天橋見到有間新開冇耐嘅吉祥冰室✨入面嘅座位係以綠色/啡色皮革為主調 少少復古嘅感覺～野食嘅種類好豐富有好多唔同嘅港式飯類😆亦有每日唔同嘅午餐menu, 咁就星期一到日都有新鮮感啦🤪當然都有茶記嘅常餐食啦😌唔食飯都有麵食🤗我地見除左menu啲野食外 店內嘅牆身仲有其他款式嘅野食！所以我地嗌咗個沙薑雞飯同埋口水雞飯😋跟餐有個例湯，今日係老黃瓜紅蘿蔔豬骨湯🤗好足料！亦有跟杯野飲，我地加咗3蚊要杯凍齋啡同加7蚊嗌咗推介嘅紅豆奶茶～凍齋啡味道正正常常～紅豆奶茶有好多紅豆🥰🥰🥰有驚喜首先嚟嘅係沙薑雞飯🥰比想像中大碟✨✨有7-8舊雞！味道都好夠 好開心有我最愛嘅雞翼添😆然後就係個口水雞飯😋😋佢辣度夠但又唔會辣到食唔到😆佢同一般嘅口水雞汁有少少唔同，但我幾鍾意佢呢間嘅調味😌口水雞個底仲有好多芽菜🥰🥰佢係有啲酸酸地嘅 有醃過 同個雞好夾💖仲好送飯🐱🐷總結：老闆同老闆娘（應該係）好親切～

今日同朋友去左朗屏附近既一間冰室食lunch/下午茶估唔到係街市附近都有間懷舊冰室朋友嗌左下午茶生炸雞比配炸薯角 $42 飲紅豆奶茶我就嗌左個午餐雞扒太陽蛋蔥油飯 $55 揀左五穀麥芽阿華田雪山特飲🔸生炸雞脾配炸薯角有驚喜既生炸雞脾，原本好擔心好炸好油，但係見到上菜既時候都唔會炸得好勁，食哂成隻雞脾都吾會好油膩或者好熱氣！🤪雞脾裡面既肉好滑，而且啖啖肉汁！薯角就正常發揮！🔸紅豆奶茶正常演出既紅豆奶茶，如果紅豆可以煲得再沙D就perfect啦！🔸雞扒太陽蛋蔥油飯正常演出既雞扒太陽蛋蔥油飯，豉油唔係落左好多，所以蔥油終於可以發揮到佢撈飯既角色！配埋太陽蛋汁食😍都唔錯🔸五穀麥芽阿華田雪山特飲原本就咁飲底部既阿華田覺得冇咩特別，但係將d麥芽撈勻左之後，有d咬口，又幾好飲。吾會太甜，味道適中！冰室裝修係比較新式既懷舊冰室主題，見到餐廳既櫈同埋燈都幾靚幾特別如果餐廳冇乜人既話打卡就一流啦～

我媽媽買餸後必定嚟歇腳嘅茶餐廳，喺往朗屏邨天橋底下街市，餐廳裝修非常新淨光猛，有一點傳統fusion復古風，用餐區主要為舒適的卡位。下午茶套餐相當抵食。以下推介幾款我經常食嘅食物俾大家。下午茶餐生炸雞髀🍗配鮮果沙律餐 🥗$42 ～必食生炸雞髀相當出色，外層脆卜卜，肉質非常嫩骨多汁，而且雞髀醃製得非常符合我口味，唔會過咸又有香濃嘅美極鮮味。西多士餐 $32 炸得非常香酥，牛油、花生醬都相當澎湃，加埋無限嘅糖漿，$32包埋嘢飲真係超值。常餐香煎雞扒蕃茄濃湯通粉🍅🍲$48～必食配炒滑蛋香腸 丹麥多士（+2）呢個係我常餐最鍾意食嘅配搭， 喺茶餐廳嘅蕃茄湯底竟然有香草味，炒蛋份量多而且香滑，雞扒是必食的，與生炸雞髀的醃製不一樣，我至愛仍然都係炸得香酥但一啲都唔油膩。紅豆奶茶（跟餐+$8）點餐可以加$8試吓佢哋嘅紅豆奶茶，紅豆軟硬適中，茶香濃郁。阿華田雪山特飲(跟餐+$8)兒時至愛阿華田配上麥片的香味，健康得來又飽肚，岩晒愛健康既都市人。

適逢星期日，就同男朋友踩單車元朗遊。踩到攰就搵左間茶餐廳食個Tea。係朗屏站附近有間吉祥冰室，撘車既話係朗屏站天橋右邊既樓梯一落就到。冰室裝橫係80、90年代風格，打卡一流😜 下午茶menu都好多元化，由小食到炒粉麵飯都有。我地唔算太肚餓，就叫左輕食類：豬扒包同長熱狗，再配杯懷舊紅豆奶茶😋🌭美式長熱狗 （$29）長熱狗好足料，用左脆皮腸👍🏻而個醬汁比較出色，用左酸瓜製成嘅醬汁代替常見嘅茄汁、芥末醬，感覺清爽，好醒胃。🐷豬扒包 （$31）好耐無見過用傳統豬仔包整既豬扒包啦！豬仔包烘熱左，而豬扒都係啱啱新鮮煎出黎。咬落熱辣辣，有誠意。☕️ 紅豆奶茶 （+$10）杯奶茶絕對係今日MVP作為奶茶控，我去到邊都會叫杯奶茶。而今次杯奶茶超水準，茶香馥郁，質感順滑，唔係普通茶記飲到既水準！加埋紅豆甜甜地，配杯奶茶一流！大力推薦杯奶茶！絕對會再飲👍🏻本身仲以為打卡類茶記係食環境，估唔到食物質素有驚喜！我地大約兩點鬆啲去到都算多人，估計午餐時段應該要等位，好彩下午茶時段黎到，最Fit又抵食😋

新式裝修配落地玻璃 帶有點中式fusion 格調除左基本燈光外仲每枱都有一支特式既吊燈中間仲有幾張好特別既瓷瓦古櫈 應該幾涼浸浸冷氣都幾夠仲有幾把臨時風扇廚房仲係半開放式空間感好高老細好有熱誠每張枱都會問下意見埋單仲會了解下岩唔岩食 味道如何$58 避風塘乾炒牛河 好大碟！本身牛河炒得好好幾夠鑊氣牛肉份量多 配料好足又岩火候唔會過淋唔痴底再加上大量炸蒜又估唔到幾搭味撈埋一齊後發現仲加左d辣椒碎唔係太辣感覺幾新奇仲好開胃所以話好手勢既師傅係茶餐廳既命脈牛河炒得好其他小菜自然值得期待$82 黑椒燒汁牛柳粒最近愛上左食牛 下意識落左單後先發覺又係牛牛柳既份量都好多又大件配菜一樣炒得好好紅椒夠淋而洋蔥夠爽+$5 紅豆奶茶 創意滿分紅豆雖然係百搭但溝奶茶真係第一次見奶茶唔會太濃 而紅豆都唔會太甜遮曬茶味老婆平時唔飲奶茶都覺得好飲