Video
Read full review
2014-08-04
5486 views
是咁的，個人覺得香港酒家多如天上繁星，有好食難食，有高檔平民。要打破平野冇好野嘅定律，真係除左汪阿姐張床褥之外，冇邊個做得到。不過，一百蚊樓下食半隻雞，好多地方都做到，而且質素唔差。咁俾成兩百蚊食半隻雞又係咪要食完之後有高潮咁高要求呢，又唔係，不過你叫得翠亨一靚雞，係咪應該起碼雞有雞味，並唔係一碟手撕沙薑冰鮮雞呢。唔係話你唔好食，不過賣相差，點做招牌菜呢。碟滷牛腱算係不過不失啦，68蚊還可以，個滷水係有啲唔同嘅。枝竹火腩炆龍躉頭腩，味道不俗，個煲就夠大啦，魚就碎上到不能再碎，賣相就唉，放多幾條綠色嘅蔥都唔會蝕嘅。好啦，終於有碟靚啲，紅酒梨黑醋脆豬柳。賣相係正嘅，不過果兩排响碟邊嘅橙紅色紅酒梨，冇紅酒味，亦冇梨味，又幫唔到碟fusion進化版嘅生炒骨，佢嘅存在價值响邊呢，單純伴碟？到個黑醋，我諗住一係意大利陳醋，一係滇江香醋，兩者特色係酸而不澀，帶甘甜，有獨特香味。好明顯佢用嘅係something else, 唔酸唔甜，老實講你俾是但樣出味啲我都收貨。唯一可取係豬柳粒尚算脆，咁就128蚊。最安慰係個煲杏汁白肺湯，例牌四人份，$238 。七個人夠分，仲有兩碗半添飲。白肺夠白，乾淨冇腥味，杏
碟滷牛腱算係不過不失啦，68蚊還可以，個滷水係有啲唔同嘅。
枝竹火腩炆龍躉頭腩，味道不俗，個煲就夠大啦，魚就碎上到不能再碎，賣相就唉，放多幾條綠色嘅蔥都唔會蝕嘅。
好啦，終於有碟靚啲，紅酒梨黑醋脆豬柳。賣相係正嘅，不過果兩排响碟邊嘅橙紅色紅酒梨，冇紅酒味，亦冇梨味，又幫唔到碟fusion進化版嘅生炒骨，佢嘅存在價值响邊呢，單純伴碟？到個黑醋，我諗住一係意大利陳醋，一係滇江香醋，兩者特色係酸而不澀，帶甘甜，有獨特香味。好明顯佢用嘅係something else, 唔酸唔甜，老實講你俾是但樣出味啲我都收貨。唯一可取係豬柳粒尚算脆，咁就128蚊。
最安慰係個煲杏汁白肺湯，例牌四人份，$238 。七個人夠分，仲有兩碗半添飲。白肺夠白，乾淨冇腥味，杏味香濃，屬水準之作。杏汁白肺湯係手工湯水，呢個價錢，呢個質素，呢個份量，算係超值。
總結，我人一向厚度，寫野大多隱惡揚善，因為我相信一分錢，一分貨。平嘅，素質未到門檻嘅，我會調節評價。一間知名食府，收得人錢，就要俾到貨，你每碟減三十蚊就差唔多。否則，唔該，俾多少少心機，味道不變，賣相改善都好。
Post
