炭火Dining 炎

Open Now

Now Closed

 「炭火 dinning 炎」佈置如高級日式料理店，入口設置日式花園，店內木系暖色，客人三面圍著開放式廚桌，但事實上，是一間日式串燒店，優點在價錢不進取，晚上兩款套餐取價每位488或$688，分別在串燒項目的份量。服務態度友善，燒功不錯，全部恰到好處，特別喜歡吃雞，因為食材是德島的阿波尾雞，肉質堅實肥美。不過今次我們輕食及省點，吃了以下食品：關東大根天婦羅  $58以抹茶鹽調味。自家鮮雞湯 $32湯清味濃。北寄貝 $138清酒煮，鮮香味美。雞肝 $48非常粉糯，外層層煙韌薄皮。雞中翼 $58德島阿波尾雞翼，雞皮燒至脆卜卜，熱騰騰，水準之上。雞心元 $58細細粒，煙韌入味，口感豐富，唔似食內臟，我覺得比雞肝更好吃。雞肩肉 $54柚子胡椒調味，雞肉既厚亦有彈性，阿波尾雞的確上乘。黑毛和牛舌 $108厚切，口感極佳。豆腐 $48鮮炸後燒，非常出色。紫蘇豚肉卷 $46梅醬調味。雞頸大蔥 $48香氣撲鼻。白粟米 $42刻意燒至半熟，能保留更多汁，超甜。煙燻帆立貝 $88備長炭加熱，蘋果木煙燻，紫菜碎鋪面。禮貌及服務都唔錯，環境可以有儲物櫃放手袋外衣，一家值得重訪的小店。

小表弟牛一要食日式串燒，早就諗定想試灣仔新店「炭火Dining 炎」。餐廳門面好似座大宅咁好有氣派，欄杆與木門間嘅門廊位置有射燈照明，望落不失時代感，無奈謝斐道上泊滿車車，小肥搵極都搵唔到適合嘅角度影。門外貼有歡迎字句「いらっしゃいませ！」。室內有三隻可愛嘅招財貓迎賓，寓意著生生發發，堅好意頭！面積寬廣嘅用餐大堂抽氣系統勁而不嘈，左方為開放式燒爐，二十個高櫈散座剛好包圍住三邊。據悉，入面仲有間可容納六至八人嘅廂房。以木為主嘅裝潢光線企理，簡單嘅清酒樽及小擺設足以流露出和風味，氣氛輕鬆得黎極為雅致。吧枱下有鈎可掛起隨身物之外，大件啲嘅行李可存放於牆櫃入面。最內側嘅雪櫃可見不少酒品。飲品牌只有一頁。如客人想自己帶酒酒，開瓶費為$350/枝標準裝紅、白、汽、清酒，及$600/枝大瓶裝；從酒牌上每叫一枝就可以免收一枝。兩個猛男食串燒，都係覺得啤一啤佢最爽，啤酒杯全部都係雪咗喺雪櫃入面，炎炎夏日都唔怕會熱襯呀！食物餐牌則有兩頁之多，其中串燒菜式單點一條都冇問題，多人派對可以各有各點。另有黑板寫出時日推介項目。每位席上擺有齊備嘅自用餐具、公用嘅調味料及竹籤棄置桶。雞腿肉（$54）：脹卜卜嘅華味雞肶

環境5分：日本餐廳個門面好勁，好有日本高級餐廳 feel。入面全部吧位，開放式燒爐同酒櫃都一目了然，畀五分。衛生5分：廚房同吧枱餐具好乾淨，抽氣好，衛生都係滿分。服務5分：服務員爽手唔囉唆，落單自動推介食物，食緊果陣又不停加茶，非常細心，一樣滿分。味道5分：1)     雞中翼一串有兩隻，燒到脆卜卜，非常香口， 日本串燒必食。2)     雞肝非常嫩滑同好淋。3)     雞腿肉淡淡肉，非常實身，好有趙口。4)     煙燻帆立貝專登用炭响你面前燒一燒，可以食到炭香嘅味道同帆立貝嘅鮮甜。5)     青提豚肉卷食落口會爆汁，所以一定要攤凍來吃。6)     白鱔Ｄ皮燒到脆卜卜，肉質好厚身。7)     燒豆腐燒到外脆內嫩，功夫非常犀利，一定要食。8)     雞肩肉細細粒成粒擺入口度食，雞味濃。9)     白粟米非常新鮮爽甜。10)  紫蘇豚肉卷個紫蘇味非常特出，連豚肉食中和返。11)  半熟蛋豚肉卷個半熟蛋有糖心，出面用豚肉包住特別好食。12)  黑毛和牛舌芯厚肉juicy同好爽脆。13)  燒飯團燒到脆卜卜，包埋出邊塊紫菜一齊食，非常飽肚。14)  自家鮮雞湯非常鮮甜好飲。15)