十八座狗仔粉

Open Now

Now Closed

成日都聽人講狗仔粉，個名好得意好特別，但是不知道味道如何，今晚終於有機會一試了。我跟老婆去了荃灣的那間分店，店內設有外賣部份及堂食部份。我們進內堂食。我們叫了2個細的狗仔粉，一個牛的拼盤，肉丸拼盘。味道方面，狗仔粉都真係幾夠味，甚至可以講得上好濃味，愛濃味的朋友就最合適。狗仔份面不爽不淋，粗幼有如平日食的烏冬。至於其他兩款食物，味道也是很濃及辣，如果無叫飲品都會食得幾辛苦。但小食來講，都真的幾不錯的。

係荃灣睇完醫生之後，餓餓地諗唔到食乜，就會走去食街（路德圍）搵野食。自己一個通常唔想食咁貴，隨便搵間野食得飽，唔太差既餐廳食就可以，最後揀左呢間「十八座狗仔粉」。我去個時係平日12點左右，一入到去時仲有好多位，無過幾耐，學生同埋上班族放飯，成間舖滿座，好彩早左少少去到啫。細狗仔粉（$22)以家有好多地方都無粉仔食，就算有，好多都唔好食，但呢間味道比我想像中好，似我細細個食開屯門有間好出名既粉仔，係童年既味道呀。食粉仔最鍾意落埋菜甫食，愈多愈好食。如果喜歡嚐辣既，可以加佢地既辣菜甫，但都幾辣下。燒賣（$12/7粒）粉仔份量唔算多，怕唔夠飽可以叫多個小食。呢度燒賣蒸得夠淋，有麻油香，而且都算抵食。呢餐平平地只係食左$34啫，質素唔差，比想像中好，如果好似我咁自己一丁友唔想食咁貴，呢間都係唔錯既選擇。

吃過林昌記的魚蛋後，步至荃興徑一帶，這邊的食肆選擇更多，很難決擇。這時，老公被一般食物香氣吸引，抬頭一看，正是剛入選米芝蓮推介的十八座狗仔粉。狗仔粉，其實就是粉仔，是舊時代的街頭小吃，以下欄之物煮成，是港人的集體回憶。  店子不大，清一式長桌的關係必需搭桌，反正都是街頭小吃，不用立食已是萬幸了吧。看看餐牌，都是大路的街頭小食，只有狗仔粉、火鴨脾、火鴨翅較有特色。  先來黑白炸丸($13)，是豬肉丸、貢丸、牛丸、墨魚丸的組合。即炸的關係新鮮熱辣，脆身之餘油份也少。由於來貨的關係，味道沒有很特別，一試無妨。  細狗仔粉($20)上桌時已撒上蔥花菜甫，粉仔十分粗身，長短一致，是機製而非手工搓制的，風味稍欠，口感尚算稔滑。湯頭以冬菇、蝦米、骨湯、豬油渣熬煮，味道帶點鮮甜。這狗仔粉論味道和口感都只是中規中矩，惟有寄望桌上的菜甫能有更好表現吧! 只可惜菜甫該有的咸鮮爽脆還欠一點點， 而辣菜甫則以辣粉炒成，只能為粉仔添辣而已。 老公愛吃鴨脾，因此選了翅滾火鴨脾(下脾)($30)。$30就能吃上肥厚的火鴨脾確是吸引。來貨的鴨脾以以熱燙火鴨翅翻熱，令鴨脾掛上湯汁且帶點潤澤感，翅湯鴨香挺濃。鴨肉脂肪不多，