圍威喂 (荃灣廣場) (Closed)

荃廣有間泰菜好滋味，Lunch成日都同同事去食~ 想男朋友都試下，同埋都想知Dinner同Lunch有咩唔同，所以收工帶咗男朋友去食~「圍威喂」個裝修同佢嘢食嘅風格好唔同，嘢食好地道惹味，裝修好少女粉紅，成間打卡Cafe咁！聽同事介紹先知原來餐廳前身真係間Cafe嚟，「圍威喂」頂手之後沿用返以前粉紅Cafe個裝修，所以就有咗個咁特別嘅配搭！🧡泰式安格斯牛肉船河（$98）觀塘之前有間好好食嘅船麵，一直都搵唔到比佢更好食嘅，但「圍威喂」個船河超越咗！比船麵更好食，湯底更濃郁！魚皮夠脆夠大塊，無論直接食定係浸落湯度食都係好好食！ Lunch都有食過呢個船河，比Dinner平$30蚊，不過一分價錢一分貨，Dinner個份量就多好多，都值得返個價！🧡招牌泰皇蟹肉炒飯（$98）蟹肉足料，撕得夠碎，完全同飯融合，啖啖都食到有蟹肉，超滋味！🧡芭提雅的天空（$28）出於好奇嗌咗呢杯嘢飲，結果真係上咗個芭提雅的天空上嚟，個天好藍好靚！原來呢杯係豆奶飲品，甜甜地少少奶味，味道都唔錯！🧡經典檳城炒粿條（$68）呢個炒粿條係之前Lunch食，同事一致都認為好食，炒得好夠鑊氣好惹味，份量都唔少，同埋出乎意料地臘腸

見到間餐廳個名叫圍威喂好似幾得意咁，晏就又有lunch menu，幾抵食咁，就去試下。餐廳係食馬來西亞菜，lunch menu 都有好多款野食揀，好好既係佢仲有素食既menu，食素既人都啱食🌱野食係唔錯既但係餐廳環境真係嘈到爆完全傾唔到計😩一坐低已經覺得自己好似去左酒樓咁，勁嘈勁多講野聲碗碟聲。如果想快食個lunch既話絕對冇問題，但係如果想食飯同朋友傾下計咁唔推薦黎la。1️⃣經典檳城炒粿條（$68） 炒得夠鑊氣，而且唔算油。配料有啲芽菜、韭菜、蝦、蛋。粿條幾彈牙，上色唔錯，唔會太鹹，撈埋啲酸辣醬食味道再豐富啲😋  2️⃣娘惹喇沙湯麵（$68）喇沙湯麵麵底係油麵，入面有蝦、蛋、豆卜、魚蛋、通菜。湯底鹹左啲，而且冇乜椰香味😕不過勝在配料夠多，特別係魚蛋幾彈牙👍  3️⃣扎扎跳手打蝦餅（跟餐+$30）有兩大件，啱啱炸出黎熱辣辣，都幾厚肉🤤呢個好食。  

💙圍威喂 Wai Wai Wai💙總有一班friend每次聚都會食泰國嘢，唔知你哋有冇😂😂😂圍威喂拼盤正常。不過我欣賞佢係即叫即整，樣樣嘢食嘅時候都係脆同‘辣’口，咁先正。而且份量都幾多，小編最愛春卷，係中式春卷，有芋泥架🤤沙嗲雞肉串雞都幾嫩滑，唔會柴，又唔會‘鞋’口，同埋佢唔會每串得細細舊雞肉，食完好似唔多覺咁，而係每串勁大舊雞，好厚肉，食完會滿足。沙嗲醬係另外上，可以自己選擇點幾多。沙嗲醬幾夠味，但唔會辣，所以唔食辣嘅人都可以叫。經典檳城炒粿條呢個炒得幾好食，好有穫氣，味道好足，而且重點係真係炒得乾身。配料都係正常，蝦都有好多隻。完全冇令我哋後悔冇叫金邊粉。秋葵豆腐生菜包呢個大推，絕對要試，全枱人都覺得呢個好食。佢係好有驚喜，夠辣之如，泰國味好重，而且佢唔會令你覺得係食緊素。真心好好食。大家係要搶添😂然後小編就掛住食，偏偏冇影到呢個😭椰子雞湯呢個同出面既椰子雞湯味道唔太相同，係相對椰子味重好多，所以如果本身唔中意濃椰子味嘅人，就唔好叫呢個啦。 另外就係佢個雞，非常嫩，幾好食。入面嘅料都好多，唔會話每樣得細細份。飛天椰菜苗。呢個就真係唔係幾好食，大家可以唔洗叫。牛油果shake都係麻

好味指數😋😋😋😋回頭指數⭐️⭐️⭐️⭐️開心指數🤗🤗🤗🤗呢間店都開咗一陣子，同埋D同事嚟圍威喂下先～我哋叫咗幾樣嘢開心share!🍴青咖哩素菜豆腐碗白飯（$63）估唔到呢個係最好食，個青咖哩汁好得！咖哩味同椰汁味配合得好好，少少辣，蔬菜種類多，份量多，正！🍴海南雞飯配油飯+油菜（$68）海南雞好嫩滑，無骨，雞嘅份量呢就少咗少少，油飯好香雞油味，仲有馬拉盞響面，比起純油飯再高質咗D!🍴經典檳城炒粿條（$68）個黑醬油味甜甜的唔錯，入面有臘腸、蝦、雞蛋、芽菜、韭菜，濃味寶寶啱晒！🍴泰式菠蘿雞肉炒飯（$59）呢個相比之下有D比下去，唔係太多菠蘿，所以食落冇咩菠蘿炒飯有嘅酸香味，加咗酸辣汁會惹味D，後尾進化到加咗青咖哩汁食～🍴是諗旦泰式珍珠奶茶（+$14）茶底夠滑夠濃，想飲到泰式奶茶嘅香味都齊，唔嚡，沖得好好，珍珠煙韌冇痴埋，好味😋🍴冬陰公單骨雞翼（+$32）炸得好香脆，冇炸過火，個粉唔算好厚，不過個冬陰公味唔夠突出～🍴馬拉盞炒通菜（+$38）呢個鬼咁細碟😅 個味係唔錯嘅～整體上質素都唔錯，lunchtime 嚟講價錢合理，可以再嚟圍威喂下🤣

如題，真係唔係講笑...我明香港地少人多~但個座位setting真係唔係一般既迫...譚仔都闊落過佢......疫情期間嘛...無"1.5距離"，我同隔離位個個手肘差d掂到咁擠...even有塊版隔住都係咁話... (因為無1.5米啊嘛...塊版仲要係張枱既左右兩邊都要有啊............)食物方面都中規中矩有d有驚喜，仲偏大份...首先我地叫左個小食 - 秘汁脆皮燒白膳可惜燒得唔脆，仲好多骨再黎小食 - 冬陰公單骨雞翼，單邊都好大隻又脆， 食食下我地話好似M記雞翼中意食菜既我地仲叫左個金不換野菌炒秋葵，份量好多食極都仲有，正最後大大碟既經典檳城炒粿條，之前我地都無食過...要形容就係炒河炒咁~~最後我地仲叫左2杯野飲，檸檬甘蔗汁同柑桔話梅梳打，又係大大杯味道方便唔錯既，凍冰冰，男朋友特別中意個柑桔話梅梳打，夠哂酸喎!!!Overall okay既，除左........好迫之外..... (環境其實真係好影響整體用餐體驗)

❀ 圍威喂 #荃灣 ❀❗️全場爆滿 抵食大份泰國菜❗️——————————————————雖然荃灣真係有好多餐廳，但唔知點解每次去到都唔知食咩好😂行行吓見到呢一間泰國菜，有好耐冇見過嘅咖喱多士盒，而且裝修清新，亦坐滿晒人，所以決定試吓！後來發現原來佢哋荔枝角仲有另一間分店，整體味道都唔錯，價錢平平哋又大份，係間可以經常到訪嘅餐廳😆。.✷𝑀𝑒𝓃𝓊✷☞ 黃咖喱海鮮多士盒 $168 (4/5)多士盒比想像中細個，不過都算外脆內軟。有超級多嘅黃咖喱，係平時配上軟殼蟹嗰種咖喱，加入蛋花，偏甜香口但唔太辣，唔錯。建議大家可以加多個麵包或者白飯配呢個咖喱，因為剩係得個多士盒唔夠點晒啲咖喱🥰！.☞ 泰式鐵板蠔餅$98 (3.8/5)有一點較為遜色就係個鐵板唔係熱辣辣，明顯感受到係炒好咗隻蛋再擺番上鐵板上🙈不過有唔少蠔仔，而且都算幾大粒，加上大量芽菜，配埋附上嘅辣椒醬同埋甜酸醬一齊食，味道上係唔錯👌🏻！.☞ 傳統泰北燒黃油春雞 $148 (4.1/5)餐牌上寫明要等20分鐘，雖然等候時間耐啲，不過真係worth the wait，係全餐最有驚喜🤩。超級大隻雞，而且啖啖肉得嚟又嫩，表皮仲有少少香脆，以呢個價錢

荃灣廣場開了新餐廳，名字幾搞鬼，其實係食馬來西亞菜，來到不用等位就入座。 圍威喂拼盤(春卷，魚餅，蝦餅，單骨雞翼) $128小食味道正常，仲配有兩款醬汁，唯一係蝦餅有啲怪味，拼盤份量多。 黃咖喱海鮮多士盒 $168賣相吸引，切開麵包咖哩汁滿瀉，內有大蝦、青口等海鮮，黃咖哩味道不會過辣，沾落麵包食一流。 馬拉盞通菜 $78味道正正常常，陣陣鹹香，唔食辣既就岩晒。 經典檳城炒粿條 $98泰式炒金邊粉食得多，試下新野炒粿條，原來係類似河粉既朋友，炒得好乾身，有芽菜增加口感，連埋附送既秘製既醬汁，酸酸辣辣好過癮。 星空蘇打$32以檸檬香橙梳打配上蝶豆花，酸酸甜甜，十分開胃，加上顏色鮮豔，打卡一 流。