本延鍋物

Open Now

Now Closed

關東風壽喜燒套餐分咗3個等級 每份都包含肉類 綜合時蔬 飯 蝦滑同埋甜點🐮日本黑毛和牛A4套餐 $168壽喜燒湯底唔會太甜太鹹 平衡得好好肉類淨重120g 聽聞餐廳會選取牛牛嘅後腿肉和牛口感嫩滑細膩 牛味香濃油脂唔重 唔會話成口油好快膩 點埋新鮮雞蛋食又更加滑！🥬綜合時蔬有幾款菇菌 娃娃菜 油麥菜 紅蘿蔔 蟹柳 腐皮粟米同埋芋絲其中大大粒冬菇吸滿湯汁好juicy最最最驚喜絕對係碟蝦滑 超級彈牙而且唔似出面混入肥豬肉嗰啲而係純純嘅蝦膠 蝦味香濃鮮味🍵甜品係兩粒抹茶蕨餅Q彈煙韌嘅蕨餅沾滿抹茶粉微甜帶啲回甘 為呢餐畫上一個完美句號🤎

因深知XO仔午飯時間僅有一小時， 居九龍嘅Auntie M為咗要請細佬食晏，專登喺灣仔揀咗間新開嘅日式一人一鍋店「本延鍋物」。小店白色嘅門面鮮明搶眼，不難找到。牆上圓角木框嘅窗口有啲似太空船咁，好得意。正門凹入去嘅設計時尚獨特，途人行過都不禁會望多兩眼。門外展出嘅兩頁餐牌中英對照，簡單易明。午市只提供「關東風壽喜燒套餐」，包有肉、綜合時蔬、蝦滑、甜點、白飯；肉肉主食共有三款可選，分別為「特選牛板腱」（$168）、「日本A4黑毛和牛」（$238）及「上選日本豚肉」（$168）。用餐大堂一眼睇哂，簡約嘅裝潢及飾物流露出和風味。窗口旁有四個對住街嘅獨立座。散座中最特別就係左方同門口設計一樣凹咗入牆嘅兩組四人枱，不過因坐有貴客，小弟未有拍照。話明係一人一鍋，所以餐桌上每個位都設有一個電爐。落單後不久，服務生隨即送上熱鍋、蝦滑、蔬菜籃及調味嘅生雞蛋及芝麻醬。籃中嘅新鮮雜菜量足且款式多，有大冬菇、大蔥、秀珍菇、紹菜、皇帝菜、日式蟹柳、金菇、紅蘿蔔、粟米、豆腐、芋絲等，大多清甜爽嫩。配料中auntie勁欣賞爽彈鮮甜嘅蝦滑。跟餐有碗白飯，不過食客亦可加$15升級要烏冬。兩款牛肉主菜同樣切到好似紙張咁薄

個人真係超鍾意食壽喜燒😍呢間餐廳外面有一個打卡窗 就咁睇以為係cafe☕️入面採米白木系風 好有和式嘅感覺🇯🇵.📌關東風壽喜燒套餐(豚肉) $168午市只提供關東風壽喜燒湯底 晚市仲有昆布辣味湯同日式昆布上湯😝主食可能揀日本豚肉之外🐷牛板腱($168), 日本A4黑毛和牛($238)🐮套餐除左主食肉類120g之外 仲有綜合時蔬, 蝦滑, 飯(+$15升級做烏冬),甜點 真係夠晒豐富好飽肚🤩.平時壽喜燒多數都係食牛 今次就試下揀豬😎豚肉一碟大約有9-10片 份量比預期多💕肥瘦適中 口感幾軟滑 而且冇騷味😚再配埋生雞蛋汁 食落更多嫩滑🥚綜合時蔬入面有冬菇,金菇🍄大蔥, 幾片娃娃菜,生菜,火箭菜?🥬粟米🌽蟹棒🦀豆卜同芋絲, 全部都吸哂甜甜嘅壽喜燒湯底🍲壽喜燒湯底濃度啱啱好 配煙韌嘅烏冬/珍珠米飯都一樣咁正🙌🏻不過個飯濕左少少 冇乜咬口🤏🏻同埋冇日本米嘅香味🍚蝦滑幾鮮甜又彈牙 仲有啲蟹籽增加口感🦐最後仲有凍冰冰嘅抹茶粉蕨餅作結🍵食落好Q彈 但個抺茶味就唔夠濃苦 偏甜🥺但呢個價錢 性價比都幾高🤑