甜圓坊

Open Now

Now Closed

最喜歡食總匯QQ圓。桂圓紅棗雪耳糖水加珍珠，芋圓，地瓜圓，湯圓。芋圓裏面有啲芋頭粒粒，好味道。凍食，重會有啲碎冰喺面。真係透心涼。桂圓紅棗加雪耳，女人必食嘅糖水，食完總有一種覺得皮膚會變好的感覺。

我們第一次光顧這間台式小店，我是為了芋圓而來的，但原來除了甜品外，還有台式蛋餅、滷肉飯、油蔥拌麵及各式小吃如酥炸排骨等。我們大約等二十分鐘才可入座，點了一個嫩仙芋奶凍和一個總匯QQ圓。嫩仙芋奶凍 ～首先賣相已經相當吸引，材料也很多，有芋圓、紅豆、西米、仙草、薏米、地瓜圓、珍珠和湯圓。而且份量十足，口感豐富，價錢便宜又好味。這個滋潤養顏的總匯QQ圓，材料有雪耳、地瓜圓、龍眼、珍珠和湯圓。糖水甜度適中，價錢便宜又足料。

講到近年最受歡迎嘅甜品一定唔少得芋圓啦！今日同朋友去咗甜圓坊度食嘢，呢度除咗甜品之外，仲有其他唔同嘅台灣小食。我同朋友今次就叫咗台式雙拼蛋餅、招牌迷你剉冰同總匯QQ圓。餅皮非常有咬口，好煙韌，而且唔油膩。入面都係滿滿嘅肉鬆、芝士同蛋，十分足料。仲有少少葱花提味！整體口感同味道都好夾！下次一定要再食！之後就到迷你剉冰啦！佢既配料有成8款咁多(包括:西米、薏米、紅豆、綠豆蓉、湯圓、地瓜圓、芋圓同埋珍珠)。芋圓同地瓜圓非常煙韌！一啲都唔粉。個人認為兩個人食份量都夠，但啲冰食到最後就無乜味。勝咗芋圓同地瓜圓都好足！夏天嚟食更加一流！最後嚟到我今日既最愛！就係總匯QQ圓啦佢係將桂棗雪耳湯底再加珍珠、地瓜圓、芋圓、湯圓。非常滋潤！仲有得揀凍同熱！個人就推介熱食入面好足料！甜度可能微微偏甜，但個人認為啱啱好！呢款既地瓜圓同芋圓比起剉冰既係較為煙韌，無剉冰咁Q！湯底非常入味！

🐹肥老鼠被廣告所吸引，跟鼠友來買電腦順便試試這家的芋頭甜點，食個飯前甜品，呵呵店內有熱食，見不少人都叫了熟食，都是台灣菜。這家店有最低消費，每人二十元，基本上叫個甜品都過，叫過白飯（$10）加滷水汁（$10）也過綜合椰奶露，熱（$25）朋友叫的椰奶露很快就上枱，內面有芋圓珍珠小丸子西米，雖然個人覺得很不搭，不過朋友說還可以，椰香味都夠，一般般啦。總匯QQ圓，熱（$25）鼠友叫的總匯很養生的樣子，有雪耳紅棗杞子龍眼肉珍珠芋圓，真是很奇怪的配搭，不過這家店賣點是芋頭就算吧。似是甜甜的黃糖水，加上各種材料，一般般啦。招牌迷你剉冰（$28）等了很久，別人都食了一半才到雖然是迷你，但都相當大碗，一個人食真的會飽，有芋圓珍珠西米小丸子紅豆綠豆薏仁。冷底是黑糖味，上面倒了煉奶，光食剉冰也很有味。芋圓沒有什麼芋頭味，反而是綠豆紅豆配合起來好食珍珠就......放棄了總結一下，飯後口痕可以來試試，但就不要很大期待，只是一般的小店。想食有芋圓味的芋圓，就去深水埗另一家網紅老店吧🐹聽日一定會食到更好既野食既，你話係咪呀肥老鼠！

朋友介紹呢間食糖水，所以我地食完晚飯就黎左。原來呢度都有熟食食嘅，以台式食物為主，唔係淨係食糖水。不過呢度有別於其他糖水舖，因為佢唔係賣一般糖水舖賣嗰D，而係比較健康嘅，同埋有好多款QQ圓揀。入面環境好光亮，整體都乾淨。位就會迫少少，始終舖頭都唔大。全部糖水都好足料，$25好抵食呀！呢個雪耳比左好多，又唔會太甜，食紅棗補下身，幾好～呢個就係桂棗雪耳底，有埋唔同嘅QQ圓，好正架。黑糖薑汁唔會太甜又唔會太辣，啱啱好，連埋啲QQ圓一齊食，真係好正呢個好吸睛，有好多唔同嘅食材，但會食到好飽

深水埗多美食好多人都知，但想食道地臺灣野就好似冇咩，呢間甜圓坊正正就俾到道地既味覺俾我。今日同老婆路經此地，見門口排哂隊，就俾佢吸引左排埋一份了。等左大約10分鐘左右有位了，當然立即坐低睇餐牌叫嘢食。最後我哋分別叫咗以下呢啲：香酥排骨飯：用既飯係珍珠米，材料有滷肉、滷水蛋、大大塊豬扒。食落味道勁似係臺灣小店食既味道，豬扒熱辣辣，肉質鮮嫩，不鞋口滷肉同滷水蛋想當入味油蔥拌麵：蔥油份量剛剛好，不會太油太喊，麵既份量適合女士食用，滷水蛋入味，不錯不錯仙草紅豆撞奶；呢個好好飲，我個人十分喜歡！飲落奶味超濃，紅豆又夠林同粉，再加上仙草飲落口感滑滑的，口感層次一流！珍珠奶茶：珍珠奶茶正正常常，唔會太甜，不過不失桂圓蓮子甜湯：內含的材料勁足料，熱辣辣，飲落當然好好味，非常潤喉，仲要先$25，抵呀！總匯QQ圓：內含龍眼肉同薏米蓮子，材料非常足，飲落又係非常潤喉，熱辣辣，飲完一啖接一啖停不到。又係$25，這價錢同材料咁足真係係其他地方難找！總結：呢到無論主食，飲品同糖水都非常道地同出色，下次我會再黎試埋個小食鹽酥雞。價錢平民，用料足！值得去完再去！

呢間鋪頭喺屋企附近, 初初開張日日都好多人排隊. 最近開始小人, 行過見有位就入去試吓D芋圓. 店舖裝修簡潔, 但座位好迫. 2個人, 各叫咗1款芋圓糖水.嫩仙芋奶凍- 仙草好味, 唔係好硬, 紅豆好味,  芋圓同地瓜圓都好煙韌, 真係食到有芋頭同地瓜味, 其他OK. 覺得比康X好味.總匯QQ圓- 紅棗好香, 龍眼肉都香甜, 芋圓同地瓜圓都好味, 其他OK. 我個人鍾意呢款多D.缺點係唔夠凍(碗糖水係室溫, 完全唔凍, 冇雪過?)同份量小, 如果夠凍同加多D份量就好喇.  我見其他人食滷肉飯, 都係細細碗.

對於一個路痴的廚娘來說 ,如果遠離於旺市很多時在覓食當中都要找上google幫手、 今次也不例外見於網內看到一新的台灣小店子，但由於位置較為偏離於 平常旺市中心內， 一於帶著老花鏡尋尋覓看上地圖後、 在平時往市的地鐵出閘， 腳步往外走終於找到了。。。店子理應是台灣人過來開，由於路不熟所以路途上打個電話去店內查詢 、店員用以普通話跟我溝通大約要十二時半左右先開始營業， 到埗 剛好是十二時半 但原來客人已坐滿九分滿、 慶幸一人入座所以再找上位子也較為輕鬆~ 當日所見嚴重的缺乏人手落單, 由於樓面眼見只得一人， 所以有些客在等至不耐煩期間亦走上櫃位、在收銀處自行落單。。不急不忙的情形下我斯斯然的坐下身子， 等待女侍應有放慢腳步的現象下伸手輕輕招上、 果然侍應亦看到我的召喚便來到跟前, 眼見每枱都叫上滷肉飯 , 反之而當日便想吃上乾麵、 只可惜餐牌上的乾麵就只有(油蔥拌麵)HK$35. , 既來之則安之吧, 所以就喚來一個油蔥拌麵好了~上埸份量頗多， 不過賣相只是一般般 、有見自己在家做的可能外表還漂亮得多， 先夾一口麵質來試試吃 、麵身烹煮得不至於過稔， 不過所謂之油葱卻實在淡口很多、 不知