NUTTEA (海光街) (Closed)

第一次幫襯係新蒲崗首店，人地門面企理，員工態度又殷勤。今次呢間鰂魚涌店真係有待改善。差#1: 🤧 勁難開嘅玻璃趟門幫襯過都會明我講咩，度門其實好明顯日久失修，遲早有安全問題。另外，員工嘅私人物品周圍擺，貨又亂擺。差#2: 🤧 人手問題入到去，3點幾，得我一個客，舖頭有三位年輕員工，全部都冇戴口罩........冇人招呼，或者問我要啲咩。 其中兩個掛住食米線、傾偈； 收銀掛住睇外賣啲單。我已經講咗想要order乜嘢，但佢地零反應——— 我再講多次，收銀終於應我：「好，等陣。」之後收銀再同食緊米線嘅員工講：「有人網上落單。一陣要送20杯外賣！」講完照樣大家若無其事。我體諒佢多單，等啦⋯⋯⋯企咗差唔多近10分鐘，佢地咩都冇做，茶都冇整過一杯，佢先再問：「你要飲啲咩？」 真係曬晒人啲時間。好彩最後其中一位員工以5分鐘都冇嘅神速整咗飲品俾我。差#3 飲品好稀因為唔係第一次飲，之前喺新蒲崗店都飲過一模一樣嘅menu，但呢間分店沖嘅方式可能唔同，好似飲緊冰水咁，火龍果成份極少，好多碎冰。個啲nut cream比例同飲品差好遠，有圖有真相⋯味道真係好一般。

奶蓋同手搖飲品一向俾人感覺係高糖、肥同唔健康，但係今日去完鰂魚涌開會，經過呢間用堅果奶造既手搖，就完全打破呢個講法，佢係純素，用植物奶同五種堅果製造，含蛋白質同多種維生素，適合素食者、乳糖不耐症、同埋健身人士。今日同同事叫左繽紛火龍果奶蓋茶，同伯爵朱古力堅果奶蓋茶。好好味，估唔到可以健康咁飲手搖，一定會再回頭幫親！舖頭簡約舒適嘅設計，一睇就知用乜嘢堅果造堅果奶。繽紛火龍果奶蓋茶-火龍果好清新，仲有新鮮果肉，估唔到同堅果都夾，奶蓋厚滑濃郁，好似食緊雪糕咁！我冇打錯字，係真係食得既奶蓋！伯爵朱古力堅果奶蓋茶-朱古力同堅果奶係完美配搭，濃濃伯爵茶香再加淡淡堅果味，層次分明，出色！

繽紛火龍果奶蓋茶 ( $ 3 9 )粉紅莓好堅果奶蓋茶 ( $ 4 5 )已經聽過nuttea好耐 係太古坊一帶嘅辦公室樓下 lunch time都有好多上班一族尼幫襯 叫咗兩杯都係有星既推薦飲品 亦有無糖同小糖嘅選擇 👍🏻 我叫咗嘅兩杯都係無糖 味道有啲淡 所以相信真係冇落添加糖比我👍🏻嘢飲係好似類似沙冰嘅狀態 都係店員即叫即整 等咗10分鐘到就有得攞 除咗飲管之外 亦都有一隻小匙羹 等你可以不埋啲堅果奶蓋🥄堅果奶蓋係用五種唔同嘅果仁製成，合桃、杏仁、榛子🌰、澳洲堅果、同腰果整成。識落嘅時候榛子既味道比較突出。相比起平時飲嘅台式奶蓋飲品，呢個堅果奶蓋感覺上健康啲，而且真係非常飽肚。如果喺行過鰂魚涌，太古一帶返工，都非常推介去試吓🤩

現在手搖飲品大行其道，要在眾多鋪頭中突圍而出實在不容易。可是偏偏就對Nuttea這間舖頭頗為有印象，難得經過鰂魚涌就特意來朝聖一下。 Nuttea位於鰂魚涌海光街，地鐵站一出對面馬路便到達地點，方便就腳。Nuttea是全素茶飲品店，主打堅果奶茶，特別照顧素食者和對奶類敏感的人士。我們一行二人分別叫了伯爵朱古力堅果奶蓋茶和繽紛火龍果奶蓋茶。伯爵朱古力堅果奶蓋茶(⭐⭐⭐⭐⭐)這個可為舖頭的Signature飲品，差不多每名客人也會叫的。濃郁的朱古力奶蓋上配上一層薄薄的的可可粉。堅果奶蓋濃郁綿綿， 跟其他舖頭牛奶製奶蓋味道不相伯仲，而且還多了一層微微的堅果味，有一點兒像吃金沙。底下的伯爵茶甘香獨特，中和了奶蓋的漏，一個人也輕能完成整杯奶蓋茶。繽紛火龍果奶蓋茶(⭐⭐⭐⭐⭐)朋友叫的這個火龍果奶蓋茶也十分不錯。 奶蓋味道同樣濃郁可口， 配上味道較為淡的火龍果和綠茶，又是另一種不同的味道衝擊。而且火龍果本身十分有益，纖維豐富，幫助腸胃消化，絕對推介給現在注重健康的都市人。總括而言，這店鋪的出品價錢不算太貴，而且質素也在水準之上，下次經過也會再來試一試。~~~~~~~~~~~~~~~~~~~~~~~