Quiche Yoroizuka (Closed)

又一家日本過江龍。Quiche Yoroizuka佔據了超市內最佳的位置，這對凝聚人流起了一定作用。開張之初雖然亦見人龍，但跟當年的BAKE Cheese Tart相比，實在是小巫見大巫。傍晚前來，幾乎是不用排隊。在咸批、甜批之間選了前者。兩個咸批用同一紙盒盛載，即食會有難度。到手時有少許失望，不是暖烘的只是微温狀態，這對烘焙產品來說是大忌。．龍蝦汁蝦肉($35)．龍蝦汁不是說了算，而是能嚐得出來的程度，面層飾以蝦粒和野菜，雪藏貨色不要有太大期望。外層酥皮脆身，內餡蛋香濃厚，但整體偏乾油潤不足，若能新鮮即烘會是最佳狀態。．羅蘭士($25)．當龍蝦汁換上白汁忌廉，Quiche的味道更顯得平淡無奇，餡料是野菜、煙肉，口感偏乾身，可以不試。BAKE Cheese Tart退守二線後人流不及當年，不過論回頭指數，BAKE Cheese Tart會比Quiche Yoroizuka為高。兩家的出品同樣講求新鮮，其次就是味道，這兩方面Quiche Yoroizuka都較為遜色，即使佔有利位置也難大熱起來的。

裝修完既SOGO煥然一新，林林總總既過江龍店，實在花多眼亂行左一個圈，今次先買黎自東京過江龍既法式鹹批口味有法式焗洋蔥、香橙杏仁、龍蝦汁蝦肉、羅蘭士同可可農場朱古力。照顧了想食咸同想食甜既朋友望住咁靚既批以爲係真原來只係陳列品，仿真度極高呢岩岩食飽左所以就外買買番屋企慢慢嘆一開始以為要買四個先有盒，原來買兩個就有個盒了盒上好窩心地寫上加熱方法可以用錫紙包住個批，放入已預熱既焗爐焗3分鐘就可以了買左兩個批，一個係羅蘭士。即係野菜同煙肉批皮係類似酥皮，咬落去好足料，有青椒、菇類同煙肉等等，整體都幾夾，仲溝左D醬，尼個比較濕潤同唔乾。另一個係龍蝦汁蝦肉。蝦肉只有上面三小粒，下面都係龍蝦汁同西蘭花尼個批相比之下比較失望，餡料凹落去的而且個面望落去好乾。食到蝦肉粒粒都好乾，中間既餡料口感比較creamy，獨自食一個會比較溜左小小，期望過高

翻新後重開的 SOGO 地庫，有一間賣＂鹹撻＂的店鋪。玻璃櫃裡擺放咗各式＂撻＂，以鹹味嘅居多。試食咗一款名為＂羅蘭士＂的鹹撻，由雞蛋、野菜、煙肉製作，外皮酥脆，撻心有濃郁的滑蛋香味，夾有野菜同煙肉碎，層次豐富，好味呵😍