巴依餐廳

Open Now

Now Closed

記得以前係大陸新疆菜館食過羊肉手抓飯，念念不忘，搵下香港有無，得寥寥可數個幾間，咁岩出開港島就過黎試下😁食既時候係夏天，但都忍唔著叫個羊肉湯試下，好彩有嗌！真係好暖身好正！冬天一定要黎再飲！羊肉串大大串，咬落好香好夠味，好食！手抓飯不過不失，記憶中係大陸食既比較濕潤，呢到較乾身。羊肉份量唔多，下次會叫烤羊排試下。大盤雞無乜特別，我prefer食辣子雞或雞煲多啲😂😂身為新界人出到西環真係有啲遠，而且價錢唔平架！不過係一定會encall之選😊

之前睇蔡生網上介紹想試下，之後係openrice睇食評好壞參半，令我都猶疑咗一排試唔試呢間。之後機緣巧合下同同事經過，就試下呢間食晏。服務嚟講啲姐姐都算客氣，你話要5星級服務緊係冇啦，茶餐廳服務都有嘅。地方裝修都算舒適，一入到門口已經嗅到孜然味。叫咗烤羊腿（之前睇評語話晏晝冇羊腿，唔知點解咁次有，仲做緊特價🤔）、羊肉串、新疆拌麵、炒豆同酸奶。羊腿同羊肉串好食，重點係啲橙紅色調味粉度，加咗佢成件事清新好多，同啲羊肉脂肪香做到個balance同提鮮。炒豆都有鑊氣，拌麵就普通，最後酸奶真係yogurt 嚟，杰身的酸酸都ok嘅。可能晏晝去人唔係太多啲姐姐心情好啲？

平時喺車見到呢間餐廳覺得個位置好特別仲成日好多人終於的起心肝試試佢喺車度軟體唔知以為係舊式西餐廳🍴行個門口聞到好香肉味，再上網睇睇，原來係新疆菜見到佢好多招牌菜都係羊肉覺得10分適合凍冰冰嘅時候食啦由於我去係晚市嘅關係所以只有大份嘅手肘抓飯或者手抓肉麵咁我就叫咗份手抓肉飯個飯有好多香料同埋個羊肉好正亦都有再另外點咗羊肉串咁佢一份就有兩條鍾意食香料同辣嘅朋友可以將嗰個粉點喺個羊肉串上好有風味呢個土豆絲整體來講很好因為喺出邊唔少餐廳食過一係好酸、一係好辣、一係就好重味呢個各方面都平衡得好👍最後亦都點左兩杯酸奶唔會好甜，質感適中唔會竭身兩個人加埋食咗$450幾蚊不過個飯太大係食唔晒嘅，所以要pack返屋企下次多人啲要試吓三百幾蚊嗰個🐑🐐

朋友推薦嘅新疆菜餐廳，話一定要訂位先入到，不過如果你早少少打去訂位都冇乜問題，而家我見到有人都係差唔多六點佢即將開門嘅時候去排隊都入到去😌其實一直都好想試大盤雞，但係香港都冇乜新疆菜，難得嚟到西環就諗住試吓，由於我接受唔到羊嘅騷味，我喺入門口之前就已經同朋友講我淨係食雞，入到去之後唔覺得有羊嘅味道但係好重嘅孜然味同烤肉味。坐低我哋就嗌左一個大盤雞，一碟羊肉串（我朋友要嘅），同一個原味酸奶（幾一般，如果唔係特別鍾意酸奶嘅可以唔使試）。大盤雞好好食而且好大盤😂😂 我哋食咗一半之後佢就上咗一碟寬面俾我哋倒落去，個面佔咗啲辣嘅汁之後非常入味，跟住我哋開始後悔一開始食咗太多佢入面嘅薯仔。羊肉串實在係重點，作為一個唔食羊嘅人，竟然比佢嘅香味吸引咗，所以我決定試少少，點左好多佢隔離嘅孜然，最後發現佢完全吾騷只有烤肉嘅香味，最後我食咗一半❤️❤️❤️ 唯一嘅缺點就係太少，9X 得兩串。

聖誕節大部份人都會去食西餐, 而我偏偏去到一間較遠既餐館食中餐! 今次既菜式係新彊菜! 提到新彊菜不能少的就係羊, 我地一行三人選了個全羊宴!首先係傳統的羊肉餃子。一客有15隻, 少少羊酥味, 食既時候仲有汁的! 值得推介!跟住有羊肉串。跟之前食過的比較, 哩款羊肉串的size比想像中細, 香料都略嫌不足, 未能做到惹味既效果。熱愛麻辣既我當然不會錯過麻辣羊肉! 其實感覺有點像夫妻肺片, 麻辣既味道足夠, 但跟羊肉好似唔太夾。仲有燒羊鞍! 羊內煮得很稔, 燒汁味足夠, 味道配搭十分完美, 端上來熱辣辣的, 是不得不叫的選擇!