天山小館 (Closed)

新彊菜對我來講都幾特別，從來未食過，網上睇新彊旅遊vlog就睇得多。朋友係羊肉高度愛好者，呢間差唔多飯堂咁。我同埋其他兩個朋友都幾怕羊羶味，佢話啲羊唔羶，再加埋新彊獨特嘅香料，食完只會想encore，羶味係咩都唔會記得。老闆娘睇得出係好有異國風嘅新彊人，全晚都好熱情。我朋友成日來食，同老闆都好熟。食物真係幾好食，大量皮牙子（新彊話洋蔥），孜然其實唔係味味菜都有，手抓羊肉就俾咗碟仔孜然自己加，食幾多加幾多，都幾特別。

超愛羊肉米線或者對唔接受羊騷味嘅人嚟講，呢個唔好味，但京葱同羊肉粒爆炒之後，真係好騷好香，碗羊線食極都重有羊肉粒😋 好啱我胃口另加羊肉串燒，真係一流冬天食完暖笠笠，可以encore

喺香港食新疆菜嘅餐廳唔多，鍾意食羊嘅朋友唔會錯過任何一間。天山小館屬茶餐廳格局，除左新疆菜，仲有粵菜和川菜，價錢稍貴。第一次黎就主打食羊：羊肉餃一打($140) - 餃子大小適中，多汁多餡，都有羊味，但$140真係有D貴羊肉串4串($88) - 烤得剛好，不會太乾。羊肉餡餅4件(118) - 餡餅炸得香脆，餡料唔多，但仍保持肉汁。烤羊排4件($178) - 羊排肥美，燒得香口，配上孜然粉好惹味。手抓羊肉4件($258) - 羊肉嫩滑，煮得入味，洋蔥就比較生。限於羊肉本身質素，味道跟大陸吃到的仍有距離。大盤雞半隻($208) - 半隻雞黎講，雞件唔係好多，配料就有薯仔、辣椒、青椒。墊底嘅褲帶麵好煙韌，索晒D汁幾好食。

招牌羊肉米線（$65）每一個人嚟到餐廳必點嘅食物。羊肉同孜然配合得天衣無縫，湯底非常香濃，好食到根本停唔到，但食到最底實在太鹹，其實可以淡啲啲哈哈！欖菜肉鬆炒秋葵。秋葵應該有走過油，兩老食得非常開心。饢包肉（$238）雖然價錢稍貴，但店舖使用綿羊肉非常軟糯，配合外脆內軟新疆膠囊烤饢，三個人每人兩塊真係好飽㗎！烤羊肉串，四串起，可選辣同唔辣。新疆手工酸奶（$30）手工酸奶杰身不太甜，配合新疆著名青提子乾，非常適合啖啖肉飽餐後助消化之用。

下雨天黎到天后覓食，天后一向好多美食，香港食新疆菜既地方唔多，而我亦未食過，所有今日就黎到天山小館初嚐新疆菜。呢間餐廳除左有新疆菜之外，仲有川菜同埋粵菜。店內環境光猛，牆上有好多菜式照片可以參考，坐位闊落，坐得舒適。一坐低店員就即刻奉上熱茶。係我地睇緊menu既時候，老闆娘好熱情咁走黎同我地簡單介紹店內既菜式，亦推薦左幾款新疆菜式。menu內既菜式除左多元化，仲有好多選擇。最後我地叫左烤羊肉串、新疆手工拌面、水煮龍躉球、半份羊肉餡餅。男友本來想叫多個白飯，但老闆娘好友善咁提醒我地拌面都好飽肚，可以唔洗白飯都夠飽，建議我地真係唔夠食先再加單！呢樣野幾好，唔會由得我地係咁叫，叫完食唔曬又會做成浪費！烤羊肉串（＄20/串）烤羊肉串一叫係4串起，份量夠大，每塊肉都好大塊，用鐵枝串住，面頭佈滿孜然粉同辣椒粉。食落羊肉味足、唔騷、羊肉烤得好軟、重口味既我覺得可以鹹小小。羊肉餡餅（半份）＄50半份羊肉餡餅有兩個，一人一個岩岩好。餡餅外表炸得金黃色，咬第一淡好酥脆，而且唔油膩。食到有羊肉既時候有驚喜，好多汁阿！一路食d汁一路滴落碟到。羊肉碎有肥有瘦，加埋洋蔥碎係入面，調味剛剛好，羊肉一樣都係唔騷，好食