巴依餐廳

Open Now

Now Closed

要吃充滿大漠風情的西北菜, 我腦裡面就是西環的巴依, 以及土瓜灣的大漠. 可惜的是, 大漠在上年已經結業, 化為沙中線下的風沙. 餘下的就只有這裡, 而這裡在拿下米芝連的加冕後, 普遍食評也是說水準差了, 菜式價錢貴了, 就是所謂的米芝連後遺症吧!沒有太多機會可重送舊地, 但我依然記得烤羊腿的美味—在酥香的外皮下啖啖肥美的羊腿肉, 沒有太多脂肪, 但在肉汁和羊油的結合下, 依然甘香美味. 羊肉羶香而不腥, 好的羊肉就是這樣, 沒有羶味的羊不如不吃! 當然, 和友人喝著啤酒, 再吃下整隻羊腿, 不但只是霸氣, 更是一種Buddy-hood!大盆雞在未有如友緣小聚的陝西菜前, 也是這裡的獨家. 雞件嫰滑之餘, 在配上香辣而甘甜(因為有紅蘿蔔)的汁料, 更能提出其鮮味, 比起單純麻痹味覺的麻辣更得人心 l. 以粗麵放在底下, 更能吸收雞和醬汁的精華, 飯也不用吃.羊肉餃的爆汁, 又是另一個留得住我們的胃的菜式, 但我想知道現在這是否已經沒有了?

羊羊羊羊羊啊！今次一屋四人專程過黎西環食羊羊羊啊怪怪的喜歡羊羶味！餐前飲啖湯... 嗯... 實物豬肚湯同餐牌上張相差太遠喇！ 冇乜豬肚... 得啲水咁（失望）半北方人嘅我哋實在好鐘意食餃子！所以叫左二碟！好香嘅羊肉味 食落仲有少少筋，幾有口感！仲有手撕羊，簡單嘅醃料帶出羊肉本身嘅鮮味，再點上淮鹽（千萬唔好沾太多）除左羊之外... 我地仲叫左個辣雞（我估呢盤野真係用左成隻雞落去煮..... 因為食極都食唔哂），好惹味，最岩送飯，不過已經食左餃子... 所以最後要打包聽說呢間野係要預先訂枱架.... 所以要黎就要提前訂枱喇

睇見電視雜誌介紹黎食羊，都想黎試試，無兩年都有一年，一拖再拖，終於有藉口，終於可以試下這裡的羊餐。六個人，食唔到全羊宴，不過訂位果陣都預先訂左六人份量羊脾。平日的晚上，又唔係咩大日子，都唔少人，山卡拉都咁旺場，真係唔講得笑。睇見MENU，大部份都係羊，不過係不同既煮法，又叫幾款試下。先黎係冷盤，豆腐皮蛋，豆腐係正常野，唔洗介紹麻，皮蛋都正常水準，係穩陣野。食羊之前，黎既係雞翼，明顯即燒，熱得好緊要，調味係不俗，好BBQ風味，挺不錯的。接力係羊肉餃，皮薄薄，羊味強勁，喜歡食羊的，應該會很喜歡，係少有羊餃有這麼羶。炸羊架，有點似天婦羅的做法，不過羊先係重點，炸都會韌左，羊味無羊餃咁出，不過都比其他的地方好，都幾唔錯的炸羊架。羊肉包，皮硬硬，不過都算係咁樣，更地道的，應該係更硬。羊肉碎較為乾身，要點少少醬汁黎食，效果先會好少少。主角羊腿，係我面前分拆，皮少少脆口，想不到係這樣是有點驚喜的，肉質係腿既關係都唔會差得去邊，帶肥既部份係另一感覺，整體都係好唔錯的羊腿。食物挺不錯，是不錯的地方。