叁嘗 (Closed)

唔止主打西餐 連日本菜既卷物同丼飯都有🙆🏼‍♀️ 每日有幾款special寫係黑板度 聽店員講每款限定三份架炸😳 .▫️香煎鱸魚配白汁忌廉汁 $128限定款簡佐要魚😚 煎至焦黃色 啲魚食落好嫩滑 無乜骨 白汁忌廉汁加佐蕃茄粒 點黎食更香口 伴菜仲有蕃茄仔 蘆筍同薯角～.▫️美國牛板腱丼配溫泉蛋 $138另一款係配薯條 但想試下佢既丼飯🙆🏼‍♀️ 本身個飯已經有葱花沙律菜芝麻粒同醬汁 個醬甜甜的撈埋隻蛋食就perfect啦😚 牛板腱已經切好一片片 厚度適中份量都頗多 燒得剛好 肉感都好嫩同帶點嚼勁 無乜特別調味所以肉味更加出～.▫️elderflower & lime cider $48店員推介所以就吸引到我試下🙈 好少地方飲到所以幾特別 加佐青檸既蘋果酒 甜度適中 好易入口 飲落好清爽 仲有陣好香既接木花香味😍.總結，店員服務態度好好🙆🏼‍♀️ 好難得西式同日式既選擇都有 食物質素都唔錯 又唔算太貴 見佢啲卷物都好似幾吸引😚 同埋支酒真係幾好飲🤭

話說，上星期和朋友來到這間新餐廳吃晚飯，新店地方不算大，但環境乾淨企理，食物質素好不錯啊！我們首先點了明太子雞翼 ($58)，三隻脹卜卜的雞翼，外皮煎得香脆。咬開可以看到大量明太子，雞翼夠juicy挺好吃。之後就是我當晚最喜歡的美國牛板腱丼配溫泉蛋 ($128)，牛肉份量比想像中多很多，每塊又大又厚，晚飯價錢$128，性價比好高。牛肉肉質夠稔，中間呈粉紅色的，吃下去也吃到挺濃的牛味。溫泉蛋好流心，蛋漿撈飯正~Close-up再看一下牛肉的厚度☺️。另一碟主食，則是欖油蒜片蕃茄露筍扁意粉 ($72)，意粉炒得好香，又不會太油膩/太咸，簡單但好吃的。最後，試試以店名命名的叁嘗卷 ($128)，即是有辣味呑拿魚、炸蝦及牛油果的粉紅色卷物。炸蝦一點也不馬虎，外皮香脆肉質爽口，辣味吞拿魚的辣醬好吃。總括而言，覺得小店很有誠意，難得新開業就可以做到每樣都不錯吃，會再訪的。