捌哥‧馬拉籽

Open Now

Now Closed

今日同朋友嚟到大圍嘅馬拉餐廳 捌哥‧馬拉籽，係大圍站行過去，大約5分鐘左右就到，位置好方便👍 而且午市套餐份量都多，仲跟埋飲品，以後嚟大圍食嗲嘢有多個選擇啦！✨肉骨茶大滲食馬來西亞菜，點少等肉骨茶呢～呢度嘅肉骨茶香濃之外，仲超級足料！有一字骨肉、腩肉、豬腳、雞腳、豬肚同豆卜等等，份量十足。腩肉入口嘅時候，啖啖都有肉骨茶嘅香味呀，唔會覺得肥膩呢😋✨娘惹喇沙喇沙湯底濃郁，材料豐富，麵底仲可以根據喜好揀油麵、米粉或者滲滲，夠晒惹味！✨我知你啦薄餅配娘惹咖哩雞薄餅柔軟煙韌，配埋有少少辣嘅咖喱汁，惹味香口，如果有多啲就正啦🤤✨老鼠粉深啡色嘅老鼠粉味道啱啱好，口感嫩滑，上菜個彈已經聞到好香，配埋炸蒜、蝦米、肉碎、魚乾同豬油渣，份外美味！✨咖央多士咖央多士香脆美味，食落外脆內軟，酥脆得嚟唔會太甜。

一路都好想試呢一間餐廳，因為我好鍾意食馬來西亞菜😋今次下午茶過嚟，覺得好抵食🤑老鼠粉其實就係銀針粉碗粉有肉碎， 五花腩、豬油渣、魚片食之前要撈勻底嘅醬汁，其實個味就係甜豉油加埋胡椒粉同埋蔥花，好惹味😋不過食到最底，因為太多甜豉油，會覺得好鹹😣怡保白咖啡有好多泡泡，感覺好正宗其實叫咗少甜，不過都覺得仲係好甜不過飲得出係超濃郁，鍾意飲白咖啡嘅朋友唔好錯過🤭另外，要一讚嘅係老闆服務態度好好👍🏻菜式：- 老鼠粉+怡保白咖啡（下午茶）：$46味道：🤤🤤🤤🤤/5性價比：🤤🤤🤤🤤/5