REFLECT Restaurant & Bar

如果唔係成班朋友聚會，有人推介呢間旺角天台手工墨西哥fusion酒吧😆都唔知有呢度！環境好靚，大大個鏡面酒櫃，非常有現代感！肉眼牛扒$328係是日推介，真係超高質!!!落單嘅時候揀咗五成熟，牛扒已經由職員切好，仲係粉紅色好嫩滑，油脂分布平均，色澤同埋相都係一流！配埋沙律、薯條、大啡菇同蒜頭，真心覺得係誠意之作，有質素得嚟唔貴！秘製燒墨魚$128超大份每條墨魚腳粗過手指🫨本身以為好靭好難咬，完全唔係嗰回事，反而輕輕切開唔會好難咬！上面落咗少少孜然粉，有少少香辣味！墨魚肉醬寬條麵$188呢間餐廳俾我想像性價比高，呢個闊條麵嘅份量勁多四個人share都夠食，啱啱送黎時候我以為係落錯單變咗意大利飯🤣因為佢啲肉醬汁好多，夾夾吓先見到原來係闊條麵。入面肉醬有好多，大大啖係咁食🍝

旺角西洋菜南街原來開咗間手工墨西哥料理，仲有啲戶外座位幾好feel。星期二晚同個朋友去試，餐廳都幾full，所以唯有坐bar枱。我同朋友叫咗3樣野，人均大約$350，份量啱啱好🌟秘製燒墨魚墨魚切成細細件篤成一串，充滿孜然粉，味道香得嚟帶有少少辣，食落好惹味，而口感非常爽口彈牙🌟燴牛面頰捲麵牛面頰用紅酒、香草煮成，肉質好淋好入味，個醬汁亦夠哂撈勻落啲捲麵，而啲捲麵係手工麵，食落特別煙韌，呢種意粉我第一次見🌟肉眼牛扒叫咗medium rare，塊扒煎到果個效果，而塊扒牛味幾香濃，肉質幾嫩滑，我覺得配果個燒汁食好夾，令味道提升呢3樣野食我都好滿意，值得下次再黎

今日黎到位於旺角既一間墨西哥酒吧餐廳食手工墨西哥料理🤩分左室內同室外座位，室內仲有個酒吧area同吧臺🍸環境佈置都幾有格調幾有feel😌🥂餐牌方面分左沙律、湯、麵類、主食、小食、薄餅、甜品等等🍴✨仲有唔同cocktail, mocktail, wine, champagne……🍹🍻🥂🍷🥃🍸🍾今次點左個pasta、main同小食，仲叫左杯mocktail試吓，最有驚喜就係個墨魚肉醬闊條麵🍝佢由慢煮墨魚🐙蕃茄醬、手工意大利闊條麵製作而成，醬汁沾滿起麵條上🤤鮮味香口非常好味，而且最鍾意闊條麵既口感好又有咬口🥰另外main點左個肉眼牛扒都唔錯😋佢係炭烤澳洲草飼牛排🐮仲配左炸薯條、蔬菜、蘑菇、蒜，叫左五成熟🥩上臺時已切開一片片，牛扒中間仲係粉嫩🤤咬落多汁帶點嚼勁，點埋個賓尼斯汁更加好味🥰👍佢地既小食同Mocktail 都相當唔錯🤩小食叫咗手工單骨炸雞翼🐔配左個薄荷乳酪醬，雞翼熱辣辣香口酥脆😻🫶🏻🍸 Mocktail叫左杯Fuzzy Fuzzy都幾好飲😋由荔枝、蜜桃、青檸製成既梳打，清新好飲，果味配搭得宜，十分推薦👍

Reflection內外嘅裝修都比人一種時尚感，未嗌野食已經對餐廳幾有好感！個吧枱好靚架！我地主菜嗌左Rib Eye Steak,係來自澳洲草飼牛。五成熟控制得勁好，除左顏色完美呈粉紅色，肉質係超軟嫩好好食，又無咩脂肪位！😍Butcher Pizza帶少少辣，材料包括碎牛肉、辣肉腸、火腿、洋蔥、黑椒。由其鍾意佢個特別嘅批底，係由一層層脆薄批疊成，咬落好香口又好有層次感架～兩杯cocktails: Berry Slush , FrioBerry果杯由三種莓類製成，仲要係沙冰黎🤓另一杯就清清地係jasmine茶底

餐廳嘅裝修都係用咗Reflect，例如門口位置、天花板，所以bar枱既位置好啱打卡，聽聞過多幾個月會有埋室外嘅位置😋服務態度好好而且佢哋都有推介佢哋比較出名嘅菜式+飲品-🥩肉眼牛扒熟度啱啱好，牛扒配賓尼斯汁係絕配，配料有大蒜🧄、大啡菇，極之推介一啖大蒜一啖大啡菇再配牛扒，大蒜煮到好軟糯，好似食緊薯仔，只有淡淡既味道，就算小編平日比較抗拒都覺得不得了，大啡菇咬落口爆汁好juicy💦-🍕燒烤雞肉手工pizzaPizza底偏薄但脆口，味道醃料味道濃郁，芝士份量都頗多但唔會好膩😋