有口福 (Moved) New Location

今次同朋友一行二人行開九龍城, 去左依間做川菜嘅餐廳-有口福,依間餐廳位處於衙前圍道,係一間大街地舖,一啲都唔難搵,行過一定見到, 依間餐廳的食物水準都幾高下,價錢亦都好合理夠大眾化! 食過之後我覺得有幾道菜做得特別好,想同大家分享下, 就係以下幾道菜.麻辣牛肉 $48依道麻辣牛肉係配上咗芝麻,芫茜,同埋青瓜.  牛肉切工很好,夠薄,牛肉夠味有咬口! 麻辣適中, 呢道菜佢唔會因為太辣食唔入口,亦唔會因為太麻令到個嘴有啲麻痺嘅感覺!油浸海鱸 $178千祈唔好俾呢道菜個名呃左,油浸海鱸-聽落去好似用好多油去浸條魚,但其實呢度菜係非常之好味,話就話有油, 但食落去完全唔覺不油膩,廚師應該係先用乾粉炸過條海鱸,所以條海鱸個皮係好脆!海鱸唔係好多肉嘅魚,但肉質好實,淨好鮮甜! 配合薑同蔥在加埋啲唔太鹹同唔太甜嘅豉油感覺恰到好處!生炒菜心 $52呢道菜廚師用左菜心,蒜頭,肉片去炒. 呢道菜做得好好,唔會太油亦唔覺得太鹹,菜心十分之新鮮爽口!脆椒雞軟骨 $88呢道菜係廚師嘅推介,十分之好食! 第一眼望落去個賣相好似好辣,但其實食落口就知道佢係啱啱好,唔係太食得辣嘅人都應該食到嘅! 呢道菜主要嘅用料分

今晚同朋友嚟食川菜，嚟到先知原來川菜烤魚又叫做諸葛烤魚，咁不如就叫個試吓啦！店員推介烤龍躉, 因為比較少骨, 啱晒我呢D懶人啦!先嚟支天地一號(蘋果醋)-($36), 個名好似好勁, 味道呢都幾好, 唔會太酸, 有少少氣 , D氣又唔會勁到似飲汽水咁, 唔駛飲到個胃漲晒食唔到嘢呀嘛.小食拼盤 - 海蜇絲同手拍青瓜都夠晒爽口, 尖椒皮旦唔算好辣, 加埋芝麻芫荽好香口.店員推介脆椒雞軟骨($88), 話D辣椒可以食埋好脆口, 其實我都係半信半疑, 心諗咁鬼辣, 又炸到油淋淋點食呀?! 朋友話想試, 咁不防搏一搏啦! 嚟到一試, 果然無講大話喎!! D脆椒真係好似薯片咁脆又唔會辣, 重點係一D都唔會油淋淋喎!! 雞軟骨都相當香口, 好快就比我哋清晒啦!!好啦, 主角諸葛烤龍躉($538)上場啦, 我哋揀咗酸菜味, 除咗酸菜, 見到有不少孜然粒同芫荽, 令香味更加提升不少!  湯汁唔會太酸或太辣, 咸淡適中.原條龍躉果然啖啖肉, 肉質結實嫩滑, 魚皮帶點點膠質感覺, 腩位入口滑而不膩. 食到差唔多, 我哋再加咗火鍋料落去吸收日月精華!! 新鮮淮山本身無咩味道, 最啱用嚟配搭濃味食物, 煮到D淮

今晚相當有口福，因為有幸被兩位朋友請客到「有口福」食我最愛嘅川菜。 店舖門口貼滿了廣告及餐牌，全部也是我最喜愛的川菜菜式。 點菜時真的花多眼亂，當我們感到極度迷惘時，老闆娘推介了他們的招牌菜 一 諸葛烤沙巴龍躉，既然極力推介我們當然順從並選了酸辣口味。 烤魚未到之前，我們先品嚐了三小涼拌醫一醫肚。 尖椒皮蛋：皮蛋晶瑩、不太辣手拍青瓜：帶少許酸辣令人食慾大增海蜇絲： 夠爽口店主還推介了另一個開胃小食脆椒雞軟骨，這菜賣相吸引，一試難忘！有點似辣子雞的做法，但吃過幾次坊間的辣子雞，不是煮得太乾就是雞粒縮到很細小，還要一粒一粒咁摷出來吃，這碟雞軟骨卻大大粒清晰可見，不但非常有咬囗，而且啖啖肉不用𦧲骨，店主說所伴用的脆椒也可以吃，抱着戰戰兢兢的心態試了一粒，果然不太辣而且十分脆口，之後就一粒接一粒停不了口。 當我們幾乎消滅了全碟雞軟骨後，主角終於出場。 可能是order 了酸辣的關係，不像平時吃到的重慶烤魚般佈滿了紅椒，但正正因為沒有又麻又痺的感覺，所以既可以真正品嚐到龍躉鮮甜味道，又不失酸辣帶來的惹味，這條龍躉貨真價實，肉質相當新鮮爽脆，魚皮膠

九龍城一直比人既感覺只有泰國菜館，其他菜式好似比人冷落左咁，所以今日一場黎到九龍城決定要試川菜！ 呢間有口福外表睇起黎好似茶餐廳，但估唔到食物既質素唔會好似茶餐廳咁馬虎。一坐低得我同朋友已經立即研究餐牌，麻辣雞煲，胡椒豬肚雞煲都好吸引, 有選擇困難症既我當然要問下老闆有咩好介紹,最後我地點左小辣雞煲。必點菜式：脆椒雞軟骨 $88經老闆強烈推薦下，我半信半疑地點左。整碟小菜賣相討好，雞軟骨炸得金黃，咬落酥脆香口，帶咸香，最適合飲住啤酒食！而本以爲紅椒會辣，但原來唔會，紅椒炸到好香脆，好似食緊薯片咁。麻辣雞煲（半隻）$158+豬脆喉骨$68呢間店有好多好有特色既火鍋配料，一見到豬脆喉骨，即刻問老闆好唔好食！老闆話喉骨脆口特別，最好叫雞煲既時候點埋放入煲中同雞一齊煮，會令雞煲特別鮮甜。半隻雞既雞煲份量十足，足夠兩人開心分享。湯底香濃偏咸，小辣容易入口，雞件大小適中。煮好時急不及待試試豬脆喉骨，一款係圓筒形只有脆骨所以十分爽脆，另一款係脆骨上帶肉，肉質非常嫩滑而入味，連埋脆骨一齊食好有口感。呢個脆骨我都係第一次見，咁特別大家黎到記得一試。響鈴另一款必點配料-呢度既響鈴係自家製，份外酥化，簡直有

今日聖誕節，普天同慶，一街都係人，間間西餐廳都爆晒棚，本住人棄我取嘅精神，今晚決定食雞煲過聖誕。平時呢度好難搵位，係趁今晚先BOOK到枱。清炒萵筍絲$58朋友仔未齊人，先點個萵筍絲頂肚。呢樣嘢好多川菜舖都有，但真係易做難精。萵筍絲未熟透，偏鹹同油膩，知錯喇，下次唔敢再叫😥脆椒雞軟骨$78特式小菜，將紅椒油炸到脆身，食落似薯片咁脆，雞軟骨惹味，送酒一流。👍麻辣雞煲$268今日嘅主角。雞件啖啖肉，非常鮮嫩，汁底惹味濃郁，而最驚喜係竟然用青瓜條做配料，青瓜完全吸收晒雞煲嘅精華，而且皮爽肉甜，簡直係絕配！雞煲湯底正，連隨後加湯用嚟打邊爐都一樣出色。