No Money So Lonely

Open Now

Now Closed

又係我又係我呢個瘋狂蟹粉🤣🦀🦀🦀人人都嗌的啖啖蟹肉擔擔飯$138蟹肉非常豐富飽滿🦀配搭花生醬花生粒🥜口感層次更多元化～味道獨特～強烈花生醬味道🤏🏻稍為有少許喧賓奪主無左蟹味🥲，更適合熱愛花生醬朋友～食完個飯其實都有啲飽，可能花生醬真係有啲滯... haha 之後黎個慢慢切既沙律🥗🥗燒八爪魚耍你慢慢地切沙律 $128🐙八爪魚又真係幾長，大大隻，唔單止要慢慢切，仲要慢慢咬～燒得過左火，好煙煙韌韌～不過，配料醬汁就好好味，成盤沙律菜食哂🥗🥗脆炸五花腩 $128五花腩係我腦海中係超肥超多肥肉，望到就滿滿既油膩感唔想食！玩味cafe真係特別唔同，上碟個下，以為送錯餐比左塊乾煎豬扒我🫣點知原來係豬扒咁大塊嘅五花肉～一食咬落去，油脂出晒嚟，好juicy，今次真係濕哂啦，真係唔好比佢外表呃到！肥～油～真五花腩🤭🤭

行街發現一間好靚仔嘅打咭餐廳🤩旺角TOP Shopping Mall屬於新一代年青人流行嘅潮流商場，4-5樓有幾間餐廳，其中一間就係呢間新派泰菜fusion餐廳-No Money So Lonely餐廳分開咗幾個舖位，而每一個舖位嘅裝飾感覺格調都唔同，擺設同傢俬都好型好特別，今次我坐嘅位置就猶如置身懷舊冰室，連餐牌都有特別設計，啱曬年輕一代嚟打咭！睇睇吓發現原來菜式嘅名稱都別有一番心思🤭 玩味十足。泰鐘意青檸凍的蜆 $88呢個菜式做頭盤小食就啱曬，凍蜆配上嘅泰式醬汁有少少酸少少辣，加埋有少少香茅嘅味道，清新開胃。脆炸五花腩 $128呢個要推薦🤩 五花腩醃製咗二十四小時再炸，入曬味之餘仲好酥脆，好好味😋腩肉偏肥，不過沾上特製醬汁可以解膩，而且伴碟有大量沙律菜🥗 偶然都要放縱一下自己😌火山黃咖喱·唐揚炸雞 $198原來係用薄餅+溶岩芝士造成一個火山嘅模樣，配上法包多士，好新穎同埋豐富嘅菜式😋 其實我幻想切開個火山應該係流心咖喱汁🤣 估唔到打開火山入面係滿滿嘅雜菜，火山皮係薄餅，同芝士一齊食好好味。粉紅色的火烈鳥🦩 $48睇個名完全唔知係咩嚟😂 其實佢係自家製新鮮草莓果醬+薄荷葉+玫瑰嘅So

✨黃咖哩軟殼蟹比薩 $忘記了～呢個好食！黃咖喱味好濃好濃～仲有牛油果、軟殼蟹on top～配以薄脆嘅pizza底，值得一試～🔹人人都嗌的啖啖蟹肉擔擔飯 $138比想像中覺得一般期望佢浸擔擔味再濃郁啲🔹脆炸五花腩 $128有點失望～食落似炸厚切排骨多啲( •᷄⌓•᷅ )食落不是脆卜卜香口個種而係較油膩軟身嘅炸物✨芒果椰奶沙冰 $52好飲！不過略嫌椰奶味唔夠濃～✨士多啤梨玄米奶昔 $58呢杯好正～玄米茶奶蓋味道好出不過甜同士多啤梨估唔到咁夾！整體嚟講款式特別，但味道不感驚艷而且份量不多，性價比偏低～*✨為私心推介！✍🏻Overall：7.7 / 10

➼ 泰式肉碎豬頸肉比薩佢個餅底屬於少少脆嗰種，豬頸肉都正常發揮，好彩唔係好靭嗰種👍🏻加埋有少少辣嘅泰式肉碎，都幾惹味！不過Overall都係正常水準，唔算係好Impressive🤔➼ 脆炸五花腩見好多人話好好食，就嗌咗個試下🤔老實講，我個人覺得冇啲人講到咁正，首先佢外層個炸粉偏油同有啲燶燶哋（可能係我唔好彩姐！），咬落去會有淡淡哋嘅苦味，不過都可以接受嘅。五花腩肉質幾腍👍🏻可惜食咗幾件就開始覺得漏了，建議如果要試嘅話，多啲人Share就更好，因為其實都幾大份下！➺ 小分享：環境尚算寬敞，都坐得舒服嘅👍🏻但啲Staff好似唔係好知自己做緊乜，尤其係我入去想拎位嗰陣，門口又冇人，有啲不知所措之際想搵個人問下，終於有個人理下我，但佢第一句竟然係問我：「做咩？」🤷🏻‍♀️ 其實當下有啲忟憎，但之後諗返又覺得幾搞笑🤣