蛇王二 (Closed)

移居海外的朋友回港一聚，離港之前，就是把持不住要吃一頓蛇餐，所以連同小人三個前往蛇王二是也。我們抵達時店內十分多人，需要搭枱，不過也沒所謂，反正地方也算乾淨企理。一個套餐包括1碗蛇羹、1碗燒味/臘味飯以及1碟油菜。蛇羹也算足料，蛇肉不少，而且要求多些薄脆的話，店員亦十分慷慨地樂意提供，態度正面。別看燒味或臘味飯就只有肉跟飯淋一些豉油很齋，事實上單是這樣已經很和味！叉燒香甜帶肉汁；膶腸更為出色，腸衣是脆的，咬破時中間的油份在口腔裡滲出時，那種香法簡直令人難以抵擋！臘味糯米飯的臘腸和膶腸皆很美味，糯米飯夠香夠煙靭，只是略嫌臘味太少。灼生菜亦不是多，相中已是三個餐的份量，蠔油下得勁多，鹹了些。總體來說是滿意的。

天氣咁凍，特登買蛇羮同糯米飯俾阿爸阿媽食，知佢哋話夠補身蛇王二喺銅鑼灣都好出名，做咗好多年絕對係老字號。門口大大個牌掛住臘味糯米飯，相信店家對佢哋嘅糯米飯非常有信心。一早已經打算買埋蛇羹所以當然就叫套餐啦！外賣拎到俾阿爸阿媽食仲熱辣辣，蛇羹入面有好多蛇肉，而且唔算韌。鹹度和稀杰度亦都適中，媽咪話好足料，食到舐舐脷。臘味糯米飯真係毫不吝嗇有一條臘腸同一條膶腸，糯米飯嘅軟硬度亦剛剛好，加上蔥花同埋花生粒超正，阿爸食得好開心。$110一個餐，蛇羹同糯米飯都唔算大碗，但質素高，屋企人家食得開心，個身同個身夠暖就乜都抵返曬。

心血來潮, 好想食臘味糯米飯, 咁啱去開銅鑼灣做facial, 我知呢間都開咗好耐, 但無幫襯過, 因為每次經過都好多人. 做facial前經過, 6点半左右, 見到排晒隊, 諗住做完如果要排的話就打包. 到我做完facial, 7点半左右, 又無咁多人, 咁我入去又有位, 即刻坐低啦.去到食蛇o既地方, 點都要叫嚟試試. 我叫咗個蛇羮餐, 有蛇羮一碗, 臘味飯一碗, 蠔油生菜一碟, $106.最先嚟o既係蛇羮, 好足料, 仲有d菊花喺面(因為平時會食開檸檬草), 感覺几新鮮. 仲有小小脆脆. 個招牌蛇羮一d都唔hea, 啖啖肉, 對鍾意食蛇o既我絶對滿意.之後上咗個我期待以久o既臘味飯同生菜, 個臘味飯d料都多到你唔信, 每一羮都實有料, 唔會淨係得糯米飯囉. 好過好多其它食市淨係糯米飯, 加臘腸或膶腸另計, 仲要收廿几三十蚊.  蛇王二就用料充足, 你會清晰見到臘腸,膶腸及其它配料, d糯米亦唔會痴埋一pet. 食得開心.個生菜就只係一碟普通o既生菜, 不作評論. 但食晒成個餐連我都覺得飽.d侍應服務態度都唔錯, 人流亦非常之密. 所以要唔介意同人搭枱. 總括嚟講我都覺得食蛇o同糯