遇見您

Open Now

Now Closed

今晚睇到超級月亮又食餐飽飯。餐廳名好有意思，裝修係西餐廳格局，有開放式調酒間，祖母綠色梳化同櫈，驚喜主打菜竟然係泰式火山排骨、焗豬扒飯同港式炒飯。讚一讚：火山排骨可以揀大細份。細份有三件骨，三件都超大，其中一件係巨型。調味好岩口味，伴以大量蔥、蒜、芫茜、乾蔥，碟底個汁香又惹味。同埋係唔辣㗎，唔食辣嘅朋友都可以試下火山排骨啦！！肉軟嫩，係骨頭之間用叉輕輕一刮就食到，亦有提供膠手套俾你做手撕庖丁。蕃茄焗豬扒飯香噴噴熱辣辣，面頭佈滿芝士，豬排厚切多汁，飯粒濕度剛好，被鮮茄醬和芝士包裹住，一啖接一啖。牛肋條黑松露蘆筍炒飯，味道同經典港式炒飯一樣有鑊氣，飯底粒粒分明。蘆筍切得好碎，反而係配角；黑松露同牛肋條咸香突出，令成碟炒飯好生色。好飯之友試下，因為呢度啲焗飯同炒飯嘅飯底都係水準之作。

上星期在街上遇到個foodie朋友～見大家得閒🤪我哋去咗土瓜灣一間西式小餐館🤗食物賣相好似唔錯咁😜決定去試吓🫢🫠自家秘製火山骨（細份）必試之前在泰國🇹🇭時候已食過🙈在香港都食到🤗啲骨超大嚿同埋砌到好似一座山咁🙈～肉質嫩滑🫠再配中式醬油進食好惹味😝芝士鮮茄焗厚切豬扒飯呈現出外脆內嫩、芝士🧀焗得濃郁香滑，而且具有清新酸甜味道👅牛肋條黑松露蘆筍炒飯牛肋條嫩滑多汁，黑松露的香氣濃烈，再加上蘆筍的爽脆～令人有一種獨特的風味🤗飲品配兩杯檸檬茶整體來講～價$中等🙈算好抵食～環境坐得舒適同好寧靜🤞🏻

呢晚喺土瓜灣遇見呢間叫做遇見您嘅小店 擇日不如撞日 咁難得遇見 就入去食個晚飯😂野菌忌廉酥皮濃湯配松露油呢個係店員推介 果然冇介紹錯🍄 入面嘅野菌忌廉湯真係好濃郁 一切開個好香牛油味嘅酥皮嘅時候 入面嘅菇味衝晒出黎🥰 口感豐富 入面有一粒粒嘅野菌粒粒 鍾意飲蘑菇忌廉湯嘅朋友一定好滿意🫢藜麥低溫雞胸沙律藜麥沙律份量都幾足夠 入面除咗有蔬菜同埋藜麥之外 仲有洋蔥 車厘茄 青瓜🥒 所以食落口更加清新 就係隔離嘅低溫雞胸 size好大 而且入面仲keep住好多肉汁 係一片好嫩滑嘅雞胸肉🐥 自家秘製火山排骨係店鋪嘅招牌菜 我地兩個人只係嗌份細嘅已經夠晒☺️ 有三大件排骨 排骨嘅質地好軟腍 而且食落好有肉味🐷 呢度嘅火山排骨好重蒜味 用手套食更加有風味 個人覺得如果再辣多少少就更加惹味😝水牛城雞翼呢度嘅雞翼全部都好大隻 雞翼嘅外皮炸得好香脆 外脆內軟 入面仲好juicy 而且擺盤都幾唔錯👍🏻 雞翼嘅醬汁帶少少酸辣 係一個幾開胃嘅小食🌶️鴨屎香手打檸檬茶冇諗過呢一間西餐都會有茶飲店出名嘅鴨屎香手打檸檬茶 所以嗌咗一人一杯🍋 手打檸檬茶就算冇嗌少甜 味道都唔會好甜 茶底仲好香添呀🍵呢間小店嘅菜式都幾有特色