沁沁麫 (Closed)

今日又去開西灣河，之前食過一次人參湯底麵，好特別。今日經過見到有人排隊，心郁郁又黎試下~餐廳有好多不同食物有埋圖介紹好吸引呢~今次 一於食番茄麵啦~先黎一杯自家製羅漢果茶$5好濃羅漢果味，又唔太甜，清熱氣最好~今日選了鮮茄茸濃湯拉麵$41再加配鯪魚球$13鮮茄茸濃湯拉麵包含了多款配料, 包括肉片、溏心蛋、西蘭花、及黑木耳。全部用料新鮮，溏心蛋美味又流心，配上配菜夠均衡呢~鮮茄茸濃湯底非常鮮甜，茄味濃鯪魚球有鮮魚味又唔腥，夠彈牙~ 我選配了烏冬，麵質柔軟又夠彈牙煙, 有口感，不錯！ 值得推介~

呢排趕Project，每日由朝早9點忙到無停，今晚仲OT到9點鐘，終於收工啦！就諗住喺公司附近搵間餐廳食嗰飯，返屋企早啲休息。行下行下，就見到呢間西灣河沁沁麪，見到幾多人食，就入去試下，點知又真係幾掂喎！沁沁飯 (秘製臘味雞油焗飯)一嚟到就香味誘人，有臘腸、潤腸、臘鴨同滑雞件，非常足料。飯底唔係普通白飯，而係沾滿醬油嘅糯米，煙煙韌韌。滑雞件大大件，入口鮮嫩，加埋臘腸、潤腸同臘鴨，真係份外惹味。蠔油時菜為咗A姐，為咗健康，等我叫嗰油菜啦！菜心清甜爽脆，配埋鮮味蠔油，正。自家製羅漢果茶呢杯羅漢果茶真係真材實料，非常濃味，雖然無落糖煲，不過好甘香清甜，飲完嗰喉嚨都舒服晒。

去西灣河太安樓食到悶悶地，走上附近小街行逛。見地鋪沁沁麵一鋪鋪名幾cute，鋪面乾淨整潔。下午三時半又不用等位，去食個late lunch。樓面十多座位，店員親切，local 店人情味濃。見餐牌上推介，便點下秘製臘味雞焗油飯($41)；自家製羅漢果茶(＋$5) ，係食鋪實屬非常罕見。平時係連鎖店臘味之類就吃得多，本土店相信更慢功出細貨。秘製臘味雞焗油飯，熱騰騰上台，香油味騰出。有臘腸、臘鴨。新鮮肉質嫩口，吃落沒有肉渣，而且滲透濃濃油飯味。臘腸水分依然，無被焗乾，非常正！粒粒分明，沒有焦，MENU如下：

西灣河和筲箕灣向來出名多特色地道小食店，也是吃貨們的理想覓食地點之一。今次跟兩位家住西灣河的朋友周圍覓食，來到一間以人蔘雞湯麵為主打的小店，店內裝修簡約，座位還算寬敞舒適，進門後放有電視，不停播放著時事新聞，還有幾位員工在開放式廚房內默默地工作，蠻有本士家庭小店的風味。細閱餐牌，發現這裡除了人蔘雞湯麵外，還有幾款其他特色小食和主食，我們幾位吃貨當然不會錯過盡點啦。首先登場的是醉雞卷，賣相精緻，似足高檔食肆的出品，雞肉去骨後捲成圓柱形，並以自家的醉雞汁醃製後切片上碟，肉質爽滑細嫩，帶著淡淡的酒香和藥材清香，酒味不會過濃，清爽鮮甜。蜜糖芝士雞鎚，雞鎚炸得皮滑肉嫩，面頭鋪上芝士並以火槍炙燒，半溶狀態下入口帶淡淡奶香焦香，蜜糖味反而不太突出，雖感覺不太貼題，但其實味道還算不錯的。繼續到醬汁炆特大冬菇，冬菇超大隻厚肉，每隻直徑足有三寸之多，菇身炆得軟腍彈牙，醬汁完全滲入其中，醬香爽口，用上刀叉切開來吃，感覺將炆冬菇捧上了另一層次。鹵水蘿蔔牛坑腩，一端上來已滿有期望，只因見到連蘿蔔也煮得呈深啡色，想必十分入味，入口果然不負期望，清甜無渣，滿有醬香，而牛坑腩則鬆軟味濃，鹵香十足。特色炸肉九，肉丸炸得

路過西灣河，除咗可以去太安樓覓食之外，其實附近都仲有好多唔同嘅選擇～而沁沁麫就係其中一間值得一試嘅平民小店，佢距離西灣河站大概只有2-3分鐘路程，亦都好近太安樓，所以都算幾就腳。佢最特別嘅就係以蔘湯嚟做湯底嘅麵食，嗱，老實講，我自己本身就唔太好蔘味，因為好怕佢嗰種太濃嘅甘苦味，但好彩沁沁麵嘅蔘甘味啱啱好，加上淡淡嘅藥材湯，夠味之餘又唔會有苦澀嘅感覺。對於平時食開腩汁車仔麵同埋麻辣米線嘅香港人嚟講，呢款湯底的確係幾破格，亦都未必一時之間可以接受。嚮大部分人嘅心目中，包括我自己，好多時都會將健康等同於清淡無味。但健康又唔一定要極端到無糖無鹽無油嘅，就好似呢碗蔘麵咁，只要落少啲味精同調味，靠多啲食材本身天然嘅味道，都已經可以做到既有味又健康。至於另外一款招牌小食－醉雞卷，亦都令人好驚喜。將雞肉捲成圓柱狀，切開一片片凍食，凝結成膏狀嘅雞皮同脂肪滑而不膩，肉質亦都好鮮嫩，酒味濃郁，加上米酒獨特嘅甘香味，一啖接一啖，話咁快就畀我清哂！食飽飽，再飲返杯暖笠笠嘅純天然羅漢果茶，嗰種獨特清新嘅甜味，直到我離開咗間餐廳，再上埋地鐵都仍然feel到淡淡嘅回甘，真係要用齒頰留甘嚟形容～最後補充就係，老闆好ni

西灣河呢邊小食店非常多, 而且好多都非常有特色, 我今日食呢間沁沁麪都係其中一間。之前睇雜誌介紹去食過一次秘製人蔘雞湯麵, 湯底富有濃濃蔘香, 麵質彈牙, 一試愛上。😍 今日趁開完會打算過黎食一碗做early lunch暖暖胃再返公司。由於我到嘅時候剛剛11點半, 餐廳剛剛開門, 所以我係第一位客人, 餐廳裝修簡約, 座位都幾寬敞。我一坐低已經聞到濃濃嘅飯香, 老闆同我介紹d飯香係來自剛煲起嘅臘味飯, 原來呢度嘅臘味雞油焗飯係加左12種香料同雞油, 以泰國香米焗製, 老闆仲話臘味飯嘅臘鴨係由工場每日即製新鮮運到。聽到老闆咁大力推介, 我決定今日唔食蔘麵, 一試呢個沁沁飯。😙沁沁飯(秘製臘味雞油焗飯) $41沁沁飯有臘腸, 潤腸, 臘鴨同滑雞, 未食已經聞到香濃嘅臘味飯香, 雞肉好嫩滑多汁, 臘味都好好味, 特別係臘鴨, 油香十足, 又唔會太咸, 雞油飯香糯味濃, 軟滑之餘唔會黏口, 份量亦好多, 冬天食呢個熱騰騰嘅臘味飯真係暖入心, 而且只係賣$41, 相當超值。👍自家製羅漢果茶 $5飯後仲可以飲埋呢杯剛煲好嘅羅漢果茶, 埋單只係$46, 呢餐非常滿足。😙餐牌