一番街 (Closed)

今日係鰂魚涌training 唔係好識路嘅我就跟咗同事去食依間日本丼小店細細間店 都等咗成十五分鐘先有位我地叫咗個自選魚生飯 貪佢可以揀自己想食嘅魚生嘛🤪如果要細評每款魚生嘅話我最鍾意佢嘅葱呑拿魚腩蓉 好有鮮味三文魚同芥末八爪魚都唔錯帶子就稍嫌唔夠鮮甜其實都幾足料 食到好飽😂聽到隔離枱話佢個玉子燒三文魚好好味下次都想黎試下😂😂

店面不大，只能夠坐十幾人但係感覺到老細應該係有心做！食材新鮮！叫左一客特上刺身定食（全部定食包1湯1前菜，茶任飲！(唔好當我廢up,有啲餐廳只包1杯普通冇咩味既茶！！！）🤪）雖然呢度冇華麗既餐具、豪華既門面但係啲魚生好有心咁用冰凍住佢係個碗放左冰，再加層保鮮紙雖然簡單，幾有心思～重點海膽係甜，唔腥臭，呢點好難得😂啲螺、貝切得岩岩好厚度唔會「銀」牙😂而三文魚腩好肥美，正！到我既自選魚生飯定食啦！呢個item令我對呢間餐廳好有興趣！最低消費$80，餐牌同其他朋友係度最新upload 既一樣我點左：蔥吞拿魚腩、馬刀貝、三文魚子、三文魚、燒三文魚腩、燒左口魚邊上面講過佢個三文魚腩好正，點知....燒三文魚腩仲正燒完之後同左口魚邊一樣，變得更入口即溶既態覺！！！搞到個普通三文魚就變得普通左😂有得自選真係好好啊！可以揀啲自己中意食既魚生！每樣都岩哂心水！下次我一定會再叫燒左口魚邊、燒三文魚腩而試左個刺身定食後，就會自選埋榮螺、海膽！總結：有心既餐廳，下次一定會再食！希望老闆可以keep住個心！繼續做！但係係容許既情況下，唔好加價🤣🤣🤣🤣🤣🤣🤣

中午同班同事去咗一番街食日式料理。間店主要係賣丼，而且人手不足，得2個人服務。加上小店比較細，所以都很迫，坐得唔太舒服😌。.佢有個定食menu ,係佢幫你配搭咗好嘅定。最平$60幾，最貴$80-90幾。但當然有自選丼，自己可以配搭喜歡嘅材料。（有張自選嘅點餐紙。🤪.而我地揀自選嘅，叫咗一塊玉子$7蚊，毛蟹肉$7蚊，甘蝦$10蚊，帶子$10蚊，燒三文魚🍣腩$14x2件。仲有一份三文魚子。總共$82蚊。（自選丼最低消費要80）首先，塊三文魚🍣腩都幾大塊，幾厚，而且燒得幾香。塊玉子都好厚，幾鮮甜。毛蟹肉反而感覺比較少。而且無咩味。帶子都好爽口，甘蝦同三文魚子無咩腥味，而甘蝦都幾鮮甜。😚有點不足係，飯嘅份量比較少，好快就食完。