Soi.29

Open Now

Now Closed

6點嚟到已經大排長龍，人氣爆燈唔係講笑，真心好好食！排咗一個鐘都值得，冇失望！完全有泰國街邊食嘅味道！仲要性價比好高MM冇介紹錯！下次要再嚟試多啲!!!燒牛肉超正！完全媲美出邊西餐廳四百幾蚊食牛扒嘅味道、水平。啲牛肉燒得剛剛好，完全唔韌，油脂分布適中，完全唔會覺得膩，亦唔會過多肉部份，令佢容易變得太煙靭，剪出嚟嘅每一嚿都係一口，方便咀嚼！醉貓炒河又係勁好食！但個汁有人可能會嫌重口味較鹹，不過對我嚟講完全係泰國食到嘅口味🫶🏽好味！啲河粉好彈牙、闊條，特別掛汁。就連平時我唔食嘅青椒、紅椒，我今次都食，因為實在炒得太好食了！勁辣炒椰菜🥬 又係好好食！唔係香港平時會食嘅菜類，幾特別！個汁又係十分泰國口味，好惹味、停唔到口。芒果糯米飯又係十分出色！必定要叫！熱烘烘嘅椰漿糯米飯，加大大嚿甜嘅芒果，好味！椰漿糯米飯當中仲加咗啲脆米，令層次口感不同！Perfect Ending!!!

🇭🇰Soi.29·呢間我covid夜晚禁堂食既時lunch time食過佢 覺得佢啲嘢超有鑊氣 但係因為佢之後淨係做夜晚 所以一路都無再食過 今次夜左收工就終於有機會再食佢啦😎😎·醉貓炒河$88 l 滷水泰式豬手$138 l 馬拉盞椰菜苗$88佢個醉貓炒河真係好好食 佢係勁有鑊氣🔥而且佢係闊啲嗰種河粉嚟嘅 所以質感好好 超掛汁 不過雖然佢真係好惹味 但係對我地黎講真係太辣 我地最後係辣到要用水沖一沖先食到🫢🤣🤣之後佢個豬手都整到好好食 佢個豬手好入味 肉質都好嫩🐷最後個馬拉盞椰菜苗都唔錯 又係超有鑊氣 炒得好好🥬·芒果糯米飯$78之後因為佢實在太辣啦 所以我哋就決定嗌個甜品解下辣🥵佢呢個個芒果超甜 不過個飯我就覺得有啲偏硬 無咁甜品🥭·#rbyeat#rby東南亞菜#rby尖沙咀·📍尖沙咀寶勒巷29寶昌商業大廈地下

大排檔式裝修，傳統泰菜款式多價錢唔貴，啱晒一班人聚餐。串燒拼盤好抵食，一碟有齊豬牛雞，每款有3串，仲可以加$20要埋牛脷。燒得有焦香，點沙爹醬汁食夠惹味。燒豬頸肉份量超多，夠抵食，燒得好爽口，再多少少焦香就perfect啦。皮蛋蝦餅熱辣辣超香脆，流心皮蛋加彈牙蝦餅超好食的配搭，不容錯過！蟹肉奄列雖然係香脆但好似淨係食炸漿，食唔到蟹肉，可以skip。燒豬頸肉份量多，燒得唔錯，肉質依然爽口。醉貓炒河其實係平時生菜包的肉碎豆粒炒河粉，叫醉貓因為係廚師醉酒後創作出嚟喎😂微辣香口好惹味，用咗幼身河粉，彈牙煙韌幾正。一定要留肚食芒果糯米飯！糯米飯熱辣辣加分，軟糯好食配香甜椰漿同超甜芒果，高質👍🏻

最近識到個同自己一樣咁食得的女仔，好開心終於搵到個可以一齊食到尾的朋友。兩個女仔叫到一枱到係餸，仲要叫埋甜品。五餸一甜品再加兩杯野飲，我都覺我地好癲。重點係我地居然食得哂，捧腹離場。今日完全唔使等位，完全做到大排檔的感覺，環境衛生乾淨。仲播住泰文歌，令你覺得好似身處泰國咁，去緊個小旅行的感覺。relax既。同朋友一路食一路傾都唔覺原來食左咁多野，樣樣都好味，值得推介同encore。好耐都冇試過同朋友食得咁開心啦～期待下次的聚會。