Soi.29

Open Now

Now Closed

呢間餐廳收藏左一段時間，但礙於小店無得BOOK枱之餘，仲要晚上6點先開門，加上好多人都話要排好耐，所以遲遲未有去試🙉。適蓬平日星期四早收工，5點55分到達店外排隊，但由於朋友未到，所以未能成為第一批食客。最終朋友嚟到，剛好有位，6點40分可以入座。目測店內可容納38位客人，某D座位較為寬敞。每枱必點之一---醉貓炒河$88即叫即炒，快速上枱!! 配料有洋蔥、青紅椒、蛋碎、車厘茄、金不換、肉碎，辣度我覺得微小辣。聞落鑊氣香，不過食落香氣一般， 我自己就覺得呢個炒粉一般 ，而且好油🙉， 不過男友就話幾好食。人氣推介-----燒牛肉$138牛肉份量唔算少，呢個價錢嚟講好抵食，我地一致認為係全餐最好味嘅食物，如果再嚟都一定會再點佢!!😋 牛肉粉嫩、軟熟、多汁，外層微微焦香，淡淡嘅牛味，唔沾醬汁已經好夠味，最適合配白飯或者酒😏串燒拼盤$158/12串其實另外仲有款得雞豬共6串嘅拼盤，不過男友想食雞軟骨，所以點左12串。豬、雞、雞軟骨、腸仔，每款各三串。當中雞肉最軟滑、豬肉調味最好，帶點肉嘅雞軟骨亦唔錯。但我個人覺得似港式串燒多過泰式😅，本身有腸仔已經好港式，再加上串燒嘅蜜糖甜味特出，而旁邊嘅沙嗲

📍Soi.29 (尖沙咀)尖沙咀寶勒巷29寶昌商業大廈地舖@soi.29_chef.key 尖沙咀人氣泰國餐廳，由泰國人主理，充滿泰式大排檔風味，價錢不選昂貴，餐廳只開晚市，當日6:30pm 去到，門口已大排長龍，大約等左45mins 先可以入去，裝修新穎，坐得舒適，逢星期五六先有冰條☁️燒牛肉$138每枱都必叫的燒牛肉，份量非常大，牛肉嫩口高質，燒到粉嫩色，一點都不會韌，淡淡蜜糖味，旁邊有泰色辣汁，非常惹味☁️醉貓炒河$88河粉闊身粗身彈牙，鑊氣十足，加上魚露和九重塔的香味，香口惹味，味道有小小辣☁️泰式紅糖奶$38侍應好好提醒這杯飲品會好甜，個人認為可以接受，泰國紅糖水加上煉奶，變成粉紅色奶茶，有水果香味☁️酥炸皮蛋蝦餅$78皮蛋切開一分四，即叫即做，外層脆口，皮蛋中間是溏心的，皮蛋同蝦餅充滿發揮，加上泰式辣醬，令人回味無窮☁️串燒拼盤$158串燒拼盤有雞肉，豬肉，腸仔，雞軟骨，每款有三串，旁邊沙嗲汁是靈魂。每串都燒得剛剛好，淡淡炭火味道。兩個人食唔晒，最後要打包，侍應好好，比多份沙嗲醬汁。#尖沙咀#尖沙咀美食#尖東#尖東美食#香港#hongkong#hkfood#hkfoodie#食好西#

朋友大推呢間泰國野應該大家都有聽過👀餐廳真係超有人氣,當日6:40要等成個半鐘先入得🥹好彩食物質素係對得住的🫡如果下次仲要排咁耐我應該都係排嘅(但而家天氣就要唸唸先🤭)🔺酥炸皮蛋蝦餅 $78第一眼已經好想叫了但朋友都唔太食皮蛋🥹所以自己一個人食哂大半碟🤣但真係好好食!!蝦餅炸得好脆再加上溏心皮蛋真係好夾🥰配上甜酸醬係更正~🔺醉貓炒河 $88河粉炒得超香有少少辣但超惹味😆河粉軟硬度都適中帶點彈牙🤓重點係肉碎記得食埋去,配料有青椒,洋蔥,蛋🫑🧅🥚🔺燒豬頸肉 $108每次去食泰菜都會想食豬頸肉🐽豬頸肉燒得好香而且每一塊都好淋,單食已經好夠味😚附上的醬汁偏辣的,唔食得辣要留意下但朋友們都超愛💗🔺燒牛肉 $138必叫燒牛肉!!牛肉大概5成熟左右仲要好淋😍牛味適中就咁食已經好夠味,如果豬頸肉同牛肉要二揀一個人必選牛肉🤩🔺串燒拼盤 $158串燒包括有雞肉,豬肉,雞軟骨同腸仔🔥串燒都燒得好香再加上串燒醬汁花生味超濃超夾🥜除咗腸仔普通少少之外其他都好好食🤤🔺鹽燒魚 $188原本對魚冇太大嘅期望點知超正默默地食咗好多🤣成條魚超大條魚肉好多!!魚肉都偏嫩的🐠可以自行選擇點醬汁但就真係幾辣的🌶️所以我都係就咁食

有冇人有睇MM🤣我都係睇完之後先識得依間泰國菜！佢淨係開星期一至六6pm-12am，仲要有一個月會唔開，每日都排長龍，不得了🔥🔥可想而知佢地實力非凡👍🏻👍🏻 我平日6點去到都已經入唔到第一轉🥲🥲大約排咗45mins入第二轉。佢地用餐時間一個鐘，啲嘢都嚟得幾快🍽️🔥🥢 醉貓炒河 $88今次叫曬佢地店內嘅signature🤣一上枱勁香，老闆話要趁熱食🔥河粉係寬身個款，質地煙韌，炒得好有鑊氣同埋唔會好油🫡👍🏻👍🏻味道有少少辣🌶️我覺得食到少少辣嘅都應該接受到💪🏻好惹味😋下次嚟都必定會翻食😎🍢🍢 串燒拼盤 $158份量都幾多喎😳😳 有腸仔、雞肉、雞軟骨、豬肉，見到有腸仔同雞軟骨有啲驚喜🤣🤣平時好少見依個組合。全部都燒得好好，火喉岩岩好，有燒香味又唔會過火乾曬👍🏻👍🏻 最鍾意係佢個豬肉串喎竟然🤣 因為有少少肥膏，食落好有油香又唔膩😋🤤🤤🐮🥩 燒牛肉 $138必叫❗️必叫❗️必叫❗️每枱都會出現嘅名物😆 燒牛肉保留到中間仲係粉紅色😎大約6-7成熟。肉質軟腍，又有肉味，味道有輕輕調過甜甜地，配埋個汁，酸酸辣辣，冇得輸，性價比極高😆🔥🔥🥚🦐 酥炸皮蛋蝦餅 $78皮蛋同蝦餅我都鍾意食，冇理由唔叫啦🤩 每一舊皮蛋都

成日經過想食都見到好多人，唔敢去等，因為聽啲人話要等個零鐘🥲有日差唔多10點見到竟然淨係要等三張枱，即刻就排隊🤣結果唔使15分鐘就入得去！超開心慳咗好多時間✨醉貓炒河呢個一嚟到已經好香，超有鑊氣，佢嘅河粉係比較大塊，肉碎都好多，都好好食！燒牛肉基本上每台必叫👍🏻呢個一上到嚟已經知佢高質，牛肉好嫩，而且表面應該係加咗蜜糖去燒，成個感覺就係蜜糖燒牛肉，根本都唔使點佢旁邊嗰個醬（我覺得佢嗰個醬唔好食☹️），最重要係以呢個價錢份量都算多，好推薦！好值得食！

SOI.29 人氣排隊泰國菜，無訂座，而且只有晚上六點後營業，但仍然無減大家歡心。今次星期一落雨天晚上依然排長龍，好彩等半個鐘就可以入座。室內設計有種大排檔感覺，不過同友人都覺得似韓Feel多過泰Feel。推薦：▫️燒牛肉 $148 肉質嫩滑多汁，必點！▪️炒金邊粉 $88 夠鑊氣！▫️泰式奶茶｜泰式綠奶茶 $38 還原度八成。▪️龍眼冰 $42 超甜之選。其他：▪️飛天通菜 $78 惹味夠鑊氣！▫️泰式生蝦 $138 生蝦爽口，醬汁蒜辣得過癮。 ▪️醉貓炒河 $88 炒到太碎欠鑊氣味道淡。 ▫️燒豬頸肉 $108 外皮不脆咬口韌而且調味重。▪️冬陰功湯(大) $128 酸辣度欠奉。▫️椒鹽雞中翼 $88 一般。▪️炸蝦餅 $88 一般。▫️肉碎粉絲沙律 $88 一般。▪️生菜包 $88 一般。▫️芒果糯米飯 $78 喜歡爛飯既可以一試。今次四個人叫左十二道菜，隔離枱都望到眼甘甘。經過幾位大胃王評審結論除了燒牛肉比較出色和有記憶點，大部分都比預期有落差。如果要再排隊，應該無第二次。

今次呢間餐廳係位於尖沙咀區係因為本人工作都在這一區每一次放工經過都發現非常多的人龍在排隊所以就決定一定要去試一下的🫡🫡誤打誤撞發現這家店 結果非常好食喔😊醉貓炒河 😵‍💫🐈😸這個應該也是其中一個招牌菜了上餐的時候已經感受到一股香辣味🌶河粉非常夠「鑊氣」炒得「乾身」而且有咬口,不會炒到「散修修」如果下次去我會再叫的👍🏻👍🏻👍🏻燒牛肉🐮牛肉不會燒得過熟, 大約是6-7成熟所以食落係腍身的 而且牛脂牛肉味也很出喔😍另外附了一個泰式的辣醬FOR 平時食開辣的朋友仔☺️☺️份量也不少 性價比高喔💯💯💯飛天通菜🌱這個可能係菜不會太老身 炒出來的時間剛剛好 食落都好惹味嫁😜😜椒鹽雞軟骨🐔熱辣辣炸出黎食 會食到停唔到口脆脆的外包 炸漿不會過多 好食🙊🙊黃咖喱蟹肉🦀🦀🦀咖喱這個還可以 不過不失如果配菜有薯仔 小編會加分🤫🤫蒜蓉包🍞呢個包無得頂 超濃蒜蓉🤤如果加埋蒜蓉一齊食我一個人都可以食3-4件😏😏一碟有8片 比平時既餐廳多喔🤭龍眼冰🍹食完咁多重口味的食物本人個推薦這個飲品入面勁多龍眼肉 非常清新解膩☺️

經過這間小店見到有很多人排隊，心想一定要來試一次。終於和愛人去到這間小店品嚐一下，未去之前已經在網上做了少許資料蒐集，所以一去到即刻點這裏出名的燒牛肉，燒牛肉嘅味道適中，而且個肉質非常之鮮嫩，除咗燒牛肉之外，我們亦都點了飛天通菜和泰式辣肉碎炒飯飯，飛天通菜好惹味而肉碎炒飯亦都比足料兩個人叫三樣嘢已經非常之飽飽。 價錢方便都屬於有少少貴，但係質素真係唔錯我覺得係值的。 推介必試燒牛肉.

💁🏼‍♀️老闆娘探索新美食 香港站 #8Soi9 尖沙咀呢間泰菜 係佢未爆紅前已食過當時排隊都唔洗咁耐一爆紅就停左去 不過時間黎講 九點去就無咁人多啦泰國人主理 係正宗啲👍🏼👍🏼👍🏼整體食物質素 水平以上 Drinks 係出色，醉貓炒河一樣好食🤤整體性價比都好高 只係濕河差少少🤏 可能係我地口感感覺內附Menu 加 receipt 📍 Soi.29 (尖沙咀)尖沙咀寶勒巷29寶昌商業大廈地舖

熱門嘅泰式大排檔😋雖然9點幾嚟到都排左半個鐘左右先入到去，但上菜速度算快，都值得一等嘅！★̆̈ 燒牛肉 （$138）份量好夠，牛肉燒到5成熟，中間仲紅紅哋嘅，腍得嚟咬落有入口即溶嘅感覺，食落有炭燒味。唔點醬時，肉味好重。沾咗泰式酸辣醬之後好惹味，好開胃。★̆̈ 泰式凍奶茶 （$38）問咗waiter係冇得叫少甜，於是杯嘢上到嚟係同普通嘅泰式奶茶一樣好甜😂★̆̈ 生菜包 - 豬 （$88）肉碎炒得幾好，係用半肥瘦肉碎，食落唔會嚡熠熠，但係個調味酸得滯，個人唔係好鍾意。★̆̈ 醉貓炒河 （$88）泰式河粉好多都係用闊嗰種河粉嚟炒嘅，佢都唔例外。廚師用咗肉碎，欖角，洋蔥，車厘茄，同埋蛋碎嚟炒。鑊氣好夠，仲帶有少少油香味。食落香得嚟帶少少辣，如果加多啲蛋碎嚟炒，令到蛋香味再重啲，就更加好味！

次次經過都見到好多人排隊，今次終於有時間試下喇❤️❤️（10分為滿分：🌕）味道：🌕🌕🌕🌕🌕🌕🌕🌖🌑🌑醉貓炒河($88)一直喺度諗緊叫醉貓炒河定係Pad Thai 😵‍💫最後見到醉貓炒河係比較有特色，佢嘅河粉係好闊嘅河粉，然後中間溝咗好多肉碎，個汁炒出嚟非常之惹味，唯一係肉碎多過河粉如果多啲河粉會食得開心啲😆😆😆燒牛肉($138)依個係見到入邊好多人都會叫嘅一碟餸，所以都幾期待🤪🤪上到枱牛肉嘅份量係超級多，所以覺得好抵食😛😛因為只係需要$138🫢🫢然後一食落去，肉質非常之嫩滑，而且厚得來唔會覺得韌，會一舊接住一舊咁食，非常之好味❤️❤️海鮮泰式炒粉絲($98)因為唔知叫多個主菜定小食，最尾就叫咗呢個泰式炒粉絲🫣🫣一上枱嘅時候呢就覺得佢個樣完全唔吸引，好似覺得自己錯咗🫢🫢食落嘅話味道都有驚喜嘅😋😋粉絲好入味，然後其他雜菜都炒得非常之惹味，唯一係覺得叫海鮮同埋叫豬肉肉應該都冇乜分別，但係海鮮就貴$10😂😂香茅荔枝冰($42)食泰國嘢一定會叫返杯凍野嚟飲吓🤪🤪因為始終太濃味，所以今次就叫咗一個香茅荔枝冰😍😍上到枱就覺得非常之靚，因為佢有一把好懷舊嘅遮仔，然後仲真係有一大支香茅插着😂😂😂😂飲落去香茅味唔

#只分享食物給朋友🫶🏻#尖沙咀食乜好呢 ～ 今次去咗 @soi.29_chef.key 呢間泰式大排檔已經係第3️⃣次回頭🥹 本人本身都幾麻麻泰國嘢 食親嘅泰國餐廳 都純粹覺得係正常發揮 未去到驚豔嘅程度🥺 有一次朋友話想食泰國嘢 上網一查 發現好多人推介呢間 所以就去咗試一試 點知去到嘅時候 發現實在係太天真！！🥵 係大排長龍😌 呢間嘢冇得book位 所以唯有硬着頭皮咁等落去 入到去食嘅時候 發現樣樣都勁好食🥹 今個中秋 特登5:30就嚟到（成功做到第一個排隊嘅顧客🙂‍↕️)佢6點開門的！—————————————-—————————————-———————1. 燒牛肉 $138 ⭐️⭐️⭐️⭐️⭐️呢個真係必嗌‼️‼️基本上每一台客都會嗌一碟～覺得佢燒嘅程度係啱啱好 唔會太生 又唔唔會太熟🫶🏻 同埋佢醃得好好食 唔會太鹹🥹 食食吓 食返一啖🥒一啖🍅 又可以重新refresh一下🤩2. 醉貓炒河 $138 ⭐️⭐️⭐️⭐️個人覺得呢一種炒河 同茶餐廳嘅乾炒牛河係有分別 比較鍾意食呢隻可河啲😋 佢係會大片啲 同埋有咬口啲🙂‍↕️ 不過本人譚仔都淨係食到10小辣 （廢廢的） 所以就覺得呢個炒河對於我嚟講有啲辣 不過都

係尖沙咀一件細細間嘅泰菜裝飾簡單 雖然有街邊大排檔感覺 但感覺乾淨衞生呢間野細細間 冇得book位要walk in當日星期五晚大概排左半個鐘<泰式甜酸鳳爪>好開胃嘅一個小吃 加埋青瓜小蕃茄一齊 好清新<青木瓜沙律>調味十分足夠 係比較乾身濃味而唔係水汪汪果隻青木瓜沙律 覺得辣嘅朋友同生菜一齊食啱啱好<燒牛肉>最推介嘅一碟 上菜嘅時間牛肉仲係熱辣辣 仲要燒得好香 佢唔係燒到全熟 中間仲係juicy 老細都叫我地趁熱食<泰式明爐烏魚>對放中意食魚嘅朋友 係唔錯嘅選擇 個湯係泰式酸酸地嘅湯

見到社交平台好幾個post都有分享去呢間由泰國人主理嘅餐廳，話哂本身個人都好熱氣嘢，所以就走咗去試嚕~嚟到廳嘅時間大概係18:30，喺呢個未算係人流嘅高峰期，我地前面已經有7枱排緊隊了，一行兩人嘅我地係第8枱，成三十幾度喺條街度企其實都真係幾熱，店住有將餐牌貼喺出面，方便外賣同堂食客睇定想叫啲咩食先。再望入餐廳入面，佢真係全場爆滿，個個都叫到成枱嘢食，睇嚟如果唔想等位嘅話，平日要六點入座先得。喺等位嘅期間，不停見到有人嚟叫/囉外賣，由此可見佢都幾受居民歡迎。等咗半個鐘終於入座了，曾經聽人講要排幾個鐘隊先入到去食，所以我諗半個鐘算快~ 嗱嗱聲叫咗三樣嘢食：醉貓炒河、燒牛肉、泰式椰汁雞湯燒牛肉（$138）：份量足，就咁食牛肉都有淡淡蜜糖甜味，帶出牛肉嘅鮮味，值得一提嘅係牛肉燒得啱啱好，唔會嚡澀澀。蘸咗泰式辣醬嘅牛肉就超惹味，辣醬味道似係以現成嘅醬加工而成，美中不足。泰式椰汁雞湯（$108）：椰汁雞湯好足料，有極多湯料，椰汁味突出，味道小辣鮮味可口，兩個人叫細嘅份量剛剛好。醉貓炒河（$88）：肉碎份量好多，味道只有bb辣，整體調味貼合香港人嘅口味，寬河粉份量可以多少少，咁就大滿足。以一個鐘頭

6點嚟到已經大排長龍，人氣爆燈唔係講笑，真心好好食！排咗一個鐘都值得，冇失望！完全有泰國街邊食嘅味道！仲要性價比好高MM冇介紹錯！下次要再嚟試多啲!!!燒牛肉超正！完全媲美出邊西餐廳四百幾蚊食牛扒嘅味道、水平。啲牛肉燒得剛剛好，完全唔韌，油脂分布適中，完全唔會覺得膩，亦唔會過多肉部份，令佢容易變得太煙靭，剪出嚟嘅每一嚿都係一口，方便咀嚼！醉貓炒河又係勁好食！但個汁有人可能會嫌重口味較鹹，不過對我嚟講完全係泰國食到嘅口味🫶🏽好味！啲河粉好彈牙、闊條，特別掛汁。就連平時我唔食嘅青椒、紅椒，我今次都食，因為實在炒得太好食了！勁辣炒椰菜🥬 又係好好食！唔係香港平時會食嘅菜類，幾特別！個汁又係十分泰國口味，好惹味、停唔到口。芒果糯米飯又係十分出色！必定要叫！熱烘烘嘅椰漿糯米飯，加大大嚿甜嘅芒果，好味！椰漿糯米飯當中仲加咗啲脆米，令層次口感不同！Perfect Ending!!!