秘 (享成街)

Open Now

Now Closed

這家餐廳位於荃灣西的分店，位置頗偏僻，真的是一家隱世小店！💛 如果不是荃灣人，應該會比較難找到～ 大家只要找對了路，看見荃灣廣場，對面便是了。我每次經過，都看見大排長龍，主要都是年輕人，超級受歡迎。今次終於有機會可以試試人氣的日式吉列牛！感覺真的好像回去了日本旅行！！！🥰🥰🥰 能吃到真的好開心！😆😆😆 來向大家推薦一下這家值得再回頭的餐廳吧～-🤎板燒吉列牛 $108選用美國安格斯牛肉，外層蘸上日本麵包糠，先用熱油把外皮炸得香脆，封鎖肉汁。只需用牛脂塗在石板上，然後將牛肉在熱石板🪨上每面各烤十數秒，大概七成熟便可享用。這款吉列牛肉質有少許筋及有牛肉味，不過油脂色澤均勻，肉味大致上還是很滿意。雖然燒汁味道調校的很不錯，但牛肉本身帶點黑椒粒和海鹽粒，所以味道已經很足夠。如果是靚的牛肉，我通常還是比較喜歡吃牛肉的原汁原味。-🤎秘·燒黑松露吉列牛 $148第一次見到黑色外層的吉列牛，好酷好特別！🖤 原來這種獨特的炸漿是選用了新鮮黑松露加上日本麵包糠。除了黑色酥脆的外層之外，更有黑松露獨有的氣味，雖然味道不算非常突出，但聞起來真的有一陣黑松露的香味～ 牛肉雪花分佈平均，脂肪比例均勻，比吉列牛的牛肉

燒黑松露吉列牛 $148唔知係咪啲黑松露吉列過好多人好怕黑松露嘅個陣電油味一啲都唔重但就留到黑松露個陣香味自己燒又可以控制到想食幾熟呢個價錢 呢個份量 呢個質素 邊到搵呀😍.芝士吉列豚肉 $78雖然佢唔係夾心芝士 而係另跟芝士醬但佢真係炸得好脆 豚肉好嫩口加埋邪惡芝士醬真係好好味都係個句呢個價錢 呢個份量 呢個質素 邊到搵呀😍.之前試過平日6點半去到都等咗個半鐘先有得食今次平日2點半左右去到唔使半個鐘就有得食喇😉.*午市加$20多碗飯素白飯+一隻溏心蛋

依間吉列牛舖頭荃灣同元朗都有分店，八零分數可以食到吉列牛咁當然要試吓😋所有套餐都係可以加$20轉做定食（即係加一碗白飯同沙律加汽水）另外亦都可以加多少少錢配湯。🐮板燒吉列牛-Hkd108+20吉列牛上枱先輕微炸好表面然後切件大概15件，中間配左柚子醋沙律同埋糖心蛋，另外鐵板上面先放上一舊牛嘅脂肪俾你燒一燒啲油脂令到之後冇咁痴底，大概是每面燒15秒都已經差唔多3成熟，對我黎講就岩岩好🤪🤪而且白飯上面有啲飯素同埋燒汁份量其實都好足夠，而且糖心蛋醃得好入味。🐷芝士吉列豚肉-Hkd78+20上枱有少少失望因為我以為係吉列豚肉中間夾咗塊芝士炸完之後會變流心，但原來只係吉列豚肉配左一個芝士醬，但芝士醬味道偏淡。另外個吉列豚肉炸得好乾身切件後只有一塊有少少脂肪令到件事冇咁dry，但整體食得十分之乾🤨🤨🥔和風薯條配芝士醬-Hkd32最後嗌左個薯條，粗薯條而且炸得啱啱好外脆內軟唔油有薯蓉，個芝士都係啱啱吉列芝士豚肉嘅芝士醬所以味道都一樣咁淡，不過個薯條量都幾多成餐飯食咁多炸嘢會有少少油膩。👍🏾👍🏾值得一提嘅係間舖都給細而且每台客都坐得好埋，不過抽風系統都唔錯唔會話油煙好大但點都會吸到少少油煙味

星期五Happy Friday 去左荃灣(秘)食燒肉.一早六點幾去拎飛都已有好多人等待,如果要食呢間真的要搵人去拎飛先,大概7點左右入座.來到當然要點佢出名既板燒吉列牛, 吉列粉炸得夠好酥脆,牛肉香味濃郁,份量都多再配埋個燒肉汁, YUMMY另外就試下佢個芝士吉列豬,都是炸得剛好, 芝士醬可冇限添加,另38蚊有套餐,有飯素架,我最愛食,又有溏心蛋同湯,滿足的一餐.

荃灣分店位置荃灣廣場附近，唔會好難搵。但可能因為新開既關係，人手唔多夠，所以晚市暫時唔接受電話預約🤔。適逢父親節，加上佢地格價相宜，晚市6點已經坐滿。我今日好好彩行快兩步，唔係就要等好耐喇😆😆。主食本身有個白飯跟，而且仲有得升級嫁😲。晚市加$35可以升級做秘之素飯，楓糖流心蛋同櫻花昆布湯。再加多$20，即$55仲可以要埋條金魚添😍。秘之素飯其實就係响個飯上面加左紫菜，芝麻同木魚粉等等。聽落好似好普通？但一食落口就知，因為整碗飯完全升級了，非常好食👍🏻。楓糖流心蛋我個人就認為甜得濟喇，我都係比較中意食醬油糖心蛋😅。金魚餃賣相超靚，打卡必點📸。秘・燒黑松露吉列牛，份量好多，好香黑松露味。因為始終係美國安格斯牛，油花分布唔會好似A5和牛咁，所以未到入口即溶，但咁既價錢食到依個質素，其實真係無咩可以彈喇😚😚。板燒安格斯牛，份量同黑松露吉列牛一樣多，肉味好香。咁啱我依份油花分布比例好好，食落返而比黑松露吉列牛好食😜。芝士吉列豚肉，都一樣好大塊，炸得好好，外脆內嫩，肉仍然好juicy。再點埋芝士醬，食完後大滿足🥰🥰。要注意返，店舖暫時只收現金，所以記得帶足夠錢去呀💰💰。

荃灣人又再係荃灣區搵食，今次就黎到連其他唔係荃灣人都成日叫我去食下既秘其實我從來都未食過吉列牛，今次係初嘗，所以好期待果日係平日，午市12點幾黎到冇人排隊，非常難得！啲野其實係散叫，加20蚊變定食，就有個秘之飯素同溏心蛋同埋汽水。板燒吉列牛黎到之後比我想像中多肉，有成十幾塊。塊塊都有半個手掌心咁大，都有啲油脂，睇落相當唔錯。鐵板上有牛油，店員教搽匀就燒得。塊牛平均1、2分鐘就燒熟，牛味好香，亦有牛油香，口質好好。跟餐既秘之飯素都好好食，撈好啲配料好香口，就咁食都得。芝士吉列豚肉呢個等左10分鐘左右，因為即叫即炸，熱辣辣。個吉列皮炸得酥脆，豬扒肉質都幾好，用黎點豬扒既芝士都係熱既，好濃郁，好夾。

最愛食日本燒肉😋呢排對呢啲石板燒上癮同屋企人就去試下荃灣呢間😂佢晚市6:00開 我就大約5:45到 到左剛好無人 排第一但過左5分鐘 後面已經排左10幾個人😂😂好準時 6:00就入得不得不讚既係呢間食店服務好好 店員好有禮貌 上菜既時候又細心 叫客人慢慢食😋對於呢啲出面排曬隊既店黎講 叫客人慢慢食唔洗急呢個真係會欣慰 好啦 講下食物 吉列牛既牛肉係會比安格斯牛厚身 而且份量都多我燒到佢左右兩面變色 之後連秘之飯素一齊食 好好味😂啲肉汁好香, 安格斯牛不過不失 但之前post過元朗果間好食啲！芝士吉列豬扒既芝士醬唔算太濃 但塊塊都大 屋企人話外脆內軟 就算係炸既入面都仲好juicy 有肉汁 好食！佢每個餐其實都已經包左一碗白飯如果想升級要飯素要溏心蛋同湯就加錢我升級既餐係金魚湯 (個人認為必飲) 金魚其實係蝦餃 做得好精緻呀😍配係日式鰹魚湯入面 好夾！加埋櫻花係湯度飄飄下 都幾優雅😃味道都唔錯唐揚雞塊好普通 可以唔洗點 唔係話特別好食至於 日式薑啤 其實係汽水黎 無酒精成份：）但就唔係好大支 可能會唔係幾夠喉

荃灣又有新蒲點啦！喺荃灣廣場附近開咗一間日式食店，門面單字一個「秘」 ，即刻心思思走過去睇吓到底係食乜。主食嘅選擇唔算好多，但係每款都好想試吓！叫咗一個秘燒黑松露吉列牛定食。定食包括黑松露吉列牛、珍珠飯、楓糖流心蛋同櫻花昆布湯。見到牛肉嘅脂肪分布比例平均，以黑松露圍邊。將牛肉一片片放上石板爐燒，生熟程度由自己控制。燒好嘅牛肉軟稔，肉汁豐腴，牛肉味香濃，亦帶有淡淡黑松露嘅清香。由於脂肪比例平均，食落亦都唔會過於油膩，加埋珍珠飯一齊食，好和味！🤤另外叫咗一個芝士吉列豚肉定食。豚肉顏色粉嫩，而芝士嘅味道亦十分討好，膩感唔重。但就唔係每塊豬肉都有流心嘅芝士，如果芝士分布得平均啲就仲好啦。簡單啲來講，呢間係一定會再encore嘅餐廳，亦都好相信會係即將興起嘅荃灣蒲點！