秘 (享成街)

Open Now

Now Closed

荃灣分店位置荃灣廣場附近，唔會好難搵。但可能因為新開既關係，人手唔多夠，所以晚市暫時唔接受電話預約🤔。適逢父親節，加上佢地格價相宜，晚市6點已經坐滿。我今日好好彩行快兩步，唔係就要等好耐喇😆😆。主食本身有個白飯跟，而且仲有得升級嫁😲。晚市加$35可以升級做秘之素飯，楓糖流心蛋同櫻花昆布湯。再加多$20，即$55仲可以要埋條金魚添😍。秘之素飯其實就係响個飯上面加左紫菜，芝麻同木魚粉等等。聽落好似好普通？但一食落口就知，因為整碗飯完全升級了，非常好食👍🏻。楓糖流心蛋我個人就認為甜得濟喇，我都係比較中意食醬油糖心蛋😅。金魚餃賣相超靚，打卡必點📸。秘・燒黑松露吉列牛，份量好多，好香黑松露味。因為始終係美國安格斯牛，油花分布唔會好似A5和牛咁，所以未到入口即溶，但咁既價錢食到依個質素，其實真係無咩可以彈喇😚😚。板燒安格斯牛，份量同黑松露吉列牛一樣多，肉味好香。咁啱我依份油花分布比例好好，食落返而比黑松露吉列牛好食😜。芝士吉列豚肉，都一樣好大塊，炸得好好，外脆內嫩，肉仍然好juicy。再點埋芝士醬，食完後大滿足🥰🥰。要注意返，店舖暫時只收現金，所以記得帶足夠錢去呀💰💰。