保家山 (Closed)

啱啱去咗間叫做「保家山」嘅漢堡店，係觀塘駱駝漆大廈🤣 之前有朋友食過burger同埋pasta 佢推介我黎！除咗傳統嘅牛肉漢堡之外，仲有手工和牛漢堡配搭唔同醬汁同埋紐西蘭羊肉漢堡可以揀。佢地嘅芝士汁薯條同紫菜薯條都好足料！😍岩岩坐正係姜濤牆隔離🤣 “藍”  手工和牛漢堡（藍芝士醬）$108講翻手工和牛漢堡🍔，呢款漢堡真係好juicy，真材實料，同藍芝士醬汁嘅配搭真係好正啊！芝士汁薯條就更加係一級棒，每條薯條都有芝士包裹住，食落去就好似係芝士天堂咁，成口都係芝士味！“羊”  蔥香紐西蘭羊肉漢堡 $98紐西蘭羊肉漢堡都唔錯，肉質好鮮嫩，一點都冇羊臊味，加埋特調嘅醬汁，咬落去啖啖肉，真係好好味啊😋！紫菜薯條都好獨特，每條薯條都有紫菜嘅香氣，食落去非常開胃。仲有呢個自家製無糖蜜桃茶 好想蜜桃味 飲落好清新舒服！ 無糖又健康 好夾個漢堡😋保家山嘅名字理念好有意思，由長洲搶包山平安包轉變成漢堡包，創辦人希望創造香港獨有嘅漢堡包味道，加入香港文化元素，真係好有心啊！如果你鍾意食漢堡，真係唔好錯過保家山啊！👍

有喺觀塘返工嘅友人介紹呢間樓上burger店 就聽佢嘅推介認住門口burger山嘅招牌嚟咗食啦🫢呢間餐廳係自助形式嘅 自己搵位 自己去收銀處點餐 自己去取餐 自己執檯😗 不過店員都會好nice咁走出嚟同我地傾計嘅 咁我同友人就一人叫咗一個burger套餐😋手工和牛漢堡配藍芝士醬汁和牛聞落已經好香 咬開見到和牛漢堡仲係粉嫩有肉汁 所以唔會好乾身🐮 好少餐廳有藍芝士醬汁 所以就揀咗啦 藍芝士好香 芝士味濃🧀 配埋生菜 番茄 紫洋蔥平衡返 漢堡包味道好啱口味🍔辣汁嫩雞漢堡呢個嫩雞好有驚喜 雞真係好嫩 食到一絲絲嘅雞肉 絕對唔駛驚雞胸嘅鞋🐥 仲要有兩大嚿 簡簡單單配埋辣汁同生菜已經好食🤤 辣汁令呢個包好惹味🌶️ 配菜 健康沙律 芝士汁薯條沙律有成杯生菜同番茄再加少少柚子味 成件事好fresh 唔駛擔心burger太heavy🥗 如果鍾意食香口嘢嘅朋友可以揀薯條 因為真係好脆🍟 芝士汁都好濃郁 薯條同個汁係絕配 一定要試下飲品 無糖蜜桃茶 津路烏龍茶 無糖蜜桃茶只有淡淡嘅甜味 蜜桃味非常自然🍑 津路烏龍茶 一路都係我嘅至愛 呢度竟然有得加配🍵 聽店員睇先知餐廳叫burger山係源自長洲搶包山嘅概念

觀塘工廈真係好多好正嘅小店，駱駝漆入面嘅「保家山」就係其中一間💛 佢哋嘅主打係手打和牛漢堡，雖然款式唔算好多，但都有提供豚肉、雞肉、羊肉同埋素食嘅選擇，就算係唔食牛肉嘅都可以食😚 餐廳嘅座位非常闊落，裝修用白色同磚紅色做主調，比較特別嘅係門口嘅櫃上面擺咗個「漢堡包山」嘅擺設🍔🤣•🥢 “葵” 手工和牛漢堡 $98呢款和牛漢堡係用咗Wasabi沙律醬，wasabi嘅份量都幾重手：真係會食到有啲攻鼻🥹 都有啲估唔到wasabi同和牛漢堡扒都幾夾，可以中和返少少和牛漢堡扒嘅油膩感～和牛漢堡扒好厚，而且煎到啱啱好熟，一咬就爆汁💦 非常之juicy🤤而麵包係有烘過少少，但麵包都係偏軟身，如果再烘脆多少少應該會仲正😋•🥢 “芫荽” 手工和牛漢堡 $108雖然我就唔食芫荽嘅🤢 但身為芫荽控嘅朋友食完呢個漢堡，真係推介一眾芫荽控必試🤩新鮮芫荽令到個包好清新，再加埋芫荽沙律醬，幾重芫荽味 ，但又唔會好膩；而且係連漢堡扒入面都有芫荽碎🌿 由內到外都好「荽」🤣唯一缺點就係呢塊漢堡扒比較乾身～雖然中間仲有少少粉嫩，但食落無葵嗰款咁juicy～•🥢 芝士汁薯條 +$12套餐係包薯條/沙律同埋一杯飲品嘅～ 轉芝士汁