Goobne Chicken (V Point)

Open Now

Now Closed

Goobne家主打烤雞,之前有和朋友試過將軍澳一次，雞肉嫩滑，非常入味，真係好好食。今次試左銅鑼灣呢間，位處V point25樓餐廳兩邊有落地玻璃靚景!環境一流印象好好Goobn有好多其他side menu可以選擇，食物豐富份量大，播緊kpop食韓國嘢真係好有風味，環境都ok適合朋友聚會！我同朋友二人點了鐵板芝士炒年糕，三重芝士烤雞，Somersby Apple Rita。侍應係韓國oppa，講韓文同英文。鐵板芝士炒年糕滿滿既芝士要即時吃才惹味，甜甜辣辣不會膩，芝士夠正。年糕軟硬度適中口感軟軟的，還不錯，辣嘚醬汁配上煙韌嘅年糕條，十分好味。值得一試！三重芝士烤雞外層滿滿芝士粉包圍味道濃郁，雞肉皮香肉嫩，而且冇乜脂肪，冇咁有罪惡咁。Somersby Apple Rita食雞梗係要配返支啤酒，叫左杯apple cider味道清新有果香味，解渴大杯,兩個人share都無問題，酒精味不濃，適合不會喝酒的朋友。

今日同女朋友同佢個FD行街，佢兩個話想食下韓式野，就搵到呢間位於登龍街既GOOBNE，其實一路對韓式野無乜特別好感，可能睇親韓劇見D人都係食公仔面啊，炸醬面啊咁樣，所以覺得好似無乜特別，但兩個話要食，咁又一試無壞。餐廳都算易搵，去到唔算多人，唔使等好耐 。。。（好彩）餐牌有幾多我都無諗過韓式野原來有既野出現，女朋友點佐個芝士炒年糕，我同朋友仔就點佐最鐘意既炸雞同埋我去親日本一定食既蛋卷，見呢間韓式野有，當然睇下有咩分別啦。先黎係份蛋卷，比我想像中大分，都可以話同價錢成正比，蛋都幾滑，但就唔似日式個隻咁甜，但配埋入面D料都幾夾，唔錯。再黎係芝士炒年糕，唔太明點解炒年糕有面係中間，但夾落個味又OK，好快就清曬，可能因為我都幾肚餓再黎就係我最受既炸雞啦，咖哩味唔算好重，但配埋個蜜糖甜甜地又真係幾野味﹗但都幾大份，3個人叫佐呢三樣野真係好飽，而最重要我係KO左七成﹗但整体都比我想像中既韓式野有創意同特別，味道都幾唔錯，下次有機會都會再黎食。

食野當然要揾過環境坐得舒服又有景睇下咁喇.. 最啱我地女孩子傾偈.. 最得我地揀左上V Point食炸雞.. 個景真係無得輸.. 街景都好靚.. 仲有Goobne 特色倒插沙冰.. 哈哈.. 不過今晚我朋友唔飲得酒就唯有唔飲喇.. 韓式粉絲雞蛋捲: 呢個都係我每次食都必點架.. 入面有火腿青瓜仲有粉絲.. 有點素都可以整得好好味.. 次次都食唔停口.. 基本連另外上嘅醬汁都可以不用點咯.. 健康之選.. 芝士炒年糕: 芝士味勁濃又辣辣地好開胃.. 本身年糕都無味但一煮完再點芝士汁.. 辣中帶芝士香.. 本身仲有辣麵底.. 但我地怕太流就無點芝士汁.. 不過放耐左芝士會凝固就無咁好食.. 一食就知道係邪惡之最.. 蜜糖咖喱烤雞: 皮脆內軟.. 外皮脆得黎沾滿甜甜的蜜糖味.. 哈哈.. 但係不太發覺有咖哩味..原來係要點醬先得.. 不過我自己鐘意就咁食多啲.. 雞肉夠滑.. 味道剛好不太濃味.. 另外不得不提就係我最愛嘅酸蘿白.. 好開胃而且中和到炸雞嘅’流’ 同油膩感.. 雖然價錢都偏貴了點.. 但至少都仲有靚景睇.. 再嘆杯cocktail 簡直人生一大樂事.. 不過我地2個人點3樣都

講到最喜歡嘅烤雞店，點都要數Goobne Chicken，最初開喺旺角，收工成日同同事們一齊晚飯，一試愛上佢地嘅烤雞，真係特別好食。幾年間同事間相繼離開公司，唔再喺同一職場，見面較少，但每次相聚都會記起我地曾喺呢度食烤雞，仲有最愛呢度嘅蛋卷。而家分店愈黎愈多，最近黎到銅鑼灣嘅分店更加係有如此靚景，值得一試呢間分店位於登龍街，以前講到登龍街淨係知有拉麵店，而家執淨幾間，反而食店種類更加多元化，呢棟大廈我之前黎過一次打火鍋，位處高層，日頭天氣好、日落、入夜景色真係幾正。餐廳佔地頗廣，位置都多，相對其他分店闊落，坐得舒適，去過唔同分店，最喜歡呢家喇。裝潢簡約，但又有格調，特別配上大玻璃，視野廣闊，環境滿分。如果想坐窗邊位置或者需要預約又或者好似我地咁食個early dinner先得(笑)。當日仲要輪流播住《太陽的後裔》同《鬼怪》嘅OST，非常開心。餐牌選擇豐富，有鐵板雞、烤雞、年糕、部隊鍋、魚糕湯、沙律、雞蛋卷、豬肋骨等，飲品都比起我上次（好耐之前）黎多左好多選擇。始終食烤雞都係人多除番開抵食啲，加上份量比較大，好似我地今次兩丁友黎，點左兩款已經飽了，相當滿足。本來見到佢地有牛奶冰，草莓、紅

已經唔係第一次黎Goobne Chicken, 食過其他分店覺得幾正，見到銅鑼灣開左新分店就同o係附近翻工既朋友黎食下。呢間分店係25樓，樓底好高，餐廳裝修幾令，咁岩坐到窗邊位，景觀唔錯呢！Vi同朋友都好中意食芝士今次要左深層芝士烤雞同芝士炒年糕!飲品要左呢度既Signature藍色沙冰，可以選擇有酒精同無酒精，無酒精既飲落似檸檬沙冰，酸酸甜甜幾開胃。深層芝士烤雞黎啦！烤雞上面舖滿芝士粉，好邪惡！呢度既雞係用非油炸既方法烤焗出黎，感覺無咁肥膩，而雞皮仲係好脆，肉質就keep到滑，芝士味方面都濃，有咁多芝士粉實夠味啦xdxd而芝士炒年糕亦幾好食，芝士係拉絲果種，年糕好煙韌，中間仲有韓國公仔面同魚片，撈左韓式甜辣醬好惹味，有少少辣，其實無芝士都已經好夠味，d芝士純粹係視覺效果xd 整體食得好滿足，希望佢地出多d新款野食la xd

熟悉我的人都知，我甚少重覆去同一間餐廳。問題不在於餐廳，只是個人的心水餐廳太多，希望每次都能在priority list上選一間。不過，今次吃的這家韓式烤雞店，竟然三度光顧： 第一次應該是剛開業不久的尖沙咀店，也是品牌進駐香港的第一店。第二次該是去年的12月跟同學的聖誕聚餐。第三次，便是今次。 雖然來了三次，但吃的食物竟然沒有相同的，真好。更難得的是，每一次吃完都覺得滿意，沒有丁點不悅。本來想分享3次用餐吃過的食物，惜找不到第一次吃的那些相片（可能因為曾經換電話吧），只能分享最近2次呢。Fruity Soy Garlic Chicken $185 選擇太多，商討了一輪，就選了這個雞。侍應送來時，我看不到有蘋果，還以為是送錯了呢。因為餐牌的介紹說是有蘋果和檸檬的。雞的數量多至10件，我跟朋友看到便知合我們二人之力，一定要打包。  未放進口，已被烤雞那股酸甜濃郁的香味刺激到。嚐一口，外皮酸酸甜甜，我想是蘋果的甜加上檸檬的酸，但二者並沒有搶味，不俗。Soy是指醬油，我知道，外皮這麼深色，定是因為醬油了=）不過，醬油味不太重，跟香蒜味的合作天衣無縫。要知道，要是它們「爭寵」，那蘋果與檸檬便會

9月14系一個好朋友既生日，但佢正日唔得閑，唯有推遲一日同佢食生日餐。之前系GOOBNE個facebook見倒話銅鑼灣9月9號新鋪開張，就心思思想去試，朋友又中意食韓國炸雞wor，甘就決定左去食了。第一個上檯既就系朋友至愛既薄荷冰水，清新既薄荷味，雖然唔系我喜歡既野，但賣相唔錯，4顆星~所以藍橙既味道系咩味道呢？飲落去甜甜地，橙味唔系好濃，對於我呢個摯愛沙冰既人黎講，比我一啖沙冰，就系最高既享受了。我相信添加既野越少，越可以食到最原汁原味既食物。所以每去到一家餐廳，我有個癖好，就系要食最基本的食物，所以呢次就點左呢個原味烤雞，餐牌介紹話系以最原始既方法腌制，保留雞肉的原汁原味，okay~“最原始”同“原汁原味”呢d字眼，令我第一時間簡左。果然冇令我失望，入口有烤雞既香味，但唔會好濃烈，咬開之後，雞肉既肉汁若隱若現，好鮮嫩，的確系食倒雞既原汁原味。><好啦，作為一枚貨真價實既吃貨，芝士炒年糕一定逃唔過我既魔掌。一上檯，熱騰騰既煙氣帶著辣味散出黎，嘴入面d口水已經就快湧出黎，即刻用叉圈起一打舊芝士，就甘放落口，辣辣地既芝士岩嗮我既口味，是想像中的味道~正啊！！再食下年糕，煙

朋友一直推介我試Goobne Chicken, 又話CWB開咗間上樓新店, 有無敵大海景架, 所以咪係開張嗰日約咗同事一齊去試下囉... 嘩!!! 上到25樓時, 就見到嗰靚仔OPPA招呼我哋... 原先我哋一行4人, 食食下仲有同事加入聚餐, 所以就要求Goobne Chicken加位比我同事, 但佢哋立即叫我哋等等... 原來係幫轉張大枱比我哋, 佢哋真係好好, 好貼心呀~