富士山55 (拉麵沾麵專門店) (Closed)

朋友係一位專業Foodie，最鍾意搵一啲位置偏僻唔多人知嘅美食！今日佢就約我去銅鑼灣呢間位置較偏嘅拉麵沾麵店。富士山55源自日本名古屋，沾麵湯底味較濃，對於「重口味」嘅我，正！一坐低店員就好貼心送水俾我哋，然後介紹介紹新出有款柚子豚骨湯底，對於鍾意試新野嘅我哋二話不說決定要呢個！但要試一間餐廳嘅水準當然要試最基本菜式，所以我哋點多個特濃豚骨沾面。柚子豚骨沾麵 上麵嘅時候已經見到粒粒柚子喺麵上面，再飲淡湯原來入面都有滲著濃濃嘅柚子味。喺炎炎夏日食呢個湯底開胃之餘勁feel fresh！而柚子配上沾麵味道非常新鮮，唔似平時食沾麵會覺得比較膩。特濃豚骨沾面 另一招牌特濃豚骨沾面亦同時上場，雖然湯底同柚子味睇上去嘅差唔多，但係飲上去明顯呢個肉味較強較濃郁，不過亦唔會太咸，恰到好處。兩碗麵嘅叉燒都係火灸，比起其他餐廳就咁煮熟前者明顯味道香口好多，加上叉燒切得薄身，有種入口即融嘅感覺。芝士飯 兩個大食妹食完兩碗麵意猶未盡！餐廳有個好貼心嘅選擇，如果食完唔想浪費湯底，可以加$20整芝士飯。店員幫我哋將芝士同飯倒落柚子湯，一邊加熱一邊攪，我哋就好似睇表演一樣，睇住店員整到芝士有拉絲效果，兩個肥妹流晒口

小編2號聽小編1號推介去咗試海膽沾麵 但小編1號懶🐷🐷食野唔做野 小編2號唯有做埋佢果份啦😩果日小編大概7點幾去到 平日黎 都唔算好多心等位 等咗15分鐘到就有得入😆 入到去環境都尚算舒服 唔會太迫呢個雙色海膽沾麵($298)不得了 海膽好鮮好甜 加埋魚子出色 份量好足 食極都仲有咁🤤 沾麵湯亦很香濃 唔會太鹹 仲有陣陣海膽香 最尾加咗$20食埋個芝士飯大滿足💯Ps 食埋個芝士飯真係超飽啊🤢 小編會建議大家兩個人share 冇咁漏 怕唔夠飽可加麵底 但小編2證實加咗麵底係會食唔晒的😀

在銅鑼灣已有好幾間日本餐廳，幸得有朋友的介紹，喜歡嘗試「新鮮嘢」的我，差不多已開始滿足不到我的食慾，每當發現有一些特別的吃法，我都會去一嘗新鮮感。在日本有一種名叫沾麵 (つけ麺) 的東西，它與普通拉麵吃法會有些不同。這次與朋友一起來到銅鑼灣，要吃到日本正宗沾麵，我覺得要去這餐廳，來到門口已有很多人在排隊，就這一點已大約知道這餐廳的好吃程度。今次的期間限定有海膽沾麵(ウニつけ麺) 及北海道松葉蟹沾麵，這次我選了海膽沾麵。這餐牌內設計成漫畫的風格，十分吸引。餐廳內比較狹窄，坐位不算太多，侍應們都十分小心。先來一個煎餃子，餃子內裡的用料很豐滿，不會令到餃子外貌顯得很瘦削，外皮不會太厚，帶點些少焦香，煎得恰到好處。接著就開始吃沾麵，與普通拉麵不同之處是麵與湯是分開的，麵條外表光滑，麵質順滑彈牙麵煮熟後要過冷河，這樣的麵才會好吃，本身沾麵已有半隻蛋，再另加了多隻半熟蛋，想不到海膽份量很足，又再在海膽上加了大量的三文魚子，麵條沾了湯後，與海膽一起吃的味道真的很配合，沾湯味道香濃，是用龍蝦及海膽熬製，整碗色彩很鮮亮，未吃已十分吸引了。有剩下的湯汁，可以另加芝士及飯，製成日式芝士雜炊(芝士飯),十分有

沾麵 - 對日式麵食有啲研究嘅都認識，不過唔係個個香港人都知係咩黎。其實就類似過橋，湯麵分開，食時夾住麵蘸落湯度食。但係問題就出現啦，個麵過完冷河，個麵係凍嘅，個湯更熱蘸三次就凍啦，咁點算呢?! 所以湯更好味，最緊要可以keep住熱，凍咗嘅豬骨湯，沾埋啲凍麵點會好食先。响富士山55就有電磁爐俾你翻熱，食到咁上緊唔夠熱就煮一煮個湯，三十秒就滾到噗噗聲。沾麵嘅湯比湯麵嘅濃好多，杰好多，唔係用黎飲嘅。要飲湯嘅話，就留番最後食完麵加清湯落濃湯度，校番淡啲黎飲。特濃豬骨湯沾麵 $88 - 9/10如題，個湯真係堅濃，食到豬骨嘅甜味，麵係太麵，比正常沾粗一啲，所以一口麵唔會蘸到太多湯而令人覺得太濃或者咸得滯。麵本身嘅味道亦不錯，唔會寡，而且彈牙，同超濃豬骨湯夾到不得了。記得不時將湯翻熱，呢個豬骨湯沾麵一定要好熱咁食，因為湯好稠，凍少少都會覺得有啲膩。辛辣沾麵 (中辣) $88 - 7/10一心諗住自己食得辣，點中辣應該可以，點知?! 唔食開辣嘅千祈唔好搵命搏，食開嘅都唔好好似我咁懶勁。中辣經已好辣，不過辣還辣，佢算辣得出色嘅。除咗辣味之外，仲食到其他香料味，有啲似七味粉咁。老實，係有啲自己攞黎，辣